ଉତ୍ତରାଖଣ୍ଡରେ ଓ ହିମାଚଳରେ ଜଳ ପ୍ରଳୟ: ୧୩ ମୃତ, ୫୦ରୁ ଅଧିକ ନିଖୋଜ

Himachal Pradesh And Uttarakhand News: ଉତ୍ତରାଖଣ୍ଡରେ ଓ ହିମାଚଳରେ ଜଳ ପ୍ରଳୟ । ୧୩ ଜଣଙ୍କ ମୃତ୍ୟୁ ଘଟିଥିବା ବେଳେ ୫୦ରୁ ଅଧିକ ଲୋକ ନିଖୋଜ ଅଛନ୍ତି । ପ୍ରବଳ ବର୍ଷା ଯୋଗୁଁ ଜଳ ପ୍ରଳୟ ସ୍ଥିତି ସୃଷ୍ଟି ହୋଇଛି । ରାସ୍ତାରେ ପାଣିର ସୁଅ, କେଉଁଠି ଡ୍ୟାମ୍ ଭାଙ୍ଗିଛି ତ କେଉଁଠି ଘର ଧୋଇ ହୋଇଯାଇଛି । ବର୍ତ୍ତମାନ ୫୦ରୁ ଅଧିକ ଲୋକ ନିଖୋଜ ଥିବା ନେଇ ସୂଚନା ରହିଛି ।

କୁଲୁ, ମଣ୍ଡି ଏବଂ ରାମପୁରରେ ବାଦଲ ଫଟା ବର୍ଷାରେ ଯୋଗୁଁ ପ୍ରକୃତିର ଏପରି ତାଣ୍ତବ ଦେଖିବା ପାଇଁ ମିଳିଛି । ବର୍ଷାରେ ଅନେକ ଘର ଧୋଇ ହୋଇ ଯିବା ସହ ରାମପୁର ସମେଜ ଗାଁରେ ୩୦ରୁ ଅଧିକ ଲୋକ ନିଖୋଜ ହୋଇଥିବା ନେଇ ସୂଚନା ରହିଛି । ସେପଟେ କୁଲ୍ଲୁ ପାର୍ବତି ନଦୀ କୂଳରେ ଏକ ବିଲ୍ଡିଂ ଭୁଶୁଡ଼ି ଯିବାର ଦୃଶ୍ୟ ମଧ୍ୟ ଦେଖିବା ପାଇଁ ମିଳିଛି, ଫଳରେ ୬ ଜଣ ଆହତ ହୋଇଛନ୍ତି ।

Himachal Pradesh CM Sukhvinder Singh Sukhu tweets, "Very sad news has been received about more than 50 people missing due to cloudburst in Rampur tehsil of Shimla, Padhar tehsil of Mandi district and Jaon, Nirmand villages of Kullu. Teams of NDRF, SDRF, Police, Home Guard and… pic.twitter.com/KUnkc9jTkW

— ANI (@ANI) August 1, 2024

ସୂଚନା ଅନୁସାରେ, ସମେଜ ଖେଡାରେ ସ୍ଥିତ ହାଇଡ୍ରୋ ପ୍ରୋଜେକ୍ଟ ସାଇଟରେ ବାଦଲ ଫଟା ବାର୍ଷା ଯୋଗୁଁ ଜଣଙ୍କ ମୃତ୍ୟୁ ଘଟିଥିବା ବେଳେ ୩୬ ଜଣ ନିଖୋଜ ଥିବା ନେଇ ଖବର ରହିଛି । ସେହିପରି ମଣ୍ତି ଅଞ୍ଚଳରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୮ ଜଣ ନିଖୋଜ ଅଛନ୍ତି । ସେହିପରି ଆଗକୁ ଆହୁରି ମୃତ୍ୟୁ ସଂଖ୍ୟା ବୃଦ୍ଧି ପାଇବାର ଆଶଙ୍କା ରହିଛି । ରାମପୁର ଅଞ୍ଚଳରେ ମଧ୍ୟ ଜଣଙ୍କ ମୃତ୍ୟୁ ଘଟିଛି ।

#WATCH | Himachal Pradesh: The water level in Beas River has increased due to heavy rains in the region; latest visuals from the area pic.twitter.com/zO6YezkV0U

— ANI (@ANI) August 1, 2024

ଅନ୍ୟପଟେ ଉତ୍ତରାଖଣ୍ତ କେଦାରନାଥରେ ହଠାତ ବନ୍ୟା ଆସିବାରୁ ପ୍ରକୃତି ତାଣ୍ତବ ଦେଖିବା ପାଇଁ ମିଳିଛି । ୯ ଜଣଙ୍କ ମୃତ୍ୟୁ ହୋଇଥିବା ବେଳେ ୩ ଜଣ ନିଖୋଜ ଅଛନ୍ତି । ଉତ୍ତରାଖଣ୍ତର ଭିନ୍ନ ଭିନ୍ନ ସ୍ଥାନରେ ବର୍ଷାର ଯୋଗୁଁ ଭୟଙ୍କର ସ୍ଥିତି ରହିଛି । ସେହିପରି କେଦାରନାଥ ଯାଉଥିବା ଅନେକ ଶ୍ରଦ୍ଧାଳୁ ଏବେ ଫସି ରହିଛନ୍ତି । ସ୍ଥାନୀୟ ପ୍ରଶାସନ ଏବଂ ଏନଡିଆରଏଫ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।