କଂଗ୍ରେସକୁ ପୁଣି Income Tax ନୋଟିସ୍, ଲାଗିଲା ଏତିକି କୋଟିର ଜୋରିମାନା
Income Tax Notice: କଂଗ୍ରେସକୁ ପୁଣି Income Tax ନୋଟିସ୍ । ପାର୍ଟିକୁ ୧୭୦୦ କୋଟି ଟଙ୍କାର ଜୋରିମାନା ଦେବା ପାଇଁ ଆୟକର ବିଭାଗ ଏହି ବିଜ୍ଞପ୍ତିରେ ଉଲ୍ଲେଖ କରିଛି । ସୂତ୍ର ଅନୁସାରେ, ଆୟକର ବିଭାଗର ଡିମାଣ୍ତ ୨୦୧୭-୧୮ ରୁ ୨୦୨୦-୨୧ ବର୍ଷ ପାଇଁ ଅଟେ । ୧୭୦୦ କୋଟି ଟଙ୍କା ଜୋରିମାନାରେ ସୁଧ ଅନ୍ତର୍ଭୁକ୍ତ କରାଯାଇଛି ।
ଆୟକର ବିଭାଗର ଏହି ବିଜ୍ଞପ୍ତି ୨୦୨୪ଲୋକସଭା ନିର୍ବାଚନ ସମୟରେ କଂଗ୍ରେସର ସମସ୍ୟାକୁ ଆହୁରି ବଢାଇଦେଇଛି । ୨୦୨୭-୨୦୨୧ ପାଇଁ ଆୟକର ବିଭାଗର ଦଣ୍ଡର ପୁନଃ ଯାଞ୍ଚ ପାଇଁ କଂଗ୍ରେସ ଦିଲ୍ଲୀ ହାଇକୋର୍ଟରେ ଏକ ପିଟିସନ ଦାଖଲ କରିଥିଲା, କିନ୍ତୁ କୋର୍ଟ କଂଗ୍ରେସର ଆବେଦନକୁ ପ୍ରତ୍ୟାଖ୍ୟାନ କରିଥିଲେ। ଏହା ପରେ ପାର୍ଟିକୁ ପୁଣି ଏକ ନୋଟିସ ପଠାଯାଇଛି।
ବର୍ତ୍ତମାନ କଂଗ୍ରେସ ଆଉ ତିନି ବର୍ଷର ଆୟର ଅନୁସନ୍ଧାନ ଶେଷ କରିବାକୁ ଅପେକ୍ଷା କରିଛି ଯାହାର ତଦନ୍ତ ରବିବାର ସୁଦ୍ଧା ଶେଷ ହେବା ନେଇ ସୂଚନା ରହିଛି । ହାଇକୋର୍ଟରେ ଶୁଣାଣି ବେଳେ କଂଗ୍ରେସ ଓକିଲ ତଥା ରାଜ୍ୟସଭା ସାଂସଦ ବିବେକ ଆୟକର ବିଭାଗର କାର୍ଯ୍ୟାନୁଷ୍ଠାନ ସ୍ଥଗିତ ରଖିବାକୁ ଦାବି କରିଛନ୍ତି। ସେ କହିଛନ୍ତି ଯେ, ଆୟକର ବିଭାଗର କାର୍ଯ୍ୟ ଅନାବଶ୍ୟକ ଏବଂ ଏହା ଗଣତନ୍ତ୍ର ବିରୋଧରେ। କଂଗ୍ରେସ ଅଭିଯୋଗ କରିଛି ଯେ ଲୋକସଭା ନିର୍ବାଚନ ସମୟରେ ମୁଖ୍ୟ ବିରୋଧୀ ଦଳ ଜାଣିଶୁଣି ଟାର୍ଗେଟ କରୁଛନ୍ତି।
ସୂଚନା ଅନୁସାରେ, ପୂର୍ବରୁ ଆୟକର ବିଭାଗ ଦିଲ୍ଲୀରେ ଅବସ୍ଥିତ କଂଗ୍ରେସ ପାର୍ଟିର ବ୍ୟାଙ୍କ ଆକାଉଣ୍ଟରୁ ୧୩୫କୋଟି ଟଙ୍କା ଜବତ କରିସାରିଛି। କଂଗ୍ରେସ ନିଶ୍ଚିତ ଭାବରେ ୨୦୧୮-19 ପାଇଁ ସର୍ତ୍ତ ପୂରଣ କରିବାରେ ସକ୍ଷମ ନୁହେଁ। ଆୟକର ବିଭାଗ କୋର୍ଟରେ କହିଛି ଯେ, ୫୨୦ କୋଟି ଟଙ୍କା ଅନ୍ତର୍ଭୂକ୍ତ କରାଯାଇ ନାହିଁ। ବିଭିନ୍ନ ସ୍ଥାନରେ ଚଢାଉ ମାଧ୍ୟମରେ ଆୟକର ବିଭାଗ ଏପରି ଅନେକ ପ୍ରମାଣ ପାଇଛି, ଯାହା ସ୍ପଷ୍ଟ ଭାବରେ ଦର୍ଶାଉଛି ଯେ ନଗଦ ଟଙ୍କା ମାଧ୍ୟମରେ କାରବାର ହୋଇଛି।
ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ଘନିଷ୍ଠ ସମ୍ପର୍କୀୟମାନେ ମଧ୍ୟ ଏଥିରେ ସାମିଲ ଥିଲେ । ଆୟକର ବିଭାଗ କହିଛି ଯେ, କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡି.କେ ଶିବକୁମାର ଏବଂ ଏକ କମ୍ପାନୀ ସହିତ କଂଗ୍ରେସ ପାର୍ଟିର କାରବାର ପ୍ରମାଣ ରହିଛି, ଯାହା ନିୟମର ଉଲ୍ଲଂଘନ ଅଟେ।
Click it and Unblock the Notifications
Sign in with Google