ପାକିସ୍ତାନର ବିରୋଧରେ ଭାରତ ନେଇ ପାରେ ବଡ଼ ପଦେକ୍ଷେପ, ସମୁଦ୍ର ଆକାଶରେ ପଥରେ ମିଳିବନି ଏଣ୍ଟ୍ରୀ !

ପୁଣି ପାକିସ୍ତାନର ଚିନ୍ତା ବଢାଇବ ଭାରତ । ପହଲଗାମ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ଭାରତ ପାଇଁ ତାର ଏୟାରସ୍ପେସ ବନ୍ଦ କରିଦେଇଥିଲା। ଯାହାର ଉଚିତ୍ ଜବାବ ଦେବାକୁ ପ୍ରସ୍ତୁତ ହେଉଛି ଇଣ୍ତିଆ । ଭାରତ ଏବେ ପାକିସ୍ତାନ ପାଇଁ ତାର ଆକାଶପଥ ବନ୍ଦ କରିବା ସହ ଜଳ ମାର୍ଗ ଉପରେ ମଧ୍ୟ କଟକଣା ଲଗାଇବା ପାଇଁ ପ୍ରସ୍ତୁତି ଆରମ୍ଭ କରିଛି । ଜମ୍ମୁ-କଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା।

ଭାରତ ଏବେ ପାକିସ୍ତାନ ପାଇଁ ତାର ଆକାଶପଥ ବନ୍ଦ କରିବାକୁ ପ୍ରସ୍ତୁତ ହେଉଛି। ଯଦି ଏପରି ହୁଏ ତେବେ ପାକିସ୍ତାନକୁ ବହୁ କ୍ଷତି ସହିବା ପାଇଁ ପଡିପାରେ। ପାକିସ୍ତାନ ଏୟାରଲାଇନ୍ସ ପାଇଁ ଆଗକୁ ରାସ୍ତା ଆହୁରି ଲମ୍ବା ହେବ। ଆକାଶ ସୀମା ବନ୍ଦ ହେବା ପୂର୍ବରୁ ମଧ୍ୟ ପାକିସ୍ତାନୀ ବିମାନଗୁଡ଼ିକ ଚୀନର ଆକାଶ ସୀମା ଦେଇ ଦକ୍ଷିଣ ପୂର୍ବ ଏସୀୟ ଦେଶଗୁଡ଼ିକୁ ଉଡ଼ାଣ କରୁଥିଲେ।

ଭାରତ ପାକିସ୍ତାନ ପାଇଁ ଆକାଶପଥ ଏବଂ ଜଳପଥ ଉପରେ ପ୍ରତିବନ୍ଧକ ଲଗାଇପାରେ। ଭାରତ ଏହାର ବନ୍ଦର ସମ୍ପର୍କରେ ମଧ୍ୟ କାର୍ଯ୍ୟାନୁଷ୍ଠାନ ନେଇପାରିବ। ଭାରତର ଏହି ନିଷ୍ପତ୍ତି ପାକିସ୍ତାନର ସମସ୍ୟା ବଢ଼ାଇବ। ପହଲଗାମରେ ଆତଙ୍କବାଦୀ ଆକ୍ରମଣ ପରେ ଭାରତ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିଥିଲା। ଏହା ସହିତ ଆହୁରି ଅନେକ ବଡ଼ ନିଷ୍ପତ୍ତି ନିଆଯାଇଥିଲା। ଏହାର ଜବାବରେ, ପାକିସ୍ତାନ ଭାରତ ପାଇଁ ତାର ଆକାଶପଥ ବନ୍ଦ କରିଦେଲା।

ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବହୁତ ବଢ଼ିଯାଇଛି, କିନ୍ତୁ ଏହା ସତ୍ତ୍ୱେ ପାକିସ୍ତାନ ତାର କାର୍ଯ୍ୟରୁ ନିବୃତ୍ତ ହେଉନାହିଁ। ସେ ଲଗାତାର ପଞ୍ଚମ ଦିନ ପାଇଁ ଅସ୍ତ୍ରବିରତି ଉଲ୍ଲଂଘନ କରିଥିଲେ। ପାକିସ୍ତାନ ବାରାମୁଲ୍ଲା ସମେତ ଅନେକ ସ୍ଥାନରେ ଗୁଳି ଚାଳନା କରିଥିଲା । ଭାରତୀୟ ସେନା ମଧ୍ୟ ପାକିସ୍ତାନକୁ ଉଚିତ ଜବାବ ଦେଇଥିଲା