ଡାକ୍ତଖାନାରେ ଅଭିନେତା ରଜନୀକାନ୍ତ, ଜାଣନ୍ତୁ ବର୍ତ୍ତମାନ କିପରି ଅଛି ସ୍ୱାସ୍ଥ୍ୟ

Rajinikanth Health Update: ସାଉଥ ସୁପରଷ୍ଟାର ରଜନୀକାନ୍ତଙ୍କୁ ନେଇ ଏକ ବଡ଼ ଖବର ରହିଛି । ବିଳମ୍ବିତ ରାତିରେ ଅଭିନେତାଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହୋଇଯାଇଥିଲା ଯେଉଁଥିପାଇଁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ, ବର୍ତ୍ତମାନ ଅଭିନେତାଙ୍କ ସ୍ୱାସ୍ଥ୍ୟ ପୂର୍ବ ଅପେକ୍ଷା ଭଲ ଅଛି ।

ଗଣମାଧ୍ୟମ ରିପୋର୍ଟ ଅନୁଯାୟୀ, 73 ବର୍ଷୀୟ ରଜନୀକାନ୍ତ ହଠାତ୍ ପେଟରେ ଯନ୍ତ୍ରଣା ଅନୁଭବ କରିବା ପରେ ପରିବାର ଲୋକେ ତାଙ୍କୁ ତୁରନ୍ତ ଚେନ୍ନାଇର ଆପୋଲୋ ଗ୍ରିମସ୍ ରୋଡ୍ ହସ୍ପିଟାଲରେ ଭର୍ତ୍ତି କରିଥିଲେ । ବର୍ତ୍ତମାନ ଅଭିନେତା ଚିକିତ୍ସିତ ହେଉଛନ୍ତି ଏବଂ ସୁସ୍ଥ ଅଛନ୍ତି । ଖବର ରହିଛି ଯେ ଦୀର୍ଘ ଦିନ ଧରି ଅଭିନେତାଙ୍କ ପେଟ ସମସ୍ୟା ଲାଗିରହିଥିଲା ।

ନ୍ୟୁଜ୍ 18 ସହିତ ଆଲୋଚନା କରି ରଜନୀକାନ୍ତଙ୍କ ପତ୍ନୀ ଅଭିନେତାଙ୍କ ସ୍ୱାସ୍ଥ୍ୟ ସମ୍ବନ୍ଧରେ ସୂଚନା ଦେଇଛନ୍ତି । ସେ କହିଛନ୍ତି ଅଭିନେତାଙ୍କ ସ୍ୱାସ୍ଥ୍ୟ ପୂର୍ବ ଅପେକ୍ଷା ଭଲ ଅଛି । ଏହି ଖବର ଶୁଣି ରଜନୀକାନ୍ତଙ୍କ ପ୍ରଶଂସକମାନେ ଖୁସି ଅଛନ୍ତି । ସୋସିଆଲ ମିଡିଆ ମାଧ୍ୟମରେ ଫ୍ୟାନ୍ସ ରଜନୀକାନ୍ତଙ୍କ ଶୀଘ୍ର ଆରୋଗ୍ୟ ପାଇଁ ପ୍ରାର୍ଥନା କରୁଛନ୍ତି। ଆଶା କରାଯାଉଛି ଯେ ରଜନୀକାନ୍ତ ଶୀଘ୍ର ସୁସ୍ଥ ହୋଇଯିବେ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ 2016 ରେ ଆମେରିକାରେ ଅଭିନେତାଙ୍କର କିଡନୀ ପ୍ରତିରୋପଣ କରାଯାଇଥିଲା । ଏହା ପରେ ସେ କିଛି ସମୟ ପାଇଁ ଚଳଚ୍ଚିତ୍ରରୁ ବିରତି ନେଇଥିଲେ ।

ରଜନୀକାନ୍ତଙ୍କ ବର୍ତ୍ତମାନ ଦୁଇଟି ଚଳଚ୍ଚିତ୍ର ପାଇଁ ଲାଇମ୍ ଲାଇଟରେ ଅଛନ୍ତି। ଅକ୍ଟୋବର 10 ରେ ଅଭିନେତାଙ୍କ ଫିଲ୍ମ 'Vettaiyan' ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଏହି ଚଳଚ୍ଚିତ୍ରର ବିଶେଷ କଥା ହେଉଛି ଅମିତାଭ ବଚ୍ଚନ ମଧ୍ୟ ସୁପରଷ୍ଟାରଙ୍କ ସହ ସ୍କ୍ରିନ୍ ସେୟାର କରିବେ। ଏହା ବ୍ୟତୀତ ଫିଲ୍ମ 'କୁଲି' ମଧ୍ୟ ସମ୍ବାଦରେ ଅଛି। ଯାହା ଆସନ୍ତା ବର୍ଷ ଅର୍ଥାତ୍ 2025 ରେ ମୁକ୍ତିଲାଭ କରିବ ।