CORONA UPDATE : 24 ଘଣ୍ଟାରେ 17135 କୋଭିଡ ସଂକ୍ରମିତ ଚିହ୍ନଟ, 47 ମୃତ

ଗତ 24 ଘଣ୍ଟା ମଧ୍ୟରେ 17 ହଜାର 135 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 47 ଜଣଙ୍କ ମୃତ୍ୟୁ ଘଟିଛି ।

ନୂଆଦିଲ୍ଲୀ: ଦିନକୁ ଦିନ ବଦଳୁଛି କରୋନା ଗ୍ରାଫ । କେବେ ସଂକ୍ରମଣ ବେଶୀ ରହୁଥିବା ବେଳେ କେବେ ବହୁତ କମ ରହୁଛି । ଗତକାଲି ଚିହ୍ନଟ ସଂକ୍ରମିତଠୁ ଆଜି ସଂକ୍ରମଣ କ୍ରମଶଃ ବୃଦ୍ଧି ପାଇଛି । ଗତ 24 ଘଣ୍ଟା ମଧ୍ୟରେ 17 ହଜାର 135 ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ 47 ଜଣଙ୍କ ମୃତ୍ୟୁ ଘଟିଛି । ତେବେ ଆଜିର ଆକ୍ରାନ୍ତଙ୍କୁ ମିଶାଇ ମୋଟ ସଂକ୍ରମିତଙ୍କ ସଂଖ୍ୟା 4,40,67,144କୁ ବୃଦ୍ଧି ପାଇଛି । ଏଥିସହିତ ଦେଶରେ ମୋଟ 1,37,057 ସକ୍ରିୟ ମାମଲା ରହିଛି ।

ଦୈନିକ ପଜେଟିଭ ହାର 3.69 ପ୍ରତିଶତ ରହିଥିବା ବେଳେ ସାପ୍ତାହିକ ପଜେଟିଭ ହାର 4.67 ପ୍ରତିଶତ ରହିଛି । ଏନେଇ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ତେବେ ଏବେ ସୁଦ୍ଧା 4,34,03,610 ଜଣ କୋଭିଡରୁ ସୁସ୍ଥ ହୋଇଥିବା ବେଳେ ମୃତ୍ୟୁ ହାର 1.2% ରେକର୍ଡ କରାଯାଇଛି । ମନ୍ତ୍ରଣାଳୟର ସୂଚନା ଅନୁଯାୟୀ, ଦେଶବ୍ୟାପୀ କୋଭିଡ ଟୀକାକରଣ ଡ୍ରାଇଭ ଜୋରଦାର ଚାଲିଥିବା ବେଳେ ଏପର୍ଯ୍ୟନ୍ତ ଦେଶରେ 204.84 କୋଟି ଡୋଜ କୋଭିଡ ଟିକା ଦିଆଯାଇଛି ।

12 ରୁ 14 ବର୍ଷ ବୟସର ପ୍ରାୟ 0.60 ଲକ୍ଷ ଲୋକ ସେମାନଙ୍କର ପ୍ରଥମ ଡୋଜ୍ ପାଇଥିବା ବେଳେ 1.03 ଲକ୍ଷ ଲୋକ ସେମାନଙ୍କର ଦ୍ୱିତୀୟ ଡୋଜ୍ ପାଇଥିଲେ । ମେଘାଳୟରେ ସର୍ବାଧିକ ଦୈନିକ ପଜିଟିଭ ହାର 23.86 ପ୍ରତିଶତ ବୋଲି ସୂଚନା ମିଳିଛି। ଏହା ପରେ ସିକିମ 13.70 ପ୍ରତିଶତ ଏବଂ ହିମାଚଳ ପ୍ରଦେଶ 13.57 ପ୍ରତିଶତ।

English summary

Meghalaya reported the highest daily positivity rate at 23.86 percent. This was followed by Sikkim at 13.70 percent and Himachal Pradesh at 13.57 percent.