ପୁଣି ଅଶାନ୍ତ ଜେଏନୟୁ , ଦୁଇ ଗୋଷ୍ଠି ମଧ୍ୟରେ ରକ୍ତାକ୍ତ ସଂଘର୍ଷ

Published: Friday, March 1, 2024, 14:16 [IST]

ଗୁରୁବାର ରାତିରେ ଦିଲ୍ଲୀର ଜବାହରଲାଲ ନେହେରୁ ବିଶ୍ୱବିଦ୍ୟାଳୟ (ଜେଏନୟୁ)ରେ ପୁଣିଥିରେ ରକ୍ତାକ୍ତ ସଂଘର୍ଷ ଆରମ୍ଭ ହୋଇଛି । ହୋଇଥିବା ସଂଘର୍ଷରେ ଅଖିଲ ଭାରତ ବିଦ୍ୟା ପରିଷଦ (ଏବିଭିପି) ଏବଂ ବାମ ଛାତ୍ର ସଂଗଠନ ମଧ୍ୟରେ ହୋଇଥିଲା । ସୂଚନାନୁସାରେ, ସ୍କୁଲ ଅଫ୍ ଭାଷାଗୁଡ଼ିକରେ ନିର୍ବାଚନ କମିଟି ସଦସ୍ୟ ଚୟନକୁ ନେଇ ଦୁଇଟି ତଥାକଥିତ ବାମ ଓ ଡାହାଣ ପକ୍ଷ ମଧ୍ୟରେ ସଂଘର୍ଷ ହୋଇଥିଲା । ଦୁଇ ଗୋଷ୍ଟି ମଧ୍ୟରେ ହୋଇଥିବା ମାର ପିଟର ଅନେକ ଭିଡ଼ିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ସୂଚନା ଅନୁସାରେ, ଶୁକ୍ରବାର ରାତିରେ ସ୍କୁଲ ଅଫ ଲାଙ୍ଗୁଏଜରେ ନିର୍ବାଚନ କମିଟି ସଦସ୍ୟ ଚୟନକୁ ନେଇ ଯୁକ୍ତିତର୍କ ହୋଇଥିଲ । ପରେ ଦୁଇ ଗୋଷ୍ଠୀ ମଧ୍ୟରେ ହାତାହାତି ହୋଇଥିଲା । ଏପରିକି ଛାତ୍ରମାନେ ପାଟିତୁଣ୍ଡ କରିବା ସହ ବିଶ୍ୱ ବିଦ୍ୟାଳୟ ପରିସରରେ ଭଙ୍ଗାରୁଜା କରିବା ଆରମ୍ଭ କରିଥିଲେ । ଆଉ ଯାହାର ଭିଡ଼ିଓ ଏବେ ସାମ୍ନାକୁ ଆସିଛି । ଭିଡିଓରେ ଜଣେ ଛାତ୍ରଙ୍କ ମୁଣ୍ଡରୁ ଆଘାତ ଲାଗି ରକ୍ତସ୍ରାବ ହେଉଥିବା ଦେଖିବାକୁ ମିଳିଛି । ଅନ୍ୟ କେତେଜଣ ଛାତ୍ର ଆହତ ହୋଇଥିବା ମଧ୍ୟ ଜଣାପଡିଛି ।

ଅନ୍ୟପକ୍ଷେ ଜଣେ ଛାତ୍ର ସାଇକେଲ ଫିଙ୍ଗୁ ଥିବା ଭିଡିଓ ଭାଇରାଲ ହୋଇଛି । ଆହତମାନଙ୍କୁ ସଫଦରଜଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଅନ୍ୟପଟେ ଏହି ଘଟଣାକୁ ନେଇ ବିଶ୍ୱବିଦ୍ୟାଳୟ ପ୍ରଶାସନ ପକ୍ଷରୁ କୌଣସି ବିବୃତ୍ତି ଜାରି କରାଯାଇ ନାହିଁ । ଅନ୍ୟପଟେ ଏବିଭିପି ସଭାପତି ଉମେଶ ଚନ୍ଦ୍ର ଅଜମେରା କହିଛନ୍ତି ଯେ ଇସି ସଦସ୍ୟ ଚୟନକୁ ନେଇ ଏହି ଝଗଡା ହୋଇଥିଲା । ବାମପନ୍ଥୀରେ ଥିବା ଲୋକମାନେ ବାହାରୁ ଲୋକଙ୍କୁ ନିମନ୍ତ୍ରଣ କରିଥିଲେ, ଯେଉଁ କାରଣରୁ ଏହି ଝଗଡ଼ା ହୋଇଥିଲା ।

ସେପଟେ ବାମପନ୍ଥୀ ଛାତ୍ର ମଧୁରିମା କୁଣ୍ଡୁ କହିଛନ୍ତି ଯେ ଏହା ଏକପାଖିଆ ଆକ୍ରମଣ । ବାମପନ୍ଥୀ ଶୌର୍ଯ୍ୟ କହିଛନ୍ତି ଯେ ସେ ମୋତେ ଏକ ବାଡ଼ିରେ ଆଘାତ କରିଥିଲେ, ଆଉ ଦୁଇଜଣ ଗୁରୁତର ଆହାତ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି ।

Published On March 1, 2024