କେଦାରନାଥରେ ହିମସ୍ଖଳନ, ମନ୍ଦିର ସୁରକ୍ଷିତ

କେଦାରନାଥରେ ହିମସ୍ଖଳନ । ଆଜି ସକାଳେ ଏହି ଭୟଙ୍କର ହିମସ୍ଖଳନ ହୋଇଥିବା ସୂଚନା ମିଳିଛି ।

ଡେରାଡୁନ: କେଦାରନାଥରେ ହିମସ୍ଖଳନ । ଆଜି ସକାଳେ ଏହି ଭୟଙ୍କର ହିମସ୍ଖଳନ ହୋଇଥିବା ସୂଚନା ମିଳିଛି । ଏହି ଅଘଟଣରେ କେଦାରନାଥ ମନ୍ଦିରର କୌଣସି କ୍ଷୟକ୍ଷତି ହୋଇନଥିବା ଜଣାପଡିଛି । ବଦ୍ରିନାଥ-କେଦାରନାଥ ମନ୍ଦିର କମିଟି କହିବା ଅନୁସାରେ, ମନ୍ଦିର ସଂପୂର୍ଣ୍ଣ ସୁରକ୍ଷିତ ଅଛି , କୌଣସି ସମସ୍ୟା ନାହିଁ ।
ଆଜିର ଘଟଣା ନେଇ ବଦ୍ରିନାଥ-କେଦାରନାଥ ମନ୍ଦିର କମିଟି ସଭାପତି ଅଜେନ୍ଦ୍ର ଅଜୟ କହିଛନ୍ତି, ''ଆଜି ସକାଳେ କେଦାରନାଥ ମନ୍ଦିର ପଛ ପଟୁ ହିମାଳୟ ପର୍ବତରୁ ବିଶାଳକାୟ ବରଫଖଣ୍ଡ ଖସିଥିଲା । କିନ୍ତୁ ଏହାର ଟିକେ ବି ପ୍ରଭାବ ମନ୍ଦିର ଉପରେ ପଡିନାହିଁ, ମନ୍ଦିରର କୌଣସି କ୍ଷତି ହୋଇନାହିଁ ।''

କିନ୍ତୁ ହଠାତ ହିମସ୍ଖଳନ ଦେଖି ମନ୍ଦିରରେ ଉପସ୍ଥିତ ତୀର୍ଥଯାତ୍ରୀ ଭୟଭୀତ ହୋଇଯାଇଥିଲେ । କିଛି ସମୟ ପାଇଁ ପରିସ୍ଥିତି ବଦଳି ଯାଇଥିଲା । ତେବେ ଏହା ହିମସ୍ଖଳନର ଦ୍ବିତୀୟ ଘଟଣା । ଏହାପୂର୍ବରୁ ସେପ୍ଟେମ୍ବର 22 ତାରିଖ ସନ୍ଧ୍ୟା ସମୟରେ କେଦାରନାଥ ଧାମ ପାଖରେ ଥିବା ଚୋରାବାରି ଗ୍ଲାସିୟରରୁ ଏକ ବଡ ବରଫଖଣ୍ଡ ଧସିଥିଲା । ବର୍ତ୍ତମାନ ଭଳି ସେତେବେଳେ ମଧ୍ୟ କୌଣସି ବିଶେଷ କ୍ଷୟକ୍ଷତି ଘଟିନଥିଲା । ତେବେ ଗତ କିଛି ଦିନ ହେବ ଉତ୍ତରାଖଣ୍ଡରେ ଲଗାଣ ବର୍ଷା ଯୋଗୁଁ ଭୂସ୍ଖଳନ ଆଜି ଲାଗି ରହିଛି । ଗୁରୁବାର ହଠାତ୍ ଭୂସ୍ଖଳନ ଯୋଗୁଁ ରୁଦ୍ରପ୍ରୟାଗ ନିକଟସ୍ଥ ଜାତୀୟ ରାଜପଥରରେ ଯାତାୟତ ପ୍ରଭାବିତ ହୋଇଥିଲା । ଅନେକ ସମୟ ପର୍ଯ୍ୟନ୍ତ ଯାତ୍ରୀ ଏବଂ ପର୍ଯ୍ୟଟକ ଅଟକି ରହିଥିଲେ । ଅନେକ ଅସୁବିଧାରେ ସମ୍ମୁଖୀନ ହୋଇଥିଲେ ।

#WATCH | Uttarakhand: An avalanche occurred this morning in the Himalayan region but no damage was sustained to the Kedarnath temple: Shri Badrinath-Kedarnath Temple Committee President, Ajendra Ajay pic.twitter.com/fyi2WofTqZ

— ANI UP/Uttarakhand (@ANINewsUP) October 1, 2022

ବର୍ତ୍ତମାନ ବଦ୍ରିନାଥ ଏବଂ କେଦାରନାଥ ଧାନରେ ଚାଲିଛି ପୁନଃନିର୍ମାଣ କାର୍ଯ୍ୟ । ଏହାକୁ ଦେଖିବା ପାଇଁ ଗତ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାର୍ଯ୍ୟଗୁଡିକର ଭର୍ଚୁଆଲରେ ସମୀକ୍ଷା କରିଥିଲେ । ନିର୍ମାଣ କାର୍ଯ୍ୟର ଅଗ୍ରଗତି ସମ୍ପର୍କରେ ପଚାରି ବୁଝିଥିଲେ ପିଏମ ମୋଦି । ଏପଟେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ସଚିବାଳୟରୁ ଏହି ସମୀକ୍ଷା ବୈଠକରେ ସାମିଲ ହୋଇଥିଲେ ।

English summary

Ahuge avalanche occurred near the Kedarnath shrine in Uttarakhand on early Saturday and a video of the same is going rounds on social media. No loss of life and property was caused to the temple.