ଆସନ୍ତାକାଲି 'ଇଣ୍ଡିଆ' ମେଣ୍ଟର ହେବ ଗୁରୁତ୍ୱପୂର୍ଣ୍ଣ ବୈଠକ, ନୀତୀଶ ହେବେ କି ସଂଯୋଜକ?
ନୂଆଦିଲ୍ଲୀ: ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି ବିରୋଧରେ ମିଳିତ ବିରୋଧୀ ଦଳ ଇଣ୍ଡିଆ ଶନିବାର (ଜାନୁଆରୀ ୧୩) ସକାଳ ୧୧.୩୦ ରେ ବୈଠକ କରିବାକୁ ଯାଉଛି ।
ଇଣ୍ଡିଆ ଆଲାଏନ୍ସର ବରିଷ୍ଠ ନେତାଙ୍କ ଏହି ଅନଲାଇନ୍ ବୈଠକରେ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସଭାପତି ନୀତୀଶ କୁମାରଙ୍କୁ ସଂଯୋଜକ କରାଯାଇପାରେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି ।
ସୂତ୍ରରୁ ପ୍ରକାଶ ଯେ ବିରୋଧୀ ଦଳ ଇଣ୍ଡିଆ ମେଣ୍ଟରେ ସାମିଲ ଥିବା ଅଧିକାଂଶ ଦଳ ନୀତୀଶ କୁମାରଙ୍କୁ ସଂଯୋଜକ କରିବା ପାଇଁ ରାଜି ହୋଇଛନ୍ତି, କିନ୍ତୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ମୁଖ୍ୟ ମମତା ବାନାର୍ଜୀ ଏ ବିଷୟରେ କିଛି କହିନାହାଁନ୍ତି । ଶନିବାର ଅନୁଷ୍ଠିତ ହେବାକୁ ଥିବା ବିରୋଧୀ ଦଳ ବୈଠକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି ।
ଏହାର କାରଣ ହେଉଛି ଆସନ ବୁଝାମଣାକୁ ନେଇ ଚୂଡ଼ାନ୍ତ କରିବାକୁ ପଡିବ । କଂଗ୍ରେସର ନ୍ୟାସନାଲ ଆଲାଏନ୍ସ କମିଟି ପ୍ରତିଦିନ ସାରା ରାଜ୍ୟରେ ଆସନ ବୁଝମଣା ଉପରେ ଆଲୋଚନା କରୁଛି ।
ଗଠବନ୍ଧନ ଇଣ୍ଡିଆର ସହଯୋଗୀ କମିଟି ମହାରାଷ୍ଟ୍ରର ପୂର୍ବତନ ସିଏମ୍ ଉଦ୍ଧବ ଠାକରେଙ୍କ ଶିବସେନା, ଶରଦ ପାୱାରଙ୍କ ଏନସିପି, ଦିଲ୍ଲୀ ସିଏମ ଅରବିନ୍ଦ କେଜ୍ରିୱାଲଙ୍କ ଆମ୍ ଆଦମୀ ପାର୍ଟି, ଆରଜେଡି ଏବଂ ସମାଜବାଦି ପାର୍ଟି ସହିତ ଆସନ ବାଣ୍ଟିବା ନେଇ ବୈଠକ କରିଛନ୍ତି ।
Click it and Unblock the Notifications
Sign in with Google