ଆଜି ବାୟୁ ସେନା ଦିବସ: ସ୍ଵାଧୀନତାରୁ ଆଜି ଯାଏଁ ପରାକ୍ରମ ଦେଖାଇଛି ଭାରତୀୟ ବାୟୁ ସେନା
ପ୍ରତିବର୍ଷ ଅକ୍ଟୋବର ୮ରେ ପାଳନ ହୁଏ ଭାରତୀୟ ବାୟୁସେନା ଦିବସ । ଭାରତୀୟ ବାୟୁ ମାର୍ଗର ସୁରକ୍ଷା କରିବା ହେଉଛି ଏହି ସେନାର ପ୍ରଥମ ଓ ପ୍ରଧାନ କର୍ତ୍ତବ୍ୟ । ଅକ୍ଟୋବର ୮ ତାରିଖକୁ ଆମ ଦେଶରେ 'ଭାରତୀୟ ବାୟୁସେନା ଦିବସ' ଭାବେ ପାଳନ କରାଯାଉଛି ।
ଦ୍ୱିତୀୟ ବିଶ୍ବଯୁଦ୍ଧ ସମୟରେ ମଧ୍ୟ ଭାରତୀୟ ବାୟୁସେନା ପ୍ରମୁଖ ଭୂମିକା ତୁଲାଇଥିଲା । ୧୯୫୦ରେ ଭାରତ ଗଣତନ୍ତ୍ର ରାଷ୍ଟ୍ର ହେବା ପରେ ସେହି ଦଳ 'ଭାରତୀୟ ବାୟୁ ସେନା' ନାମରେ ପରିଚିତ ହେଲା ।
ଚଳିତ ବର୍ଷ ଭାରତ ଏହାର ୯୧ ତମ ଭାରତୀୟ ବାୟୁସେନା ଦିବସ ପାଳନ କରୁଛି । ଏହି ଦିନ ଭାରତୀୟ ବାୟୁସେନାର କାର୍ଯ୍ୟ ଏବଂ ଦେଶରେ ବାୟୁସେନାର ଅବଦାନକୁ ପ୍ରଶଂସା କରାଯାଏ । ଏହା ସହିତ ଭାରତୀୟ ବାୟୁସେନାର ଫାଉଣ୍ଡେସନ ଦିବସ ମଧ୍ୟ ପାଳନ କରାଯାଏ । ଏହି ଦିନ ଭାରତୀୟ ସେନା ମଧ୍ୟ ଦେଶର ଏୟାର ଷ୍ଟେସନରୁ ଯୁଦ୍ଧ ବିମାନ ଦ୍ୱାରା ଷ୍ଟଣ୍ଟ ପ୍ରଦର୍ଶନ କରିଥାଏ ଏବଂ ଭାରତୀୟ ବାୟୁସେନାର ଶକ୍ତି ପ୍ରଦର୍ଶନ କରିଥାଏ ।
ଏୟାର ମାର୍ଶଲ ସୁବ୍ରୋତୋ ମୁଖାର୍ଜୀ ଭାରତୀୟ ବାୟୁସେନାର ପ୍ରତିଷ୍ଠାତା ବୋଲି ବିବେଚନା କରାଯାଏ। ସ୍ୱାଧୀନତା ପରେ, 1 ଏପ୍ରିଲ 1954 ରେ, ସୁବ୍ରୋଟୋ ମୁଖାର୍ଜୀଙ୍କୁ ଭାରତୀୟ ବାୟୁସେନାର ବାୟୁସେନାର ପ୍ରଥମ ମୁଖ୍ୟ ଭାବରେ ନିଯୁକ୍ତ କରାଯାଇଥିଲା । ଭାରତୀୟ ବାୟୁସେନାର ମୁଖ୍ୟାଳୟ ଦିଲ୍ଲୀରେ ପ୍ରତିଷ୍ଠିତ ହୋଇଛି ।
ଭାରତୀୟ ବାୟୁସେନାର ଇତିହାସ :
ଭାରତୀୟ ସଶସ୍ତ୍ର ବାହିନୀର ଏକ ଅଂଗ। ଭାରତୀୟ ଆକାଶ କ୍ଷେତ୍ରର ସୁରକ୍ଷା ଓ ସଂଘର୍ଷ ସମୟରେ ଆକାଶ ପଥରେ ଯୁଦ୍ଧ କରିବା ହେଉଛି ଏହାର ପ୍ରଥମ ଓ ପ୍ରଧାନ କର୍ତ୍ତବ୍ୟ। ଏହା ବିଧିବଦ୍ଧ ଭାବରେ ୮ ଅକ୍ଟୋବର ୧୯୩୨ରେ ବ୍ରିଟିଶ ରାଜତ୍ୱ ଅଧିନରେ ସ୍ଥାପିତ ହୋଇଥିଲା। ଏହାକୁ ରାଜକୀୟ ବାୟୁସେନାର ଉପାଧି ୧୯୪୫ରେ ଦ୍ୱିତୀୟ ବିଶ୍ୱଯୁଦ୍ଧରେ ଅବଦାନ ପାଇଁ ମିଳିଥିଲା। ୧୯୪୭ରେ ଭାରତ ସ୍ୱାଧୀନ ହେଲାପରେ ଏହି ଉପଢୌକନକୁ ବାହାର କରିଦିଆଯାଇଥିଲା।
