ମମତାଙ୍କ ଉପରେ ଲାଲୁ ଦେଇଥିଲେ ମନ୍ତବ୍ୟ, ସଞ୍ଜୟ କହିଲେ ଇଣ୍ଡି ମେଣ୍ଟରେ...

ଇଣ୍ଡିଆ ବ୍ଲକର ନେତୃତ୍ୱକୁ ନେଇ ଚାଲିଥିବା ଟଣାଓଟରା ଭିତରେ ଆର୍‌ଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ବଡ଼ ବୟାନ ଦେଇଛନ୍ତି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଇଣ୍ଡିଆ ମେଣ୍ଟର ନେତା ଭାବରେ ଚୟନ କରବାକୁ ସେ ଦାବି କରିଛନ୍ତି। ସେ କହିଛନ୍ତି ଯେ କଂଗ୍ରେସ କରୁଥିବା ବିରୋଧର କୌଣସି ଅର୍ଥ ହିଁ ନାହିଁ। ମମତାଙ୍କୁ ହିଁ ଇଣ୍ଡି ମେଣ୍ଟର ନେତା କରାଯିବା ଉଚିତ୍। ସେ ଏହା କରିବାକୁ ସକ୍ଷମ ଅଟନ୍ତ। ବର୍ତ୍ତମାନ ଲାଲୁ ଯାଦବଙ୍କ ସଦ୍ୟତମ ବିବୃତ୍ତି ରାଜନୈତିକ ମହଲରେ ତାପମାତ୍ରା ବୃଦ୍ଧି କରିଛି।

ଲାଲୁ ଯାଦବଙ୍କ ବିବୃତ୍ତିରେ ଶିବସେନା (ୟୁବିଟି) ନେତା ସଞ୍ଜୟ ରାଉତ ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି। ରାଉତ କହିଛନ୍ତି ଯେ ରାହୁଲ ଗାନ୍ଧୀଙ୍କ ନେତୃତ୍ୱକୁ ନେଇ କେହି ପ୍ରଶ୍ନ ଉଠାଉ ନାହାଁନ୍ତି। ରାହୁଲ ଗାନ୍ଧୀ ଆମ ସମସ୍ତଙ୍କର ନେତା। କେହି ସେମାନଙ୍କୁ ପ୍ରଶ୍ନ କରିବେ ନାହିଁ। ଦେଶରେ ମୋଦି ସରକାରଙ୍କ ବିରୋଧରେ କ୍ଷେତ୍ର ସୃଷ୍ଟି କରିବାରେ ରାହୁଲ ଗାନ୍ଧୀଙ୍କ ଅବଦାନ ବହୁତ।

ସମସ୍ତଙ୍କୁ ଏହାକୁ ଗ୍ରହଣ କରିବାକୁ ପଡ଼ିବ। ରାଉତ ଆହୁରି କହିଛନ୍ତି ଯେ ଇଣ୍ଡିଆ ମେଣ୍ଟ କେବଳ କଂଗ୍ରେସ ନୁହେଁ ବରଂ ଅନେକ ଦଳ ଏକାଠି ଗଠନ କରିଛନ୍ତି। ଆମର କେତେଜଣ ବନ୍ଧୁ ଟିଏମସି ଏବଂ ଲାଲୁଙ୍କର ଭିନ୍ନ ମତ ଥାଇପାରେ। ଯଦି କେହି ବ୍ଲକର ନେତୃତ୍ୱରେ ପରିବର୍ତ୍ତନ କରି ଶକ୍ତି ବୃଦ୍ଧି କରିବାକୁ ଚାହାଁନ୍ତି ଏବଂ ଏହା ଶକ୍ତି ବୃଦ୍ଧି କରେ ତେବେ ଏହାକୁ ବିଚାର କରାଯିବା ଉଚିତ୍‌ କଂଗ୍ରେସ ଦଳ ମଧ୍ୟ ଏ ବିଷୟରେ ଏକାଠି ଆଲୋଚନା କରିବା ଉଚିତ୍‌।