୨୦୨୪ରେ ୭.୫% ହିସାବରେ ବଢ଼ିବ ଭାରତର ଜିଡିପି, ନିର୍ବାଚନ ପୂର୍ବରୁ ବିଶ୍ୱ ବ୍ୟାଙ୍କ କରିଲା ଆକଳନ
ନୂଆଦିଲ୍ଲୀ: ଭାରତୀୟ ଅର୍ଥନୀତିକୁ ନେଇ ଏକ ଭଲ ଖବର ସାମ୍ନାକୁ ଆସିଛି । ବାସ୍ତବରେ ବିଶ୍ୱ ବ୍ୟାଙ୍କ ଆକଳନ କରିଛି ଯେ ୨୦୨୪ ମସିହାରେ ଭାରତୀୟ ଅର୍ଥନୀତି ୭.୫ ପ୍ରତିଶତ ହାରରେ ବୃଦ୍ଧି ପାଇବ । ବିଶ୍ୱ ବ୍ୟାଙ୍କର ପୂର୍ବ ଆକଳନ ତୁଳନାରେ ଏହା ୧.୨ ପ୍ରତିଶତ ଅଧିକ । ବିଶ୍ୱ ବ୍ୟାଙ୍କ ଏହା ମଧ୍ୟ କହିଛି ଯେ ସମଗ୍ର ଦକ୍ଷିଣ ଏସୀୟ ଦେଶଗୁଡ଼ିକ ମଧ୍ୟ ୬ ପ୍ରତିଶତ ହାରରେ ବୃଦ୍ଧି ପାଇବ ।
ବିଶ୍ୱ ବ୍ୟାଙ୍କ ଆହୁରି କହିଛି ଯେ ଭାରତର ଦ୍ରୁତ ଅଭିବୃଦ୍ଧି ହାର ଏବଂ ପାକିସ୍ଥାନ ଏବଂ ଶ୍ରୀଲଙ୍କାର ଅର୍ଥନୀତିରେ ଉନ୍ନତି ହେତୁ ଦକ୍ଷିଣ ଏସୀୟ ଦେଶଗୁଡିକର ସାମଗ୍ରିକ ଅଭିବୃଦ୍ଧି ଦ୍ରୁତ ଗତିରେ ରହିବ । ମଙ୍ଗଳବାର ଦକ୍ଷିଣ ଏସିଆର ବିକାଶ ଉପରେ ବିଶ୍ୱ ବ୍ୟାଙ୍କ ସର୍ବଶେଷ ଅଦ୍ୟତନ ପ୍ରକାଶ କରିଛି ଯେଉଁଥିରେ ଉପରୋକ୍ତ ଆକଳନ କରାଯାଇଛି । ବିଶ୍ୱ ବ୍ୟାଙ୍କର ରିପୋର୍ଟ ଅନୁଯାୟୀ ଆସନ୍ତା ଦୁଇ ବର୍ଷ ମଧ୍ୟରେ ବିଶ୍ୱର ଦ୍ରୁତ ଅଭିବୃଦ୍ଧି ଦକ୍ଷିଣ ଏସୀୟ ଅଞ୍ଚଳରେ ହେବ । ୨୦୨୫ ମସିହାରେ ମଧ୍ୟ ଦକ୍ଷିଣ ଏସୀୟ ଦେଶଗୁଡିକର ସାମଗ୍ରିକ ଅଭିବୃଦ୍ଧି ହାର ୬.୧ ପ୍ରତିଶତ ହେବ ବୋଲି ଆକଳନ କରାଯାଇଛି ।
ବିଶ୍ୱ ବ୍ୟାଙ୍କ ତାହାର ରିପୋର୍ଟରେ କହିଛି ଯେ ଦକ୍ଷିଣ ଏସିଆର ମୋଟ ଅର୍ଥନୀତିରେ ଭାରତର ଅର୍ଥନୀତି ସର୍ବ ବୃହତ ଏବଂ ୨୦୨୩-୨୪ ଆର୍ôଥକ ବର୍ଷରେ ଭାରତର ଅଭିବୃଦ୍ଧି ହାର ୭.୫ ପ୍ରତିଶତ ହୋଇପାରେ । ମଧ୍ୟମ ଅବଧି ପରେ ଏହା ୬.୬ ପ୍ରତିଶତକୁ ଫେରିପାରେ । ଭାରତର ଅଭିବୃଦ୍ଧି ହାରରେ ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ସେବା କ୍ଷେତ୍ର ଏବଂ ଶିଳ୍ପ ବିକାଶ । ୨୦୨୪-୨୫ ଆର୍ôଥକ ବର୍ଷରେ ବାଂଲାଦେଶର ଅଭିବୃଦ୍ଧି ହାର ୫.୭ ପ୍ରତିଶତ ହାରରେ ବୃଦ୍ଧି ପାଇବ ବୋଲି ଆଶା କରାଯାଉଛି । ତେବେ ମୁଦ୍ରାସ୍ଫୀତି ବୃଦ୍ଧି ଏବଂ ବାଣିଜ୍ୟ ଏବଂ ବୈଦେଶିକ ମୁଦ୍ରା ଉପରେ ପ୍ରତିବନ୍ଧକ ଯୋଗୁଁ ଅଭିବୃଦ୍ଧି ହାର ପ୍ରଭାବିତ ହେବ ।
ପୂର୍ବ ବର୍ଷରେ ଆର୍ôଥକ ମାନ୍ଦାବସ୍ଥାର ସମ୍ମୁଖୀନ ହେଉଥିବା ୨୦୨୪/୨୫ ଆର୍ôଥକ ବର୍ଷରେ ପାକିସ୍ତାନର ଅର୍ଥନୀତି ୨.୩% ବୃଦ୍ଧି ପାଇବ ବୋଲି ପୂର୍ବାନୁମାନ କରାଯାଇଛି । ଏହି ଅଭିବୃଦ୍ଧି ବ୍ୟବସାୟିକ ଆତ୍ମବିଶ୍ୱାସର ଉନ୍ନତି ପାଇଁ ସମ୍ଭବ ହୋଇ ପାରିଛି । ସେହିପରି, ଶ୍ରୀଲଙ୍କା ୨୦୨୫ ରେ ୨.୫% ଅଭିବୃଦ୍ଧି ସହିତ ଅର୍ଥନୀତିରେ ସାମାନ୍ୟ ସୁଧାର ଦେଖିବ ବୋଲି ଆଶା କରାଯାଉଛି ।
Click it and Unblock the Notifications
Sign in with Google