କତାରରେ ୮ ପୂର୍ବତନ ସୈନିକଙ୍କ ଦଣ୍ଡ ବିରୋଧରେ ଭାରତ କରିବ ଅପିଲ!
ନୂଆଦିଲ୍ଲୀ:ଡିସେମ୍ବର ୨୮ ରେ, କତାର ଜେଲରେ ଥିବା ୮ ଜଣ ପୂର୍ବତନ ଭାରତୀୟ ନୌ ସୈନିକଙ୍କୁ ମିଳିଥିଲା ବଡ଼ ଆଶ୍ୱସ୍ଥି । କତାର କୋର୍ଟ ସେମାନଙ୍କର ମୃତ୍ୟୁଦଣ୍ଡକୁ ରଖିଥିଲେ ସ୍ଥଗିତ ଏହା ସହ ଜେଲଦଣ୍ଡରେ ପରିବର୍ତ୍ତନ କରିଦେଇଥିଲେ । ଏହାକୁ ନେଇ ଭାରତରେ ଆଶ୍ୱସ୍ତି ପ୍ରକାଶ ପାଇଥିଲା । ଏବେ ଜେଲଦଣ୍ଡରୁ ମୁକ୍ତି ପାଇଁ ଉଦ୍ୟମ ଆରମ୍ଭ ହୋଇଛି ।
ଗୁରୁବାର (ଜାନୁଆରୀ ୪) ଭାରତ କହିଛି ଯେ ୮ ଜଣଙ୍କୁ ଦିଆଯାଇଥିବା ଜେଲ ଦଣ୍ଡାଦେଶ ବିରୋଧରେ ଆବେଦନ କରାଯିବ । ଆଉ କତରର ନିୟମ ଅନୁସାରେ ରାୟ ପ୍ରକାଶର ୬୦ ଦିନ ମଧ୍ୟରେ ଏହି ଆବେଦନ କରାଯିବ । ଭାରତୀୟ ବୈଦେଶିକ ମନ୍ତ୍ରାଳୟର ନୂଆ ମୁଖପାତ୍ର ରଣଧୀର ଜୟସ୍ୱାଲ କହିଛନ୍ତି ଯେ, ଗତ ଡିସେମ୍ବର ୨୮ତାରିଖରେ କତର କୋର୍ଟ ଅଫ୍ ଆପିଲ ରାୟ ଶୁଣାଇଥିଲେ ।
ଏହାପରେ ଆମେ କହିଥିଲୁ ଯେ ଏହି ୮ ଜଣଙ୍କ ଫାଶୀ ଦଣ୍ଡାଦେଶ ଉପରେ ରୋକ ଲଗାଯାଇଛି । ଆମର ଓକିଲ ଦଳ ପାଖରେ ଏବେ ଅଦାଲତଙ୍କ ଉକ୍ତ ଆଦେଶ ପହଞ୍ଚିଛି । ଏହା ଏକ ଗୋପନୀୟ ଆଦେଶ । ତେବେ ଜଣାପଡ଼ିଛି ଯେ ଆଠ ଜଣଙ୍କୁ ଭିନ୍ନ ଭିନ୍ନ ଅବଧିରେ ଦଣ୍ଡିତ କରାଯାଇଛି ।
ସେ ଆହୁରି ମଧ୍ୟ କହିଛନ୍ତି, " ସେମାନଙ୍କ ମୃତ୍ୟୁଦଣ୍ଡକୁ ରଦ୍ଦ କରାଯାଇଛି ।
ଆଉ ମାମ ପାଖରେ ଆମ ୬୦ ଦିନ ସମୟ ଅଛି ଏବଂ ବିର୍ତିମାନ ଆମେ କତାରର ସର୍ବୋଚ୍ଚ ନ୍ୟାୟାଳୟ, କ୍ୟାସେସନ୍ କୋର୍ଟ ନିକଟକୁ ଯାଇପାରିବୁ । ଆଇନଜୀବୀ ଟିମ୍ ଏହି ମାମଲାରେ ବର୍ତ୍ତମାନ କାର୍ଯ୍ୟ କରୁଛନ୍ତି । ଆମେ ଆଇନଜୀବୀ ଏବଂ ପରିବାର ସହିତ ଯୋଗାଯୋଗରେ ଅଛୁ । ପୂର୍ବରୁ ବିଦେଶ ମନ୍ତ୍ରଣାଳୟ କହିଛି କି, ମାମଲା ଆରମ୍ଭରୁ ଭାରତ ସରକାର ଦଣ୍ଡିତ ଭାରତୀୟଙ୍କ ସହ ଉପସ୍ଥିତ ଥିଲେ ଓ ଆଗକୁ ମଧ୍ୟ ରହିବେ ।
ସୁଚନାନୁସାରେ ଇସ୍ରାଏଲ ପାଇଁ ଗୁଇନ୍ଦାଗିରି କରୁଥିବା ଅଭିଯୋଗରେ ଗତ ୨୦୨୨ ଅଗଷ୍ଟ ମାସରେ ଭାରତୀୟ ନୌସେନାର ଏହି ୮ ପୂର୍ବତନ ଅଧିକାରୀଙ୍କୁ କତାରର ଗୁଇନ୍ଦା ସଂସ୍ଥା ଗିରଫ କରିଥିଲା । ସେମାନେ କତାରର ଏକ କଂପାନୀରେ କାମ କରୁଥିଲେ । ତେବେ ଗତ ସେପ୍େଟମ୍ବର ମାସରେ ପ୍ରଥମ ଥର ପାଇଁ ଭାରତୀୟ ଦୂତାବାସକୁ ଏ ସଂପର୍କରେ ସୂଚନା ଦିଆଯାଇଥିଲା । ପ୍ରାୟ ବର୍ଷେ ଧରି ଜେଲରେ ରଖିବା ପରେ ଗତ ମାସରେ ସେମାନଙ୍କୁ କତାରର ଏକ କୋର୍ଟ ମୃତ୍ୟୁଦଣ୍ଡାଦେଶ ଦେଇଥିଲେ ।
Click it and Unblock the Notifications
Sign in with Google