ଆମେରିରାରେ ପୁଣି ଭାରତୀୟ ଛାତ୍ରଙ୍କ ଉପରେ ଆକ୍ରମଣ

Crime News: ଆମେରିକାରେ ପୁଣି ଭାରତୀୟ ଛାତ୍ରଙ୍କ ଉପରେ ଆକ୍ରମଣ । ଜିମ୍ ଯିବା ସମୟରେ ଛୁରୀରେ ଆକ୍ରମଣ ହୋଇଥିବା ନେଇ ସୂଚନା । ସୂଚନା ଅନୁସାରେ, ଛାତ୍ରଙ୍କ ଅବସ୍ଥା ବର୍ତ୍ତମାନ ଗୁରୁତର ଅଛି । ଏଥର ଇଣ୍ତିଆନା ରାଜ୍ୟରେ ଏପରି ଘଟଣା ଘଟିଛି । ଆମେରିକାରେ ଅବସ୍ଥାପିତ ଭାରତୀୟ ଛାତ୍ରମାନଙ୍କ ଉପରେ ଲଗାତାର ଆକ୍ରମଣ ହୋଇଆସୁଛି ।

ସୂଚନା ଅନୁସାରେ, ଆମେରିକାର ଇଣ୍ତିଆନ ରାଜ୍ୟରେ ଜଣେ ୨୪ ବର୍ଷୀୟ ଭାରତୀୟ ଛାତ୍ର ଜିମ ଯିବା ସମୟରେ ତାଙ୍କ ଉପରେ ଛୁରାମାଡ଼ ହୋଇଛି । ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଗୁରୁତର ଅଛି ବୋଲି କୁହାଯାଉଛି । ତେବେ ଜୋର୍ଡାନ ଆଣ୍ତ୍ରେଡ ନାମକ ଜଣେ ଆମେରିକୀୟ ଯୁବକ ତାଙ୍କ କାନରେ ଛୁରା ମାଡ଼ କରିଥିବା ନେଇ ସୂଚନା ରହିଛି ।

ଖବର ଅନୁସାରେ, ଆକ୍ରମଣକାରୀଙ୍କୁ ଗିରଫ କରାଯାଇ ସରିଛି ଏବଂ ଏହି ଘଟଣାର ତଦନ୍ତ ଜାରି ରହିବା ସହ ହତ୍ୟା ଉଦ୍ୟମ ଆଧାରରେ ଏକ ମାମଲା ରୁଜୁ କରାଯାଇଛି । ବରୁଣ ନାମନକ ଜଣେ ଭାରତୀୟ ଛାତ୍ରଙ୍କ ଉପରେ ଆକ୍ରମଣ ହୋଇଛି । ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ବରୁଣ ଠାରୁ ବିପଦର ଆଶଙ୍କା କରୁଥିଲେ ଆଣ୍ତ୍ରେଡ । ସେଥିପାଇଁ ସେ ତାଙ୍କ ଉପରେ ଛୁରୀରେ ଆକ୍ରମଣ କରିଥିଲେ ।

ବରୁଣ ତାଙ୍କୁ ପୂର୍ବରୁ ଅନେକ ଥର ଧମକ ଦେଇଥିଲେ । ଏପରକି ବରୁଣ ତାଙ୍କୁ ଜୀବନରୁ ମାରିଦେବାକୁ ମଧ୍ୟ ଧମକ ଦେଉଥିଲେ । ସେଥିପାଇଁ ଭୟଭୀତ ହୋଇ ସେ ବରୁଣଙ୍କ ଉପରେ ଆକ୍ରମଣ କରିଛନ୍ତି । ସେପଟେ ବରୁଣଙ୍କୁ ପୋର୍ଟ ୱେନ୍ ଡାକ୍ତରଖାନାରେ ଭର୍ତ୍ତି କରାଯାଇଛି । ତାଙ୍କ ବଞ୍ଚିବାର ସମ୍ଭାବନା କମ୍ ବୋଲି କୁହାଯାଉଛି ।

English summary

Indian student attacked again in America.