୨୦୩୬ ଅଲିମ୍ପିକ୍ସ ଆୟୋଜନ କରିବାକୁ ଦାବି କରିବ ଭାରତ, ୧୪୧ ତମ ଆଇଓସି ସତ୍ରରେ କହିଲେ ମୋଦୀ

Published: Saturday, October 14, 2023, 22:01 [IST]

141st IOC Session: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ସୁନିଶ୍ଚିତ କରିଛନ୍ତି ଯେ, ୨୦୩୬ ଅଲିମ୍ପିକ୍ସ ଆୟୋଜନ କରିବାକୁ ଭାରତ ଦାବି କରିବ । ମୁମ୍ବାଇର ଜିଓ ୱାର୍ଲ୍ଡ ସେଣ୍ଟରରେ 141 ତମ ଆନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ଅଧିବେଶନର ଉଦଘାଟନ ସମୟରେ ପ୍ରଧାନମନ୍ତ୍ରୀ ମୋଦୀ ଏହି ଘୋଷଣା କରିଛନ୍ତି । ସେ କହିଛନ୍ତି ଯେ ଅଲିମ୍ପିକ୍ସ ଆୟୋଜନ ପାଇଁ ଭାରତ ବହୁତ ଉତ୍ସାହିତ । ୨୦୩୬ ଅଲିମ୍ପିକ୍ ଆୟୋଜନ ପାଇଁ ଭାରତ କୌଣସି ରାସ୍ତା ଛାଡ଼ିବନି ।

ଏହା ହେଉଛି 140 କୋଟି ଭାରତୀୟଙ୍କ ସ୍ୱପ୍ନ

ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ ୨୦୨୯ ମସିହାରେ ଭାରତ ଯୁବ ଅଲିମ୍ପିକ୍ସ ଆୟୋଜନ କରିବାକୁ ମଧ୍ୟ ଆଗ୍ରହୀ । ଆମେ 2029 ଯୁବ ଅଲିମ୍ପିକ୍ସ ଆୟୋଜନ କରିବାକୁ ଆଗ୍ରହୀ, ମୁଁ ନିଶ୍ଚିତ ଯେ ଆଇଓସି ପକ୍ଷରୁ ଭାରତ ନିରନ୍ତର ସମର୍ଥନ ପାଇବ ବୋଲି ସେ ଆଇଓସି ସଭାପତି ଥୋମାସ ବାଖଙ୍କ ଉପସ୍ଥିତିରେ କହିଛନ୍ତି । ଭାରତ ଦ୍ୱିତୀୟ ଥର ପାଇଁ ଏବଂ ପ୍ରାୟ ୪୦ ବର୍ଷର ବ୍ୟବଧାନ ପରେ ଆଇଓସି ଅଧିବେଶନ ଆୟୋଜନ କରୁଛି ।

ଏଥି ସହିତ ଆନ୍ତର୍ଜାତୀୟ ଅଲିମ୍ପିକ୍ କମିଟି (ଆଇଓସି) ସଭାପତି ଥୋମାସ୍ ବାଚ୍ କହିଛନ୍ତି ଯେ ଆମର ଆଇଓସି ଅଧିବେଶନ ଆୟୋଜନ କରିବା ପାଇଁ ଭାରତ ପ୍ରକୃତରେ ଏକ ପ୍ରେରଣାଦାୟକ ସ୍ଥାନ ।ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ର ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ଯେ ଆଇଓସିର 86 ତମ ଅଧିବେଶନ 1983 ମସିହାରେ ନୂଆଦିଲ୍ଲୀରେ ଅନୁଷ୍ଠିତ ହୋଇଥିଲା ।

