ପାକିସ୍ତାନ ଜାଣିଛି ଆମେ କ’ଣ କରିପାରିବୁ: AN ପ୍ରମୋଦ

ପହଲଗାମ ଆତଙ୍କୀ ହମଲା ପରେ ଭାରତର ତିନି ସେନା ମେ ୭ ତାରିଖରେ ପାକିସ୍ତାନ ଓ ପାକିସ୍ତାନ ଅଧିକୃତ କାଶ୍ମୀର(ପିଓକେ)ରେ ୯ ଆତଙ୍କୀ କେନ୍ଦ୍ର ଉପରେ ଏୟାରଷ୍ଟ୍ରାଇକ କରି ଧ୍ଵଂସ କରିଥିଲେ। ଏହା ପରେ ଉତ୍ପନ ସ୍ଥିତିରେ ପାକିସ୍ତାନ ବିରୋଧରେ ନିଆଯାଇଥିବା କାର୍ଯ୍ୟାନୁଷ୍ଠାନ ବିଷୟରେ ରବିବାର ଯୁଗ୍ମ ସାମ୍ବାଦିକ ସମ୍ମିଳନୀରେ ବିସ୍ତୃତ ତଥ୍ୟ ଦେଇଛନ୍ତି ଭାରତୀୟ ସେନା।

ଡିରେକ୍ଟର ଜେନେରାଲ ଅଫ ନାଭାଲ୍ ଅପରେସନ(ଡିଜିଏନଓ) ଭାଇସ୍ ଆଡମିରାଲ ଏଏନ ପ୍ରମୋଦ କହିଛନ୍ତି, ଭାରତୀୟ ନୌସେନା ମେ ୯ ରାତିରେ ପାକିସ୍ତାନର ସମୁଦ୍ରୀ ସୀମାରୁ ଏହାର ଗୁରୁତ୍ଵପୂର୍ଣ୍ଣ ପ୍ରତିଷ୍ଠାନ, କରାଚି ବନ୍ଦର ସହିତ ଅନେକ ଲକ୍ଷ୍ୟକୁ ନିଶାଣ କରିବା ଏବଂ ଧ୍ଵଂସ କରିବା ପାଇଁ ସଂପୂର୍ଣ୍ଣ ପ୍ରସ୍ତୁତ ହୋଇ ରହିଥିଲେ। କେବଳ ଭାରତ ସରକାରଙ୍କ ନିର୍ଦ୍ଦେଶର ଅପେକ୍ଷାରେ ଥିଲା ନୌସେନା। ଭାଇସ ଭାରତୀୟ ନୌସେନା ସବୁ ପ୍ରକାରର କାର୍ଯ୍ୟାନୁଷ୍ଠାନ ନେବାକୁ ସଂପୂର୍ଣ୍ଣ ସକ୍ଷମ ବୋଲି କହିଛନ୍ତି ଆଡମିରାଲ ଏଏନ ପ୍ରମୋଦ।

"ଯଦି ପାକିସ୍ତାନ କୌଣସି କାର୍ଯ୍ୟାନୁଷ୍ଠାନ ନେବାକୁ ସାହସ କରେ, ତେବେ ଆମେ କ'ଣ କରିବାକୁ ଯାଉଛୁ ତାହା ସେ ଜାଣନ୍ତି," । ଏନେଇ ନୌସେନା ଅଭିଯାନର ଉପମୁଖ୍ୟ ଭାଇସ୍ ଆଡମିରାଲ୍ ଏଏନ୍ ପ୍ରମୋଦ ରବିବାର କହିଛନ୍ତି । ପରିସ୍ଥିତି ବିଗିଡ଼ିଲେ କରାଚୀରେ ଆକ୍ରମଣ କରିବା ପାଇଁ ଭାରତର ନୌସେନା ପ୍ରସ୍ତୁତି ସମ୍ପର୍କରେ ଏକ ସିଧାସଳଖ ପ୍ରଶ୍ନର ଉତ୍ତରରେ ତାଙ୍କର ମନ୍ତବ୍ୟ ଆସିଥିଲା। ଏହା ଏକ ସ୍ପଷ୍ଟ ଏବଂ ସୁଚିନ୍ତିତ ବାର୍ତ୍ତା ଥିଲା - ଏହା କେବଳ ଇସଲାମାବାଦ ପାଇଁ ନୁହେଁ, ବରଂ ଦକ୍ଷିଣ ଏସିଆରେ ବୃଦ୍ଧି ପାଉଥିବା ଆଞ୍ଚଳିକ ଉତ୍ତେଜନାକୁ ଦେଖୁଥିବା ଯେକୌଣସି ବ୍ୟକ୍ତିଙ୍କ ପାଇଁ ଥିଲା।