ଇରାନ-ଇସ୍ରାଏଲ ଯୁଦ୍ଧ ମଧ୍ୟ ଉଭୟ ଦେଶକୁ ଶାନ୍ତି ପାଇଁ ନିବେଦନ କଲା ଭାରତ
ନୂଆଦିଲ୍ଲୀ: ଇରାନ ଏବଂ ଇସ୍ରାଏଲ ମଧ୍ୟରେ ତିକ୍ତତା ବୃଦ୍ଧି ପାଇବା ପରେ ଭାରତର ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି । ଭାରତ ବୈଦେଶିକ ମନ୍ତ୍ରଣାଳୟ ଏକ ବିବୃତ୍ତି ଜାରି କରି ଉଭୟ ଦେଶକୁ ସଂଯମତା ଅବଲମ୍ବନ କରିବାକୁ ନିବେଦନ କରିଛି। ଇସ୍ରାଏଲ ଏବଂ ଇରାନ ମଧ୍ୟରେ ବଢ଼ୁଥିବା ଶତ୍ରୁତା ଯୋଗୁଁ ଆମେ ଗଭୀର ଭାବେ ଚିନ୍ତିତ । ଏହି ଯୁଦ୍ଧର ଅଞ୍ଚଳରେ ଶାନ୍ତି ଏବଂ ନିରାପତ୍ତା ପ୍ରତି ବିପଦ ସୃଷ୍ଟି କରିଛି। ଆମେ ତୁରନ୍ତ ଡି-ଏସ୍କାଲେସନ୍, ସଂଯମତା ଏବଂ କୂଟନୈତିକ ପଥକୁ ଫେରିବା ପାଇଁ ଆହ୍ୱାନ କରୁଛୁ ।
ବୈଦେଶିକ ମନ୍ତ୍ରଣାଳୟ ଏହାର ବିବୃତ୍ତିରେ କହିଛି ଯେ ଆମେ ପରିସ୍ଥିତି ଉପରେ ତୀକ୍ଷ୍ଣ ନଜର ରଖିଛୁ। ଏହି ଅଞ୍ଚଳରେ ଆମର ଦୂତାବାସ ଭାରତୀୟ ସମ୍ପ୍ରଦାୟ ସହିତ ଯୋଗାଯୋଗରେ ଅଛି । ଏହି ଅଞ୍ଚଳରେ ସୁରକ୍ଷା ଏବଂ ସ୍ଥିରତା ବଜାୟ ରଖିବା ଜରୁରୀ ଅଟେ।
ଇରାନ ଏକ ଅପ୍ରତ୍ୟାଶିତ ପଦକ୍ଷେପ ନେଇ ରବିବାର ସକାଳେ ଇସ୍ରାଏଲ ଉପରେ ଆକ୍ରମଣ କରିଥିଲା। ଇରାନ ଇସ୍ରାଏଲ ଉପରେ ଶହ ଶହ ଡ୍ରୋନ୍, ବାଲିଷ୍ଟିକ୍ କ୍ଷେପଣାସ୍ତ୍ର ଏବଂ କ୍ରୁଜ୍ କ୍ଷେପଣାସ୍ତ୍ର ନିକ୍ଷେପ କରିଥିଲା। ଇରାନର ଏହି ଆକ୍ରମଣ ପଶ୍ଚିମ ଏସିଆକୁ ଏକ ଆଞ୍ଚଳିକ ଯୁଦ୍ଧର ନିକଟତର କରିଛି। ଇସ୍ରାଏଲର ସାମରିକ ମୁଖପାତ୍ର ରିୟର ଆଡମିରାଲ ଡାନିଏଲ ହାଗରୀ କହିଛନ୍ତି ଯେ ଇରାନ ଅନେକ ଡ୍ରୋନ୍, କ୍ରୁଜ୍ କ୍ଷେପଣାସ୍ତ୍ର ଏବଂ ବାଲିଷ୍ଟିକ୍ କ୍ଷେପଣାସ୍ତ୍ର ନିକ୍ଷେପ କରିଛି, ଯାହା ମଧ୍ୟରୁ ଅଧିକାଂଶ ଇସ୍ରାଏଲ୍ ସୀମା ବାହାରେ ନଷ୍ଟ ହୋଇଯାଇଛି। ସେ କହିଛନ୍ତି ଯେ ଯୁଦ୍ଧ ବିମାନ ଇସ୍ରାଏଲର ବାୟୁମଣ୍ଡଳ ବାହାରେ 10 ରୁ ଅଧିକ କ୍ରୁଜ୍ କ୍ଷେପଣାସ୍ତ୍ର ନଷ୍ଟ କରିଦେଇଛି, କିନ୍ତୁ କିଛି କ୍ଷେପଣାସ୍ତ୍ର ଇସ୍ରାଏଲରେ ପଡିଛି ।
We are seriously concerned at the escalation of hostilities between Israel and Iran which threatens the peace and security in the region. We call for immediate de-escalation, exercise of restraint, stepping back from violence and return to the path of diplomacy: MEA
We are… pic.twitter.com/W5hFQoaeP7
— ANI (@ANI) April 14, 2024
ସିରିଆର ଇରାନ କନସୁଲେଟ ଉପରେ ଏପ୍ରିଲ 1 ରେ ହୋଇଥିବା ବିମାନ ଆକ୍ରମଣରେ ଦୁଇଜଣ ଇରାନ ଜେନେରାଲଙ୍କ ମୃତ୍ୟୁ ପରେ ଇରାନ ପ୍ରତିଶୋଧ ନେଇଥିଲା। ଏହି ଆକ୍ରମଣ ପଛରେ ଇରାନ ଇସ୍ରାଏଲର ଅଭିଯୋଗ କରିଛି। ତେବେ ଇସ୍ରାଏଲ ଏହାର ଉତ୍ତର ଦେଇ ନାହିଁ। ଦେଶର 1979 ଇସଲାମିକ ବିପ୍ଳବ ପରେ ଆରମ୍ଭ ହୋଇଥିବା ଦଶନ୍ଧିର ଶତ୍ରୁତା ପରେ ଇରାନ ପ୍ରଥମ ଥର ପାଇଁ ଇସ୍ରାଏଲ ଉପରେ ଆକ୍ରମଣ କରିଛି। ଆମେରିକା, ମିଳିତ ଜାତିସଂଘ, ଫ୍ରାନ୍ସ, ବ୍ରିଟେନ ଇତ୍ୟାଦି ଦେଶ ଇରାନର ଇସ୍ରାଏଲ ଉପରେ ହୋଇଥିବା ଆକ୍ରମଣକୁ ନିନ୍ଦା କରିଛନ୍ତି।
Click it and Unblock the Notifications
Sign in with Google