Big Breaking: କାନାଡା ଲୋକଙ୍କ ପାଇଁ ଭାରତ ଭିସା ସେବା ରଦ୍ଦ
India-Canada Conflict: ଖାଲିସ୍ତାନ ସମର୍ଥକ ହରଦୀପ ସିଂ ନିଜ୍ୱରଙ୍କ ହତ୍ୟାକୁ ନେଇ ଭାରତ ଏବଂ କାନାଡା ମଧ୍ୟ ବିବାଦ ଲାଗିରହିଛି । ଏହାରି ମଧ୍ୟରେ ଗୁରୁବାର ଦିନ କେନ୍ଦ୍ର ସରକାର ଏକ ବଡ ନିଷ୍ପତ୍ତି ନେଇଛନ୍ତି। ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ, ଅନିଦ୍ଧିଷ୍ଟ କାଳ ପାଇଁ କାନାଡା ଲୋକଙ୍କ ପାଇଁ ଭିସା ସେବା ରଦ୍ଦ କଲା ଭାରତ । ଅର୍ଥାତ୍ ଭାରତକୁ ଆସିବାକୁ ଥିବା କାନାଡା ନାଗରିକଙ୍କୁ ଏବେ ଭାରତର ଭିସା ଅନିର୍ଦ୍ଧିଷ୍ଟ କାଳ ପାଇଁ ମିଳିପାରିବ ନାହିଁ । ଏନେଇ ବିଏଲଏସ ଇଣ୍ଟରନ୍ୟାସନାଲ ୱେବସାଇଟ୍ ଜରିଆରେ ନୋଟିସ୍ ଜାରି କରାଯାଇ ସୂଚନା ଦିଆଯାଇଛି ।
ଖାଲିସ୍ତାନ ସମର୍ଥକ ହରଦୀପ ସିଂ ନିଜ୍ୱରଙ୍କ ହତ୍ୟାରେ ଭାରତୀୟ ଏଜେଣ୍ଟଙ୍କ ସମ୍ପୃକ୍ତି ଥିବା ଅଭିଯୋଗ ଉପରେ ବାଗଚି କହିଛନ୍ତି ଯେ, ଏହା ରାଜନୈତିକ ଉଦ୍ଦେଶ୍ୟ କରାଯାଉଛି । ଏହି ଅଭିଯୋଗ ଭିତ୍ତିହୀନ। ବାସ୍ତବରେ, ନିକଟରେ କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଦାବି କରିଛନ୍ତି ଯେ, ନିଜ୍ୱରଙ୍କ ହତ୍ୟାରେ ଜଣେ ଭାରତୀୟ ଏଜେଣ୍ଟଙ୍କର ହାତ ଥିବାର ଆଶଙ୍କା କରାଯାଉଛି ।
ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ, କାନାଡାର ହାଇ କମିଶନ ଏବଂ କନସୁଲେଟ୍ ସୁରକ୍ଷାକୁ ନେଇ ଚିନ୍ତିତ। ଧମକର ସମ୍ମୁଖୀନ ହେଉଛନ୍ତି | ଏହା ସେମାନଙ୍କର ସାଧାରଣ କାର୍ଯ୍ୟକୁ ପ୍ରଭାବିତ କରୁଛି । ତେଣୁ ହାଇ କମିଶନ ଏବଂ କନସୁଲେଟ୍ ଭିସା ସାମୟିକ ଭାବରେ ଭିସା ଆବେଦନ କରିବାରେ ଅସମର୍ଥ। ଏହାର ସମୀକ୍ଷା ଜାରି ରହିବ ।
Important notice from Indian Mission | "Due to operational reasons, with effect from 21 September 2023, Indian visa services have been suspended till further notice. Please keep checking BLS website for further updates," India Visa Application Center Canada says. pic.twitter.com/hQz296ewKC
— ANI (@ANI) September 21, 2023
ସୂଚନାଥାଉ ଯେ, ଦିନକୁ ଦିନ କାନାଡା-ଭାରତ ମଧ୍ୟରେ ସମ୍ପର୍କ ବିଗିଡିବାରେ ଲାଗିଛି । ଭାରତ ଖଲିସ୍ତାନୀ ଆତଙ୍କୀଙ୍କ ପ୍ରତ୍ୟାର୍ପଣ ପାଇଁ ଅନୁରୋଧ କରିଥିବା ବେଳେ ଏହାକୁ କାନାଡା ଅଣଦେଖା କରିଛି । ସେପଟେ ଖାଲିସ୍ତାନୀଙ୍କ ପଛରେ ପାକିସ୍ତାନ ଗୁଇନ୍ଦା ସଂସ୍ଥା ଆଇଏସଆଇର ହାତ ଥିବା ନେଇ ସୂଚନା ରହିଛି । ଖାଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜ୍ଜରକୁ ଜୁନ୍ ୧୮ ତାରିଖରେ ହତ୍ୟା କରାଯାଇଥିଲା । ଯେଉଁଥି ପାଇଁ ଭାରତକୁ ଦାୟି କରିଥିଲା କାଡାନା ।
ସେହିପରି ଭାରତ ପକ୍ଷରୁ କାନାଡାରେ ରହୁଥିବା ଭାରତୀୟଙ୍କ ପାଇଁ ଆଡଭାଇଜରୀ ଜାରି କରାଯାଇଛି । ସତର୍କ ରହିବା ପାଇଁ ସୂଚନା ଦିଆଯାଇଛି । କାରଣ ବର୍ତ୍ତମାନ ଭାରତ ପ୍ରତି କାନାଡାର ହିଂସା, ଘୃଣା, ବୃଦ୍ଧି ପାଇଛି । ସେଠାରେ ରହୁଥିବା ଛାତ୍ରଛାତ୍ରୀଙ୍କ ପାଇଁ ସ୍ୱତନ୍ତ୍ର ଯୋଗାଯୋଗ ନମ୍ବର ଜାରି କରାଯାଇଛି ।
Click it and Unblock the Notifications
Sign in with Google