ପହଲଗାମ ଆକ୍ରମଣରେ ଯଦି ପାକିସ୍ତାନର ହାତ ନାହିଁ ତେବେ କାହିଁକି ହାଇ ଆଲର୍ଟରେ ସେନା ? ଏପରି ପ୍ରଶ୍ନ କଲେ ପାକିସ୍ତାନୀ କ୍ରିକେଟର

Pahalgam Terror Attack, Danish Kaneria: ମଙ୍ଗଳବାର ଜମ୍ମୁ ଓ କଶ୍ମୀରର ପହଲଗାମରେ ଆତଙ୍କବାଦୀମାନେ ପର୍ଯ୍ୟଟକଙ୍କ ଉପରେ ଆକ୍ରମଣ ଘଟଣା ସାରା ଦେଶ ଆଖିରେ ଲୁହ ଦେଇଛି । ଏହି ଆକ୍ରମଣରେ ଏପର୍ଯ୍ୟନ୍ତ ୨୮ ଜଣ ନିର୍ଦ୍ଦୋଷ ଲୋକଙ୍କର ମୃତ୍ୟୁ ହୋଇଛି, ସେହିପରି ଅନେକ ଲୋକ ଆହତ ହୋଇଛନ୍ତି ।

ସୂଚନା ଅନୁସାରେ, ଏହି ଆତଙ୍କବାଦୀମାନେ ସୀମା ପାରରୁ ଆସିଥିଲେ ହେଲେ ଏପର୍ଯ୍ୟନ୍ତ ପାକିସ୍ତାନ ଏହି ଆକ୍ରମଣରେ ନିଜର ସମ୍ପୃକ୍ତିକୁ ଗ୍ରହଣ କରୁନାହିଁ। ଏହି ସମୟରେ, ପୂର୍ବତନ ପାକିସ୍ତାନୀ କ୍ରିକେଟର ଦାନିଶ କାନେରିଆ ତାଙ୍କ ଦେଶର ପ୍ରଧାନମନ୍ତ୍ରୀଙ୍କ ଉପରେ ପ୍ରଶ୍ନ ଉଠାଇଛନ୍ତି।

ଦାନିଶ କନେରିଆ କହିଛନ୍ତି, ଯଦି ପହଲଗାମ ଆତଙ୍କବାଦୀ ଆକ୍ରମଣରେ ପାକିସ୍ତାନର କୌଣସି ଭୂମିକା ନାହିଁ, ତେବେ ପ୍ରଧାନମନ୍ତ୍ରୀ ଶାହବାଜ ସରିଫ ଏପର୍ଯ୍ୟନ୍ତ ଏହାକୁ କାହିଁକି ନିନ୍ଦା କରିନାହାଁନ୍ତି? ତୁମର ସେନା ହଠାତ୍ କାହିଁକି ହାଇ ଆଲର୍ଟରେ ଅଛି? କାରଣ ତୁମେ ସତ୍ୟ ଜାଣ। ତୁମେ ଆତଙ୍କବାଦୀଙ୍କୁ ଆଶ୍ରୟ ଦେଉଛ ଏବଂ ପୋଷଣ କରୁଛ, Shame on you...

If Pakistan truly has no role in the Pahalgam terror attack, why hasn’t Prime Minister @CMShehbaz condemned it yet? Why are your forces suddenly on high alert? Because deep down, you know the truth — you’re sheltering and nurturing terrorists. Shame on you.

— Danish Kaneria (@DanishKaneria61) April 23, 2025

ଆପଣଙ୍କୁ କହି ରଖୁଛୁ ଯେ ମଙ୍ଗଳବାର ଦିନ ଜମ୍ମୁ-କଶ୍ମୀରର ପହଲଗାମରେ ଆତଙ୍କବାଦୀମାନେ ପର୍ଯ୍ୟଟକଙ୍କ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ୨୬ ଜଣଙ୍କ ମୃତ୍ୟୁ ହୋଇଛି। ଅନେକ ଲୋକ ଆହତ ମଧ୍ୟ ହୋଇଛନ୍ତି। ଏହି ଆତଙ୍କବାଦୀ ଆକ୍ରମଣ ଯୋଗୁଁ ସମଗ୍ର ଦେଶରେ ଶୋକର ବାତାବରଣ ରହିଛି। ଏହି ଆକ୍ରମଣରେ କ୍ରିକେଟରମାନେ ମଧ୍ୟ କ୍ରୋଧିତ। ସମସ୍ତେ ଏକ ସ୍ୱରରେ ଆତଙ୍କବାଦୀର ନିନ୍ଦା କରିଛନ୍ତି ।

ଆଜି IPL 2025 ରେ ହାଇଦ୍ରାବାଦ ଏବଂ ମୁମ୍ବାଇ ମ୍ୟାଚରେ ସମସ୍ତ ଖେଳାଳି ହାତରେ କଳା ପଟି ପିନ୍ଧି ପଡ଼ିଆକୁ ପ୍ରବେଶ କରିବେ। ଖେଳାଳିମାନଙ୍କ ବ୍ୟତୀତ, ଅମ୍ପାୟାରମାନେ ମଧ୍ୟ ଆତଙ୍କବାଦୀ ଆକ୍ରମଣର ଶିକାର ହୋଇଥିବା ଲୋକଙ୍କ ପ୍ରତି ସମବେଦନା ଜଣାଇବା ପାଇଁ ପଡ଼ିଆକୁ ପ୍ରବେଶ କରିବା ସମୟରେ ହାତରେ କଳା ପଟି ପିନ୍ଧିଥିବାର ଦେଖିବା ପାଇଁ ମିଳିଥିଲା ।