ଉପନିବେଶ ଶାସନ ଅଧୀନରେ ଅବିଭକ୍ତ ଭାରତରେ ୮ ଅକ୍ଟୋବର, ୧୯୩୨ରେ ବାୟୁସେନା ପ୍ରତିଷ୍ଠା କରାଯାଇଥିଲା। ଭାରତୀୟ ବାୟୁସେନା ଦ୍ୱିତୀୟ ବିଶ୍ୱଯୁଦ୍ଧରେ ଜଡିତ ହୋଇଥିଲା, ଆଉ ସେଥିପାଇଁ କିଙ୍ଗ୍ ଜର୍ଜ VI ସେନାକୁ 'ରୟାଲ' ପ୍ରିଫିକ୍ସ ପ୍ରଦାନ କରିଥିଲେ। ତେବେ ଦେଶର ସ୍ୱାଧୀନତା ପରେ ଯେତେବେଳେ ଭାରତ ଏକ ଗଣତନ୍ତ୍ର ରାଷ୍ଟ୍ରରେ ପରିଣତ ହେଲା ଏହି ପ୍ରିଫିକ୍ସ ହଟାଗଲା।।
ପରାକ୍ରମ ଦେଖାଇଛି ବାୟୁ ସେନା:
ସ୍ୱାଧୀନତା ପରଠାରୁ ବର୍ତ୍ତମାନ ପର୍ଯ୍ୟନ୍ତ ଭାରତୀୟ ବାୟୁସେନା ମୋଟ ୫ଟି ଯୁଦ୍ଧ କରିସାରିଛି । ଭାରତ ଏବଂ ପାକିସ୍ତାନ ମଧ୍ୟରେ ଚାରିଟି ଯୁଦ୍ଧ ହୋଇଥିବା ବେଳେ ଗୋଟିଏ ଚୀନ୍ ବିରୁଦ୍ଧରେ ହୋଇଥିଲା । ୧୯୪୮, ୧୯୬୫, ୧୯୭୧ ଏବଂ ୧୯୯୯ରେ ପାକିସ୍ତାନ ବିରୋଧ ଯୁଦ୍ଧରେ ଭାରତୀୟ ବାୟୁସେନା ପରାକ୍ରମ ଦେଖାଇ ଥିଲା।
୧୯୬୨ ମସିହାରେ ଚୀନ୍ ସହିତ ହୋଇଥିବା ଯୁଦ୍ଧରେ ଭାରତୀୟ ବାୟୁସେନା ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଅପରେସନ୍ ବିଜୟ, ଅପରେସନ୍ ମେଘଦୂତ, ଅପରେସନ୍ କାକଟସ୍ ଏବଂ ବାଲାକୋଟ୍ ଏୟାର ଷ୍ଟ୍ରାଇକ୍ ହେଉଛି ଭାରତୀୟ ବାୟୁସେନାର କିଛି ପ୍ରମୁଖ ଉପଲବ୍ଧି
କିପରି ପାଳନ କରାଯାଏ :
ଏହି ଦିନ ପୁରୁଷ ଏବଂ ମହିଳା ପାଇଲଟ୍ଙ୍କ ପରେଡ ଅନୁଷ୍ଠିତ ହୁଏ। ଏହି ସମାରୋହରେ ବାୟୁସେନା ମୁଖ୍ୟ ସାମରିକ କର୍ମଚାରୀଙ୍କୁ ପଦକ ସହିତ ଅଭିନନ୍ଦନ ଜଣାଇଥାଆନ୍ତି ।
ଚଳିତ ବର୍ଷର ଥିମ୍
ଏହି ଥିମ୍ 2023 ବର୍ଷ ପାଇଁ ଚୟନ କରାଯାଇଛି । ଯେ କୌଣସି ଦିବସ ପାଳନ କରିବାକୁ, ଏହାର ଥିମ୍ ଆଗରୁ ସ୍ଥିର କରାଯାଏ ଏବଂ ତା'ପରେ ସେହି ଥିମ୍ କୁ ଧ୍ୟାନରେ ରଖି ସେହି ଦିବସ ପାଳନ କରାଯାଏ | ଭାରତର ୯୧ ତମ ବାୟୁସେନା ଦିବସର ଥିମ୍ ହେଉଛି " IAF - Airpower Beyond Boundaries " ଅର୍ଥ "ସୀମା ବାହାରେ ବାୟୁସେନା " ।
ଭାରତୀୟ ବାୟୁ ସେନା ବିଶ୍ବର ଚତୁର୍ଥ ବୃହତ୍ତମ ବାୟୁସେନା। ଉତ୍ତରପ୍ରଦେଶ ଗାଜିଆବାଦରେ ଥିବା ହିଣ୍ଡନ ବାୟୁସେନା ଷ୍ଟେସନ ହେଉଛି ଏସିଆ ମହାଦେଶର ସବୁଠୁ ବଡ଼ ।
Click it and Unblock the Notifications
Sign in with Google