ଆଜି ଭାରତ-ଚୀନ୍ ମଧ୍ୟରେ ନବମ ରାଉଣ୍ଡ କର୍ପସ କମାଣ୍ଡର ସ୍ତରୀୟ ବୈଠକ

ପୂର୍ବ ଲଦାଖରେ ଚାଲିଥିବା ଉତ୍ତେଜନାକୁ ନେଇ ଭାରତ ଏବଂ ଚୀନ୍ ମଧ୍ୟରେ ନବମ ରାଉଣ୍ଡ କର୍ପସ କମାଣ୍ଡର ସ୍ତରୀୟ ଆଲୋଚନା ରବିବାର ସକାଳ 9.30 ରୁ ଚୂସୁଲଠାରେ ଆରମ୍ଭ ହୋଇଛି ।

Published: Sunday, January 24, 2021, 17:06 [IST]

ନୂଆଦିଲ୍ଲୀ: ପୂର୍ବ ଲଦାଖରେ ଚାଲିଥିବା ଉତ୍ତେଜନାକୁ ନେଇ ଭାରତ ଏବଂ ଚୀନ୍ ମଧ୍ୟରେ ନବମ ରାଉଣ୍ଡ କର୍ପସ କମାଣ୍ଡର ସ୍ତରୀୟ ଆଲୋଚନା ରବିବାର ସକାଳ 9.30 ରୁ ଚୂସୁଲଠାରେ ଆରମ୍ଭ ହୋଇଛି । ସୀମା ବିବାଦକୁ ସମାଧାନ ନେଇ ଦୁଇ ଦେଶ ମଧ୍ୟରେ ଉଦ୍ୟମ ଚାଲିଛି। ବୈଦେଶିକ ମନ୍ତ୍ରଣାଳୟ ଶୁକ୍ରବାର ଦିନ କହିଛନ୍ତି, ଯେ ଭାରତ ଏବଂ ଚୀନ୍ ପରବର୍ତ୍ତୀ ରାଉଣ୍ଡ ବରିଷ୍ଠ କମାଣ୍ଡର ସ୍ତରୀୟ ବୈଠକ କରିବାକୁ ରାଜି ହୋଇଛି ।

ପ୍ରାୟ ଆଠ ମାସ ଧରି ସୀମାରେ ଭାରତୀୟ ଏବଂ ଚୀନ୍ ସୈନ୍ୟଙ୍କ ମଧ୍ୟରେ ଦ୍ୱନ୍ଦ୍ୱ ଲାଗି ରହିଛି। କୂଟନୈତିକ ଏବଂ ସାମରିକ ଆଲୋଚନା ଅନେକ ଥର ହୋଇଛି । କିନ୍ତୁ ଏପର୍ଯ୍ୟନ୍ତ କୌଣସି ବଡ଼ ସଫଳତା ମିଳି ପାରି ନାହିଁ । ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ ଶୁକ୍ରବାର ଦିନ କହିଛନ୍ତି ଯେ ଆସନ୍ତା ପର୍ଯ୍ୟାୟ ବରିଷ୍ଠ କମାଣ୍ଡର ସ୍ତରର ବୈଠକ କରିବାକୁ ଉଭୟ ପକ୍ଷ ସହମତ ହୋଇଛନ୍ତି ଏବଂ ଆମେ ଏ ସମ୍ପର୍କରେ କୂଟନୈତିକ ଏବଂ ସାମରିକ ଶକ୍ତି ଉପରେ ଆଲୋଚନା ହେବ ।

ଗତ ବର୍ଷ ନଭେମ୍ବର 6ରେ ଉଭୟ ପକ୍ଷ ମଧ୍ୟରେ ଅଷ୍ଟମ ତଥା ଅନ୍ତିମ ରାଉଣ୍ଡ ସାମରିକ ଆଲୋଚନା ଅନୁଷ୍ଠିତ ହୋଇଥିଲା । ଯେଉଁଥିରେ ଉଭୟ ପକ୍ଷ ମୁହାଁମୁହିଁ ପରିସ୍ଥିତିରୁ ସୈନ୍ୟ ପ୍ରତ୍ୟାହାର ନେଇ ବ୍ୟାପକ ଆଲୋଚନା କରିଥିଲେ।

Published On January 24, 2021