ପୁଣି ହେମନ୍ତ ସୋରେନଙ୍କୁ ଲାଗିପାରେ ଝଟକା, ଜେଏମଏମ ଛାଡ଼ିପାରନ୍ତି ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ
ବିଧାନସଭା ନିର୍ବାଚନ ପୂର୍ବରୁ ଝାଡଖଣ୍ଡରେ ବଡ଼ ରାଜନୈତିକ ହଲଚଲ ହେବାର ସମ୍ଭାବନା ରହିଛି। ଶାସକ ଜେଏମଏମ ଏକ ବଡ଼ ଝଟକା ଲାଗିପାରେ। ପୂର୍ବତନ ରାଜ୍ୟ ମୁଖ୍ୟମନ୍ତ୍ରୀ ଚମ୍ପାଇ ସୋରେନଙ୍କ ସମେତ କିଛି ଦଳର ବିଧାୟକ ଖୁବ ଶୀଘ୍ର ଭାଜପାରେ ଯୋଗ ଦେଇପାରନ୍ତି। ନିକଟରେ ଜେଏମଏମରୁ ବହିଷ୍କୃତ ବିଧାୟକ ଲୋବିନ ହେମ୍ବ୍ରମ ମଧ୍ୟ ଦଳ ସହ ଯୋଗାଯୋଗରେ ଅଛନ୍ତି। ନଭେମ୍ବର-ଡିସେମ୍ବରରେ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ।
ଭାଜପା ସୂତ୍ରରୁ ପ୍ରକାଶ ଯେ ଚମ୍ପାଇ ସୋରେନ ରାଜ୍ୟ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଉପରେ ରାଗିଛନ୍ତି। ଦଳର ବରିଷ୍ଠ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଅର୍ଜୁନ ମୁଣ୍ଡାଙ୍କ ସହ ତାଙ୍କର ଦୁଇ ରାଉଣ୍ଡ ଆଲୋଚନା ହୋଇଛି। ଚମ୍ପାଇ ବର୍ତ୍ତମାନ ଦିଲ୍ଲୀରେ ଅଛନ୍ତି। ସେ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କୁ ଭେଟିବେ। ଏହି ବୈଠକ ପରେ ଚମ୍ପାଇ କିଛି ଜେଏମଏମ ବିଧାୟକଙ୍କ ସହ ଭାଜପାରେ ଯୋଗ ଦେଇପାରନ୍ତି।
ସୂଚନାଯୋଗ୍ୟ ଯେ, ଏକ ଦୁର୍ନୀତି ମାମଲାରେ ଜେଲ ଯିବା ପୂର୍ବରୁ ହେମନ୍ତ ସିଏମ ପଦରୁ ଇସ୍ତଫା ଦେବା ପରେ ଚମ୍ପାଇଙ୍କୁ ମୁଖ୍ୟମନ୍ତ୍ରୀ କରାଯାଇଥିଲା। କୋର୍ଟରୁ ଜାମିନ ପାଇବା ପରେ ଚମ୍ପାଇ ହେମନ୍ତଙ୍କ ପାଇଁ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି। ଏହା ବଦଳରେ ଚମ୍ପାଇ ହେମନ୍ତଙ୍କ କ୍ୟାବିନେଟରେ ଅନ୍ତର୍ଭୁକ୍ତ ହୋଇଥିଲେ।
Click it and Unblock the Notifications
Sign in with Google