ରାଜଧାନୀରେ ପ୍ରବଳ ବର୍ଷା ଯୋଗୁଁ ଟ୍ରାଫିକ୍ ଜାମ

ଦେଶର ବିଭିନ୍ନ ଅଞ୍ଚଳରେ ଲାଗି ରହିଛି ପ୍ରବଳ ବର୍ଷା ଓ ବନ୍ୟା ସ୍ଥିତି । ରବିବାର ଅପରାହ୍ନରେ ରାଜଧାନୀ ଦିଲ୍ଲୀର କିଛି ଅଂଶରେ ପ୍ରବଳ ବର୍ଷା ହୋଇଛି । ଯାହା ଦିଲ୍ଲୀବାସୀଙ୍କୁ ଆଶ୍ବସ୍ତ କରିଛି । କିଛି ଦିନ ହେବ ପ୍ରବଳ ଗରମ ହେଉଥିଲା ।

ନୂଆଦିଲ୍ଲୀ: ଦେଶର ବିଭିନ୍ନ ଅଞ୍ଚଳରେ ଲାଗି ରହିଛି ପ୍ରବଳ ବର୍ଷା ଓ ବନ୍ୟା ସ୍ଥିତି । ରବିବାର ଅପରାହ୍ନରେ ରାଜଧାନୀ ଦିଲ୍ଲୀର କିଛି ଅଂଶରେ ପ୍ରବଳ ବର୍ଷା ହୋଇଛି । ଯାହା ଦିଲ୍ଲୀବାସୀଙ୍କୁ ଆଶ୍ବସ୍ତ କରିଛି । କିଛି ଦିନ ହେବ ପ୍ରବଳ ଗରମ ହେଉଥିଲା । ବର୍ତ୍ତମାନ ଆର୍ଦ୍ର ପାଗରୁ ମୁକ୍ତି ପାଇଛନ୍ତି ରାଜଧାନୀବାସୀ। ଦିଲ୍ଲୀର ବାରାଖମ୍ବା ରୋଡ୍, କନଟ୍ ପ୍ଲେସ୍ ଏବଂ ମଥୁରା ରୋଡ୍ ପରି ଅଞ୍ଚଳରେ ପ୍ରବଳ ବର୍ଷା ଦେଖିବାକୁ ମିଳିଛି ।

ତେବେ ପ୍ରବଳ ବର୍ଷା କିଛି ଅଞ୍ଚଳରେ ଟ୍ରାଫିକ୍ ଜାମ୍ ସୃଷ୍ଟି କରିଥିଲା । ଜଣେ ଯାତ୍ରୀଙ୍କ କହିବା ଅନୁସାରେ, "ମୁଁ ଦିନ 1 ସୁଦ୍ଧା ନୋଏଡାରୁ ଆସି ଅପରାହ୍ନ 2.30 ସୁଦ୍ଧା ମଥୁରା ରୋଡରେ ପହଞ୍ଚିବାର ଥିଲା । ରାସ୍ତା ବନ୍ଦ ସହିତ ବର୍ଷା ଯୋଗୁଁ ମୁଁ ବିଳମ୍ବରେ ମୋର ଗନ୍ତବ୍ୟସ୍ଥଳରେ ପହଞ୍ଚିଲି । ଏହିଭଳି ଅନେକ ଯାତ୍ରୀ ଅସୁବିଧାରେ ସମ୍ମୁଖୀନ ହୋଇଥିବା ଦେଖାଦେଇଛି ।

ଭାରତୀୟ ପାଣିପାଗ ବିଭାଗ ଅନୁଯାୟୀ ଆଜି ସକାଳେ ସର୍ବନିମ୍ନ ତାପମାତ୍ରା 26.6 ଡିଗ୍ରୀ ସେଲସିୟ ରହିଥିଲା । ଆଇଏମଡି କହିଛି ଯେ ରାତି 8ଟା 30 ସୁଦ୍ଧା ଆପେକ୍ଷିକ ଆର୍ଦ୍ରତା 83 ପ୍ରତିଶତ ରେକର୍ଡ କରାଯାଇଥିଲା।

English summary

traffic jam in delhi due to heavy rain.