କୁଏତ ଅଗ୍ନିକାଣ୍ତ ଘଟଣା: ଭାରତ ଅଣଗଲା ପ୍ରାଣ ହରାଇଥିବା ୪୫ ଜଣଙ୍କ ମୃତ ଦେହ, ମୃତକଙ୍କ ମଧ୍ୟରେ ଅଛନ୍ତି ୨ ଓଡ଼ିଆ

Updated: Friday, June 14, 2024, 11:12 [IST]

Kuwait Fire Incident News: କୁଏତରେ ଅଗ୍ନିକାଣ୍ଡରେ ପ୍ରାଣ ହରାଇଥିବା 45 ଭାରତୀୟଙ୍କ ମୃତଦେହକୁ ଭାରତ ଅଣଯାଇଛି । ଶୁକ୍ରବାର ଦିନ ଭାରତୀୟ ବାୟୁସେନାର ଏକ ସ୍ୱତନ୍ତ୍ର ବିମାନ କୋଚିରେ ପହଞ୍ଚିଛି। ବିମାନରେ ରାଜ୍ୟ ମନ୍ତ୍ରୀ କିର୍ତ୍ତୀ ବର୍ଦ୍ଧନ ସିଂ ମଧ୍ୟ ଉକ୍ତ ସ୍ଥାନରେ ଉପସ୍ଥିତ ଥିଲେ । କୁଏତ କର୍ତ୍ତୃପକ୍ଷଙ୍କ ସହ ନିରନ୍ତର ଯୋଗାଯୋଗରେ ଥିଲେ ମନ୍ତ୍ରୀ କିର୍ତ୍ତୀ ବର୍ଦ୍ଧନ ସିଂ ।

ବିମାନଟି କୋଚିନ୍ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବା ପରେ ଏର୍ନାକୁଲମ୍ ରେଞ୍ଜ୍ ଡିଜି ପୁଟା ୱିମାଲାଦିତ୍ୟ କହିଛନ୍ତି, "ମୃତଦେହ ଗ୍ରହଣ କରିବା ପାଇଁ ଆମେ ସମସ୍ତ ଆବଶ୍ୟକୀୟ ବ୍ୟବସ୍ଥା କରାଯାଇଛି । ମୃତକଙ୍କ ପରିବାର ସଦସ୍ୟଙ୍କ ସହ ମଧ୍ୟ କଥାବାର୍ତ୍ତା କରିଛୁ। 23ଟି ମୃତଦେହ କେରଳର, 7ଟି ତାମିଲନାଡୁର ଏବଂ 1ଟି କର୍ଣ୍ଣାଟକର ନିଆଯିବ ନେଇ ସୂଚନା ରହିଛି । ମୃତ ଦେହ ଆସିବା ପୂର୍ବରୁ ଏୟାରପୋର୍ଟରେ ଆମ୍ବୁଲାନ୍ସ ଗୁଡିକ ରଖାଯାଇଥିଲା ।

ଆପଣଙ୍କୁ ଜଣାଇଦେଉଛୁ ଯେ ବୁଧବାର ଦକ୍ଷିଣ କୁଏତର ମଙ୍ଗଫ୍ ଅଞ୍ଚଳରେ ଥିବା ବହୁ ମହଲା କୋଠାରେ ଅଗ୍ନିକାଣ୍ଡରେ 49 ଜଣ ବିଦେଶୀ ଶ୍ରମିକଙ୍କର ମୃତ୍ୟୁ ଘଟିଥିବା ବେଳେ 50 ଜଣ ଆହତ ହୋଇଛନ୍ତି। ନ୍ୟୁଜ୍ ଏଜେନ୍ସି ପିଟିଆଇ ଅନୁଯାୟୀ କୁଏତର ପ୍ରଥମ ଉପମୁଖ୍ୟମନ୍ତ୍ରୀ ତଥା ପ୍ରତିରକ୍ଷା କହିଛନ୍ତି ଯେ, ଅଧିକାରୀମାନେ 48ଟି ମୃତଦେହ ଚିହ୍ନଟ କରିଛନ୍ତି, ସେଥିମଧ୍ୟରୁ 45 ଜଣ ଭାରତୀୟ ଏବଂ ତିନୋଟି ଫିଲିପାଇନ୍ସ।

ଅବଶିଷ୍ଟ ମୃତଦେହକୁ ଚିହ୍ନଟ କରିବା ପାଇଁ ଉଦ୍ୟମ ଜାରି ରହିଛି । ଅଧିକାରୀ କହିଛନ୍ତି ଯେ ଏହି ଦୁର୍ଘଟଣାରେ ପ୍ରାଣ ହରାଇଥିବା ଅଧିକାଂଶ ଭାରତୀୟ କେରଳର। ଏହି ଦୁର୍ଘଟଣାରେ କେରଳର 19 ଜଣ ପ୍ରାଣ ହରାଇଛନ୍ତି।