ଭାରତରେ ମଙ୍କିପକ୍ସର ଏଣ୍ଟ୍ରୀ ! ଆକ୍ରାନ୍ତ ବ୍ୟକ୍ତି ବିଦେଶରୁ ଫେରିଥିବା ନେଇ ସୂଚନା

Monkeypox Virus Infection: ଭାରତରେ ମଙ୍କିପକ୍ସର ଏକ ମାମଲା ଚିହ୍ନଟ ହୋଇଛି । ନିକଟରେ ଜଣେ ଯୁବକ ମଙ୍କିପକ୍ସ ସଂକ୍ରମଣର ସନ୍ଦେହଜନକ ମାମଲା ଚିହ୍ନଟ ହୋଇଥିଲେ। ଆକ୍ରାନ୍ତଙ୍କୁ ଆଇସୋଲେସନରେ ରଖିବା ଏକ ସ୍ୱତନ୍ତ୍ର ଡାକ୍ତରଖାନାରେ ରଖାଯାଇଛି । ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି। MPox ଥିବା ନିଶ୍ଚିତ କରିବାକୁ ରୋଗୀର ନମୁନା ପରୀକ୍ଷା କରାଯାଇଛି ।

PIB ରିପୋର୍ଟ ଅନୁଯାୟୀ, ପ୍ରୋଟୋକଲ୍ ଅନୁସାରେ ମାମଲାର ଯାଞ୍ଚ କରାଯାଉଛି । ଅନୁସନ୍ଧାନ ଯାରି ରହିଛି । ଏହି ମାମଲା NCDC ଦ୍ୱାରା କରାଯାଇଥିବା ବିପଦ ମୂଲ୍ୟାଙ୍କନ ସହିତ ଅନୁରୂପ ଅଟେ ଏବଂ ବର୍ତ୍ତମାନ କୌଣସି ଅନାବଶ୍ୟକ ଚିନ୍ତାର କାରଣ ନାହିଁ । କୌଣସି ସମ୍ଭାବ୍ୟ ବିପଦକୁ ଦୃଷ୍ଟିରେ ରଖି କଠୋର ପଦକ୍ଷେପ ନିଆଯାଇଛି। ଯେଉଁଥି ପାଇଁ କେନ୍ଦ୍ର ସରକାର ସମସ୍ତ ରାଜ୍ୟକୁ ଆବଶ୍ୟକ ନିର୍ଦ୍ଦେଶାବଳୀ ଜାରି କରିଛନ୍ତି। ଏଥିସହ ଅନେକ ରାଜ୍ୟକୁ ସତର୍କ ସୂଚନା ଜାରି କରାଯାଇଛି ।

116 ଦେଶରେ 99 ହଜାରରୁ ଅଧିକ ମକ୍ସିପକ୍ସର ମାମଲା ଚିହ୍ନଟ ହୋଇଛି
ଜୁଲାଇ 2022 ରେ, WHO ମଙ୍କିପକ୍ସକୁ PHEIC ଭାବରେ ଘୋଷଣା କରିଥିଲେ । ଯାହା ପରେ ମେ 2023 ରେ ଏହାକୁ ବାତିଲ କରାଯାଇଥିଲା । ସର୍ବଭାରତୀୟ ସ୍ତରରେ, 2022 ସୁଦ୍ଧା, WHO 116 ଟି ଦେଶରୁ ମଙ୍କିପକ୍ସ କାରଣରୁ 99,176 ମାମଲା ଏବଂ 208 ଜଣଙ୍କ ମୃତ୍ୟୁ ରିପୋର୍ଟ ପ୍ରକାଶ କରିଛି ।