ଆହୁରି ଶକ୍ତିଶାଳୀ ହେଲା ଭାରତ,ଫ୍ରାନ୍ସ ଦେଲା ୨୬ ଯୁଦ୍ଧ ବିମାନ

ଭାରତ ପହଲଗାମ ଆକ୍ରମଣର ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ପ୍ରସ୍ତୁତ ହେଉଛି। ଆଜି ଭାରତ ଏବଂ ଫ୍ରାନ୍ସ ମଧ୍ୟରେ ସବୁଠାରୁ ବଡ଼ ପ୍ରତିରକ୍ଷା ଚୁକ୍ତି ହେବାକୁ ଯାଉଛି। ଭାରତ ଫ୍ରାନ୍ସଠାରୁ ୨୬ଟି ରାଫାଲ ସାମୁଦ୍ରିକ ଯୁଦ୍ଧ ବିମାନ କ୍ରୟ ପାଇଁ ଚୁକ୍ତି ସ୍ବାକ୍ଷର କରିଛି। ଏହି ଚୁକ୍ତି ପ୍ରାୟ ୬୩ ହଜାର କୋଟି ଟଙ୍କାର ରହିଛି। ଏହି ୨୬ଟି ରାଫାଲ ସାମୁଦ୍ରିକ ଯୁଦ୍ଧ ବିମାନ ଭାରତୀୟ ନୌସେନା ପାଇଁ ହେବ।

ଏହି ଚୁକ୍ତିକୁ କିଛି ସମୟ ପୂର୍ବରୁ ପ୍ରତିରକ୍ଷା କ୍ୟାବିନେଟ କମିଟି ଅନୁମୋଦନ କରିଥିଲା। ଫ୍ରାନ୍ସ ଭାରତକୁ ୨୨ଟି ସିଙ୍ଗଲ-ସିଟର ଏବଂ ୪ଟି ଟୁଇନ-ସିଟର ରାଫାଲ ଦେବ। ସମସ୍ତ ରାଫାଲ ବିମାନ INS ବିକ୍ରାନ୍ତରୁ ପରିଚାଳିତ ହେବ। ବର୍ତ୍ତମାନ INS ବିକ୍ରାନ୍ତରେ MiG-29 ମୁତୟନ କରାଯାଇଛି। ରାଫାଲ ସାମୁଦ୍ରିକ ବିମାନଗୁଡ଼ିକ ମିଗ-୨୯କୁ ବଦଳାଇବ। ଭାରତର ଏହି ଚୁକ୍ତି ଯୋଗୁଁ ପାକିସ୍ତାନ ଭୟରେ ଅଛି।

କାରଣ ପହଲଗାମ ଆକ୍ରମଣ ପରେ ଭାରତ ଆରବ ସାଗରରେ INS ବିକ୍ରାନ୍ତକୁ ମୁତୟନ କରିଛି। ଏହା ରାଫେଲ ସମ୍ପର୍କରେ ଫ୍ରାନ୍ସ ସହିତ ଭାରତର ଦ୍ୱିତୀୟ ଚୁକ୍ତି। ଏପର୍ଯ୍ୟନ୍ତ ଫ୍ରାନ୍ସ ଭାରତକୁ ୩୬ଟି ରାଫେଲ ଲଢ଼ୁଆ ଜେଟ ବିମାନ ଦେଇଛି।