ଦେଶର ନାମ ଇଣ୍ଡିଆ ନା ଭାରତ ? ଜାଣନ୍ତୁ କେଉଁ କେଉଁ ଦେଶର ନାଁ ସବୁ ହୋଇଛି ପରିବର୍ତ୍ତନ ?

ପ୍ରେସିଡେଣ୍ଟ ଅଫ ଭାରତ ନା ପ୍ରେସିଡେଣ୍ଟ ଅଫ ଇଣ୍ଡିଆ । ନା ଦୁଇଟି ଭିତରୁ ଯାହା ଲେଖିଲେ ଚଳିବ । କିଏ ଠିକ୍ ଆଉ କିଏ ଭୁଲ । ସାରା ଦେଶ ଏବେ ଜାଣିବାକୁ ଚାହୁଁଛି ଆମ ଦେଶର ନାମ କଣ । ପ୍ରକୃତରେ ଆମେ ଭାରତୀୟ ନା ଇଣ୍ଡିଆନ । ନା ସେମିତି କିଛି ନାହିଁ । ଯାହା ଲେଖିଲେ ଚଳିବ ।

କାହିଁକି ଏବଂ କେଉଁଠି ରହିଛି ବିବାଦର ଏହି ସ୍ୱର । ଏହାକୁ ନେଇ କେବଳ ରଜିନେତା ନୁହେଁ । ବରିଷ୍ଠ ଅଭିନେତା ଓ କ୍ରିକେଟର ବି ନିଜର ମତ୍ ରଖିଲେଣି । ଜି -20 ସମ୍ମିଳନୀ ଡିନର କାର୍ଡରେ 'ପ୍ରେସିଡେଣ୍ଚ ଅଫ୍ ଭାରତ' ଲେଖା ବିରୋଧୀ-ବିଜେପି ମୁହାଁମୁହିଁ ହୋଇଛନ୍ତି । ଆଉ ଏହା ଏବେ ସରଗରମ ।

ଜୋର ଧରିଲା ଏହି ଚର୍ଚ୍ଚା । ଦୁଇଟି ଯାକ ସମାନ ନା ଅଲଗା । ତେବେ ଭାରତ ଆଉ ଇଣ୍ଡିଆ ପୂର୍ବରୁ ବି ଆମ ଦେଶର ନାମ ଅଲଗା ଥିଲା । ଆମ ଦେଶର ନାମ ଏବେ ବି ପରିବର୍ତ୍ତନ ହୋଇପାରେ ।

ତେବେ ଚାଲନ୍ତୁ ଜାଣିବା ପୃଥିବୀର ଏମିତି ବି ଦେଶ ଅଛି ଯାହାର ନାମ ପରିବର୍ତ୍ତନ ହୋଇଛି

ଆମ ପଡ଼ୋଶୀ ଦେଶ ହେଉଛି ଶ୍ରୀଲଙ୍କା । ୧୯୭୨ରେ ବ୍ରିଟିଶଙ୍କଠାରୁ ସ୍ୱାଧୀନ ହୋଇଥିଲା ଏହି ଦେଶ । ଇଂରେଜମାନଙ୍କ ଦାସତ୍ୱ ସମୟରେ ଏହି ଦେଶର ନାଁ ଥିଲା ସିଲନ । ଦାସତ୍ୱର ଚିହ୍ନ ଲିଭାଇବା ପାଇଁ ସିଲନର ନାଁ ପରିବର୍ତ୍ତନ କରି ଶ୍ରୀଲଙ୍କା କରିବାକୁ ନିଷ୍ପତ୍ତି ହୋଇଥିଲା । କିନ୍ତୁ ସରକାରୀ ଦଲିଲରୁ ସିଲନ ସଂପୂର୍ଣ୍ଣ ହଟାଇବାକୁ ୩୯ ବର୍ଷ ଲାଗିଯାଇଥିଲା। ଆଉ ଏବେ ଏହା ଶ୍ରୀଲଙ୍କା ନାମରେ ପରିଚିତ । ପ୍ରାକୃତିକ ସୌନ୍ଦର୍ଯ୍ୟରେ ଭରା ଏହି ଦେଶ ।

