'ସମଗ୍ର ଦେଶକୁ ଖୁବ୍‍ଶୀଘ୍ର ନକ୍ସଲମୁକ୍ତ କରାଯିବ'

ସ୍ୱରାଷ୍ଟ୍ର ମନ୍ତ୍ରୀ ଅମିତ୍‍ ଶାହା କହିଛନ୍ତି, ଆଜି ସି.ଆର୍‍.ପି.ଏଫ୍‍.ର କୋବ୍ରା ବାଟାଲିୟନ୍‍ ଓ ଝାଡ଼ଖଣ୍ଡ ପୁଲିସ ମିଳିତ ଭାବେ ହଜାରିବାଗ୍‍ଠାରେ ନକ୍ସଲ୍‍ ବିରୋଦୀ ଅପରେସନ୍‍ରେ ଏକ ଉଲ୍ଲେଖନୀୟ ସଫଳତା ମିଳିଛି । ସାମାଜିକ ଗଣମାଧ୍ୟମରେ ପୋଷ୍ଟ କରି ଶ୍ରୀ ଶାହା କହିଛନ୍ତି, ଏହି ଅପରେସନ୍‍ରେ କୁଖ୍ୟାତ ନକ୍ସଲ୍‍ କମାଣ୍ଡର ସହଦେବ ସୋରେନ୍‍ ନିହତ ହୋଇଛି ।

ସହଦେବ ଲାଗି ୧ କୋଟି ଟଙ୍କାର ନଗଦ ପୁରସ୍କାର ରାଶି ଘୋଷଣା କରାଯାଇଥିଲା । ଏଥିସହିତ ଅନ୍ୟ ଦୁଇ ସହଯୋଗୀ ରଘୁନାଥ ହେମ୍ବ୍ରମ୍‍ ଓ ବୀରସେନ୍‍ ଗାଞ୍ଝୁ, ଯାହାଙ୍କ ନାମରେ ମଧ୍ୟ ଆର୍ଥିକ ପୁରସ୍କାର ରାଶି ଘୋଷଣା କରାଯାଇଥିଲା, ସେମାନଙ୍କର ମଧ୍ୟ ମୃତ୍ୟୁ ହୋଇଛି ବୋଲି ଶ୍ରୀ ଶାହା କହିଛନ୍ତି । ଉତ୍ତର ଝାଡ଼ଖଣ୍ଡର ବୋକାରୋ ଅଞ୍ଚଳରୁ ନକ୍ସଲବାଦ ସମ୍ପୂର୍ଣ୍ଣରୂପେ ଶେଷ ହୋଇଛି ବୋଲି ସ୍ୱରାଷ୍ଟ୍ର ମନ୍ତ୍ରୀ କହିବା ସହିତ ସମଗ୍ର ଦେଶକୁ ଖୁବ୍‍ଶୀଘ୍ର ନକ୍ସଲ ସମସ୍ୟାରୁ ମୁକ୍ତ କରାଯିବ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି ।