ଆତଙ୍କବାଦୀଙ୍କ ଘର ଭାଙ୍ଗିଲେ, କାଶ୍ମୀର ପଣ୍ତିତ ଏବଂ ଅଣ ମୁସଲିମ ଶ୍ରମିକଙ୍କୁ କରାଯିବ ଟାର୍ଗେଟ୍

Pahalgam Attack: ପହଲଗାମ ଆତଙ୍କୀ ଆକ୍ରମଣ ପରେ ସରକାର ଅନେକ ବଡ଼ ନିଷ୍ପତ୍ତି ନେଇଛନ୍ତି । ଯାହା ମଧ୍ୟରୁ ଗୋଟିଏ ହେଲା କାଶ୍ମୀରରେ ଥିବା ଆତଙ୍କବାଦୀଙ୍କ ଘର ଭଙ୍ଗା ଯିବା ଘଟଣା । ବର୍ତ୍ତମାନ ଟିଆରଏଫ୍ ଏହାକୁ ଧମକ ଦେଇଛି ।

ସେନାକୁ ଚେତାବନୀ ଦେଇଛି ଲସ୍କରର ଛାୟା ସଂଗଠନ ଯଦି ଜମ୍ମୁ କଶ୍ମୀରରେ ଆତଙ୍କବାଦୀଙ୍କ ଘର ଭଙ୍ଗାଯାଏ ତେବେ ଏହାର ଦୃଢ ଯବାବ ଦିଆଯିବ । ଯଦି ଆଗକୁ ଏପରି ହୁଏ ତେବେ ଟାର୍ଗେଟ୍ ବଢିବ, ଖାସ କରି କାଶ୍ମୀର ପଣ୍ତିତ ଏବଂ ଅଣ ମୁସଲିମ ଶ୍ରମିକଙ୍କୁ ଟାର୍ଗେଟ୍ କରାଯିବ ।

ସେପଟେ ଅମିତ ଶାହଙ୍କ ବଡ଼ ବୟାନ । ସେ କହିଛନ୍ତି, ଆତଙ୍କୀଙ୍କୁ ଖୋଜିଖୋଜି ମରାଯିବ । ଆତଙ୍କବାଦୀଙ୍କୁ କ୍ଷମା କରାଯିବ ନାହିଁ, ତାଙ୍କ ବିରୋଧୀ ଲଢ଼େଇରେ ଆମ ସହ ସାରା ବିଶ୍ୱ ଅଛି । ଆତଙ୍କବାଦ ବିରୋଧରେ ଆମର ଜିରୋ ଟୋଲେରାନ୍ସ ନୀତି । ଆମେ ମଜବୁତର ସହ ଆମ ଲଢେଇ ଲଢିଛୁ । ଆତଙ୍କବାଦର ମୂଳୋତ୍ପାଟନ କରାଯିବ ।