west bengal election 2021: “ମେ ଏକ୍ ନମ୍ବର କା କୋବ୍ରା ହୁଁ, ହକ୍ ଛିନେଗା ତୋ ଖଡା ହୋ ଜାଉଙ୍ଗା”
ବିରୋଧୀଙ୍କୁ ଟାର୍ଗେଟ୍ କରି ମିଥୁନ ଚକ୍ରବର୍ତ୍ତୀ କହିଛନ୍ତି, ‘ ମେଁ କୋବ୍ରା ହୁଁ, କୋଇ ହକ୍ ଛିନେଗା ତୋ ମେ ଖଡା ହୋ ଜାଉଙ୍ଗା ।’
କୋଲକାତା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ରାଲି ପୂର୍ବରୁ ଅଭିନେତା ମିଥୁନ ଚକ୍ରବର୍ତ୍ତୀ ବିଜେପିରେ ଯୋଗ ଦେଇଛନ୍ତି । ମିଥୁନ ଦା କୌଳାଶ ବିଜୟଭର୍ଗିଆ ଏବଂ ଅନ୍ୟାନ୍ୟ ବହୁ ଭେଟେରାନ ନେତାଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି। ବିଜେପି ରାଜ୍ୟ ସଭାପତି ଦିଲୀପ ଘୋଷ ମିଥୁନ ଚକ୍ରବର୍ତ୍ତୀଙ୍କୁ ମଞ୍ଚରେ ସ୍ୱାଗତ କରିଥିଲେ।
ବିଜେପିରେ ଯୋଗଦେବା ପରେ ମଞ୍ଚରୁ କଥା ହୋଇଥିବା ପ୍ରସିଦ୍ଧ ଅଭିନେତା କହିଛନ୍ତି ମୁଁ ହୃଦୟରେ ଜଣେ ବଙ୍ଗୀୟ। ମୁଁ ଗର୍ବର ସହିତ କହୁଛି ଯେ ମୁଁ ବଙ୍ଗାଳୀ । ବଙ୍ଗଳାରେ ରହୁଥିବା ସମସ୍ତେ ବଙ୍ଗାଳୀ।
ମିଥୁନ ଚକ୍ରବର୍ତ୍ତୀ କହିଛନ୍ତି ଯେ ବଙ୍ଗଳାରେ ରହୁଥିବା ସମସ୍ତେ ବଙ୍ଗାଳୀ। ଯିଏ ଏଠାରେ ବଢିଛି, ଏଠାରେ ବାସ କରୁଥିବା ବଙ୍ଗଳାର ସବୁକିଛି ଉପରେ ଅଧିକାର ଅଛି । ବିରୋଧୀଙ୍କୁ ଟାର୍ଗେଟ୍ କରି ମିଥୁନ ଚକ୍ରବର୍ତ୍ତୀ କହିଛନ୍ତି, ' ମେଁ କୋବ୍ରା ହୁଁ, କୋଇ ହକ୍ ଛିନେଗା ତୋ ମେ ଖଡା ହୋ ଜାଉଙ୍ଗା ।' ମିଥୁନଙ୍କର ଏହା କହିବାର ଅର୍ଥ ହେଉଛି, 'ମୁଁ ହେଉଛି ନାଗ ସାପ, କେହି ହକ୍ ଛଡାଇନେବାକୁ ଚେଷ୍ଟା କଲେ ମୁଁ ଫଣା ଟେକି ଛିଡା ହୋଇଯିବି ।'
ବିଜେପିରେ ସାମିଲ ହେବା ପରେ ମିଥୁନ ଚକ୍ରବର୍ତ୍ତୀ କହିଛନ୍ତି, '୧୮ ବର୍ଷର ହୋଇଥିବା ବେଳେ ଗରିବ ଲୋକଙ୍କୁ ସାହାଯ୍ୟ କରିବାକୁ ଚାହୁଁଥିଲି । ଆଜି ସେହି ସ୍ବପ୍ନ ପୂରଣ ହେବା ଭଳି ଲାଗୁଛି । ଯଦି କେହି କାହାର ହକ୍ ଛଡାଇବାକୁ ଚେଷ୍ଟା କରନ୍ତି ତେବେ ତ ପରିଣତି ଭୟଙ୍କର ହେବ ।'
Click it and Unblock the Notifications
Sign in with Google