ଟଳିଲା ବଡ଼ ଅଘଟଣ,ଇଣ୍ଡିଗୋ ବିମାନରେ ମାଡ଼ ହେଲା ପକ୍ଷୀ; ବାରଣାସୀରେ କଲା ଜରୁରୀ ଅବତରଣ

ଟଳିଲା ବଡ଼ ଅଘଟଣ । ବର୍ତ୍ତିଲା ବିମାନଯାତ୍ରୀଙ୍କ ଜୀବନ । ବାରଣାସୀର ଲାଲ ବହାଦୂର ଶାସ୍ତ୍ରୀ ଇଣ୍ଟରନ୍ୟାସନାଲ ଏୟାରପୋର୍ଟରେ ଅଳ୍ପକେ ଟଳିଗଲା ବଡ଼ ବିମାନ ଦୁର୍ଘଟଣା । ଗୋରଖପୁରର ବେଙ୍ଗାଲୁରୁ ଯାଉଥିବା ଇଣ୍ଡିଗୋ ଏୟାରଲାଇନ୍ସର ବିମାନରେ ପକ୍ଷୀ ମାଡ଼ ହେବାରୁ ଜରୁରୀ ଅବତରଣ କରିଛି । ପାଇଲଟଙ୍କ ଉପସ୍ଥିତି ବୁଦ୍ଧି ଯୋଗୁଁ ସମସ୍ତ ଯାତ୍ରୀ ସୁରକ୍ଷିତ ରହିଥିବା ବେଳେ କେହି ଆହତ ହୋଇନାହାନ୍ତି ।

ବିମାନବନ୍ଦର ସୂତ୍ର ଅନୁଯାୟୀ, ମଝି ଆକାଶରେ ଥିବା ସମୟରେ ବିମାନଟି ଏକ ପକ୍ଷୀ ସହିତ ଧକ୍କା ଖାଇଥିଲା। ପକ୍ଷୀ ଧକ୍କା ହେବା ଫଳରେ ବିମାନର ଆଗ ଭାଗ ଅର୍ଥାତ୍ ନୋଜ ସେକ୍ସନ କ୍ଷତିଗ୍ରସ୍ତ ହୋଇଥିଲା। ପରିସ୍ଥିତିର ଗମ୍ଭୀରତାକୁ ଅନୁଭବ କରି, ପାଇଲଟ୍ ତୁରନ୍ତ ବାରାଣସୀ ଏୟାର ଟ୍ରାଫିକ୍ କଣ୍ଟ୍ରୋଲ ସହିତ ଯୋଗାଯୋଗ କରିଥିଲେ ଏବଂ ସତର୍କତାମୂଳକ ପଦକ୍ଷେପ ସ୍ୱରୂପ ବିମାନକୁ ନିକଟତମ ଏୟାରପୋର୍ଟରେ ଲ୍ୟାଣ୍ଡ କରିବା ପାଇଁ ନିଷ୍ପତ୍ତି ନେଇଥିଲେ । ବିମାନଟି ସନ୍ଧ୍ୟା ୭ଟା୦୫ ରେ ବାରାଣସୀ ବିମାନବନ୍ଦରରେ ସୁରକ୍ଷିତ ଭାବରେ ଅବତରଣ କରିଥିଲା।

ଅବତରଣ ପରେ ପ୍ରାଥମିକ ଯାଞ୍ଚରୁ ଆଗ ଭାଗରେ ଏକ କ୍ଷତ ଏବଂ ଏକ ଛୋଟ ଫାଟ ଜଣାପଡ଼ିଥିଲା। ପରେ ଇଣ୍ଡିଗୋ ବିମାନଟି ବିମାନବନ୍ଦରର ଓ୍ବେ ନମ୍ବର ୦୩ରେ ପାର୍କିଂ କରାଯାଇଥିଲା। ସୁରକ୍ଷା ଦୃଷ୍ଟିରୁ ପାଇଲଟ୍ ଉଡ଼ାଣ ଚଳାଇବାକୁ ମନା କରିଦେଇଥିଲେ, ଯାହା ଫଳରେ ଗୋରଖପୁର-ବେଙ୍ଗାଲୁରୁ ବିମାନ ବାତିଲ ହୋଇଥିଲା।