Delhi Excise Policy Case: ଜାଣନ୍ତୁ ଅରବିନ୍ଦ କେଜ୍ରିୱାଲ୍ ଗିରଫ ହେଲେ କିଏ ହେବେ ଦିଲ୍ଲୀ ମୁଖ୍ୟମନ୍ତ୍ରୀ ?

Updated: Tuesday, November 7, 2023, 11:41 [IST]

Delhi CM Arvind Kejriwal News: ଦିଲ୍ଲୀର ମଦ ଦୁର୍ନିତି ମାମଲା, ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) କେଜ୍ରିୱାଲଙ୍କୁ ପଠାଯାଇଥିବା ସମନ ବିଷୟରେ ଉଲ୍ଲେଖ କରି ସୋମବାର (06 ନଭେମ୍ବର) ଦିନ ଆମ୍ ଆଦମୀ ପାର୍ଟି କହିଛି ଯେ, ଯଦି ଆଗାମୀ ଦିନରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଗିରଫ କରାଯାଏ, ତେବେ ସେ ଜେଲରୁ ହିଁ ଦିଲ୍ଲୀ ସରକାର ଚଳାଇବେ ।

ଦିଲ୍ଲୀର ମଦ ନୀତି ସହ ଜଡିତ ମନି ଲଣ୍ଡରିଂ ମାମଲାରେ ପଚରାଉଚରା ପାଇଁ ସିଏମ୍ ଅରବିନ୍ଦ କେଜ୍ରିୱାଲଙ୍କୁ ଡକାଯିବା ପରେ କେଜ୍ରିୱାଲଙ୍କୁ ଜେଲରେ ରଖା ଯାଇପାରେ, ଏହା ନରେନ୍ଦ୍ର ମୋଦି ସରକାରଙ୍କ ଷଡଯନ୍ତ୍ର ବୋଲି ଆପ୍ ଅଭିଯୋଗ କରିଛି । ଦିଲ୍ଲୀ ଲିକର୍ ପଲିସି ବର୍ତ୍ତମାନ ବନ୍ଦ ହୋଇଯାଇଛି ।

AAP ବିଧାୟକ ଏବଂ କେଜ୍ରିୱାଲଙ୍କ ମଧ୍ୟରେ ହୋଇଥିବା ବୈଠକ ସମ୍ପର୍କରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ଦିଲ୍ଲୀ ମନ୍ତ୍ରୀ ଅତିଶୀ କହିଛନ୍ତି ଯେ, ସମସ୍ତ ବିଧାୟକ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ଇଡି ଡାକରା ପ୍ରସଙ୍ଗକୁ ନେଇ କହିଛନ୍ତି, ସ୍ଥିତି ଯାହା ମଧ୍ୟ ହେଉ ହେଲେ ସେ ଇସ୍ତଫା ନଦିଅନ୍ତୁ ଜେଲରୁ ହିଁ ସରକାର ଚଳାଇବା ପାଇଁ କୁହାଯାଇଛି । ମନ୍ତ୍ରୀ ଆତିଶି କହିଛନ୍ତି ଯେ, ଆମେ ସିଏମ କେଜ୍ରିୱାଲଙ୍କୁ ଇସ୍ତଫା ନଦେବାକୁ କହିଛୁ କାରଣ ଦିଲ୍ଲୀର ଲୋକମାନେ କେଜ୍ରିୱାଲଙ୍କୁ ଭୋଟ୍ ଦେଇଛନ୍ତି । ଯଦିଓ ସେ ଜେଲକୁ ଯାଆନ୍ତି, ତେବେ ମଧ୍ୟ ଅରବିନ୍ଦ କେଜ୍ରିୱାଲ ଦିଲ୍ଲୀର ମୁଖ୍ୟମନ୍ତ୍ରୀ ରହିବେ । ସେ ଆହୁରି କହିଛନ୍ତି ଯେ, କ୍ୟାବିନେଟ ବୈଠକ ଜେଲରେ ରଖିବା ପାଇଁ AAP କୋର୍ଟଙ୍କ ଅନୁମତି ମାଗିବ ।

ସେହିପରି ମନ୍ତ୍ରୀ ଆତିଶି କହିଛନ୍ତି, ସମସ୍ତ ବିଧାୟକ ସିଏମ ଅରବିନ୍ଦ କେଜ୍ରିୱାଲଙ୍କୁ ସମାନ କଥା କହିଛନ୍ତି । ଯଦିଓ ବିଜେପି ସିଏମ୍‌କୁ ତିହାରରେ ରଖେ, ତଥାପି ସେ କୌଣସି ପରିସ୍ଥିତିରେ ମଧ୍ୟ ଇସ୍ତଫା ଦେବେ ନାହିଁ । ବିଜେପିର ଷଡଯନ୍ତ୍ରକୁ ସଫଳ କରିବା ପାଇଁ ଦିଆଯିବ ନାହିଁ । ଲୋକମାନେ କୌଣସି ବିଧାୟକ କିମ୍ବା ଦଳ ପାଇଁ ଭୋଟ୍ ଦେଇନାହାଁନ୍ତି ବରଂ ଅରବିନ୍ଦ କେଜ୍ରିୱାଲଙ୍କୁ ଭୋଟ୍ ଦେଇଛନ୍ତି । ଲୋକଙ୍କ ବିଶ୍ୱାସ ଭାଙ୍ଗିବା ଉଚିତ୍ ନୁହେଁ । ସେ ଆହୁରି କହିଛନ୍ତି, ଆମେ କୋର୍ଟକୁ ଯିବୁ, କ୍ୟାବିନେଟ ବୈଠକ, ଫାଇଲ, ଜେଲରେ ଥିବା ଅଧିକାରୀଙ୍କୁ ସେମାନଙ୍କ ନିକଟକୁ ନେବାକୁ କୋର୍ଟଙ୍କ ଅନୁମତି ନେବୁ ।

ଅରବିନ୍ଦ କେଜ୍ରିୱାଲ ମଧ୍ୟ ଖୁବ ଶୀଘ୍ର ପାର୍ଟି କାଉନସିଲରଙ୍କ ସହ ଏକ ବୈଠକ କରିବେ । ମଦ ନୀତି ଦୁର୍ନୀତି ସହ ଜଡିତ ମନି ଲଣ୍ଡରିଂ ମାମଲାରେ ନଭେମ୍ବର ୨ ରେ ଇଡି କେଜ୍ରିୱାଲଙ୍କୁ ପଚରାଉଚରା କରିବା ପାଇଁ ସମନ ପଠାଇଥିଲା । ହେଲେ କେଜ୍ରିୱାଲ ଇଡି ଡାକରାକୁ ଅଣଦେଖା କରି ଏହା ବେଆଇନ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଥିଲେ। ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ବିଜେପିର ଅନୁରୋଧ କ୍ରମେ ଏହି ସମନ ପଠାଯାଇଛି ।