ଇରାନକୁ ପୂର୍ବରୁ ପାରସ୍ୟ ନାଁରେ ଜଣାଶୁଣା ଥିଲା। ଆମେ ବି ଶୁଣିଛେ ଭାରତୀୟ ମାନେ ବାଣିଜ୍ୟ ପାଇଁ ପାରସ୍ୟ ଯାଉଥିଲେ । ୫୫୦ ଖ୍ରୀଷ୍ଟାବ୍ଦରେ ଗ୍ରୀସ୍ ଏହି ଦେଶକୁ ପାରସ୍ୟ ବୋଲି ନାମକରଣ କରିଥିଲା ବୋଲି କୁହାଯାଏ । ୧୯୩୫ରେ ପାଶ୍ଚାତ୍ୟ ଦେଶମାନଙ୍କୁ ପାରସ୍ୟକୁ ଇରାନ ବୋଲି ସମ୍ବୋଧନ କରିବାକୁ ଅନୁରୋଧ କରାଯାଇଥିଲା ।

ନେଦରଲ୍ୟାଣ୍ଡ ପୂର୍ବରୁ ହଲାଣ୍ଡ ଭାବରେ ଜଣାଶୁଣା ଥିଲା । ଜାନୁଆରୀ ୨୦୨୦ରେ ଦେଶର ନାଁ ହଲାଣ୍ଡରୁ ନେଦରଲ୍ୟାଣ୍ଡକୁ ପରିବର୍ତ୍ତନ କରାଯାଇଥିଲା ।

ପୂର୍ବରୁ ସିଆମର ନାଁ ଥାଇଲ୍ୟାଣ୍ଡ କରାଯାଇଥିଲା । ୧୯୩୯ରେ ଏହି ନାଁ ଜଣେ ଏକଛତ୍ରବାଦୀ ଶାସକ ଦ୍ବାରା ଦିଆଯାଇଥିଲା । ୧୯୩୭ରେ ଆୟରିସ୍‌ ଫ୍ରି ଷ୍ଟେଟ୍‌ରୁ ଆୟଲ୍ୟାଣ୍ଡ ହୋଇଥିଲା ।

ଜର୍ମାନ ଦକ୍ଷିଣ ପଶ୍ଚିମ ଆଫ୍ରିକାରୁ ନାମିବ୍ୟା ନାଁ ହୋଇଥିଲା । ୧୯୬୮ରେ ମିଳିତ ଜାତିସଂଘ ଦ୍ୱାରା ଏହା ସ୍ଥିର ହୋଇଥିଲା । ତେବେ ଏହାର ନାମକରଣ ୧୯୯୦ରେ କରାଯାଇଥିଲା । ୧୯୯୦ରେ ଏହାର ନାମକରଣ କରାଯାଇଥିଲା ।

ଚଳିତ ବର୍ଷ ଜୁନ୍ ୨ରେ ସଂଯୁକ୍ତ ରାଷ୍ଟ୍ର ତୁର୍କୀ ନିଜ ଦେଶର ନାଁ ତୁର୍କୀୟେ ଘୋଷଣା କରିଛି । ଗତ ଡିସେମ୍ବରରେ ନାଁ ପରିବର୍ତ୍ତନ ନେଇ ସ୍ମାରକପତ୍ର ପ୍ରଦାନ କରିଥିଲେ।

୧୯୮୯ରେ ସାମରିକ ସରକାର ବର୍ମା ନାଁ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଥିଲେ । କାରଣ ବର୍ମା ନାଁ ବ୍ରିଟିଶ୍‌ଙ୍କ ଦାସତ୍ବର ପ୍ରତୀକ । ବର୍ମା ଏବେ ମିଆଁମାର ଭାବେ ପରିଚିତ ।

English summary

India or Bharat know the countries which name are change