ମୋଦୀ ହେଉଛନ୍ତି ନୂଆ ଭାରତର ସ୍ଥପତି: ନୀତା ଅମ୍ବାନୀ

ଏଥି ସହିତ ଆନ୍ତର୍ଜାତୀୟ ଅଲିମ୍ପିକ୍ କମିଟି ସଦସ୍ୟ ନୀତା ଅମ୍ବାନୀ କହିଛନ୍ତି ଯେ ସମ୍ମାନିତ ପ୍ରଧାନମନ୍ତ୍ରୀ, ଆପଣ ଆଜି ଆମ ସହିତ ଯୋଗଦାନ କରିଥିବାରୁ ଆମେ ବହୁତ ଖୁସି। ଆପଣ ହେଉଛନ୍ତି ନୂଆ ଭାରତର ସ୍ଥପତି। କ୍ରୀଡା ପାଇଁ ଆପଣଙ୍କର ସମର୍ଥନ ଭାରତରେ ଏହି ସତ୍ରକୁ ବାସ୍ତବ ରୂପ ଦେଇଛି । ଏହି ଐତିହାସିକ IOC ଅଧିବେଶନକୁ ମୁମ୍ବାଇରେ ଏବଂ 40 ବର୍ଷ ପରେ ପ୍ରଥମ ଥର ପାଇଁ ଭାରତରେ ଆୟୋଜନ କରିବା ଆମ ପାଇଁ ଗୌରବର ବିଷୟ ।

କ୍ରିକେଟ୍ 2028 ଅଲିମ୍ପିକ୍ ଗେମ୍ସର ଏକ ଅଂଶ ହେବ
ସୂଚନାଯୋଗ୍ୟ, ଶୁକ୍ରବାର ଦିନ ଏକ ସାମ୍ବାଦିକ ସମ୍ମିଳନୀରେ ଆଇଓସି ସଭାପତି ଥୋମାସ ବାଚ କହିଥିଲେ ଯେ 2028 ଅଲିମ୍ପିକ୍ସରେ କ୍ରିକେଟ୍ ଯୋଡାଯିବ, କାରଣ ଏହା ସାରା ବିଶ୍ୱରେ ଲୋକପ୍ରିୟ ହେଉଛି । ଭାରତରେ ଚାଲିଥିବା କ୍ରିକେଟ୍ ବିଶ୍ୱକପ୍ ସଫଳତାର ସହ ଆୟୋଜିତ ହେଉଛି ବୋଲି ବାଚ୍ କହିଛନ୍ତି । ବାଚ ଏହା ମଧ୍ୟ କହିଛନ୍ତି ଯେ କ୍ରିକେଟ୍ ସମଗ୍ର ବିଶ୍ୱରେ ଅଧିକ ଲୋକପ୍ରିୟ ହେଉଛି ଏବଂ କ୍ରିକେଟ୍ ବିଶ୍ୱକପ୍ ବର୍ତ୍ତମାନ ଭାରତରେ ସଫଳତାର ସହ ଆୟୋଜିତ ହେଉଛି । ତେଣୁ ଆମେ ଆଶା କରୁଛୁ କ୍ରିକେଟ୍ ଖେଳାଳିମାନେ 2028 ଅଲିମ୍ପିକ୍ସରେ ଅଂଶଗ୍ରହଣ କରିବେ । ଭାରତୀୟ ମୂଳ ଲୋକ ବହୁତ କ୍ରିକେଟ୍ ଖେଳନ୍ତି ଏବଂ ନିକଟରେ ଆମେ ଡାଲାସରେ ମଧ୍ୟ ଏକ କ୍ରିକେଟ୍ ଟୁର୍ନାମେଣ୍ଟ ଆୟୋଜନ କରିଥିଲୁ । ଲସ୍ ଆଞ୍ଜେଲସ୍ ଏହା ପାଇଁ ଏକ ସୁଯୋଗ ପାଇଲା ଏବଂ ସେମାନେ ଏହାକୁ ଇଭେଣ୍ଟରେ ଅନ୍ତର୍ଭୁକ୍ତ କଲେ ।

Published On October 14, 2023