ତେଲେଙ୍ଗାନାରେ ବର୍ଷାର ବିତ୍ପାତ: ବିପଦରେ ୧୫୦୦ରୁ ଅଧିକ ଲୋକଙ୍କ ଜୀବନ

Updated: Friday, July 28, 2023, 12:20 [IST]

Heavy Rain In Telangana: ତେଲେଙ୍ଗାନାରେ ବର୍ଷାର ବିତ୍ପାତ । ପ୍ରବଳ ବର୍ଷା ଯୋଗୁଁ ବନ୍ୟା ସ୍ଥିତି ସୃଷ୍ଟି କରିଛି । ସେନା ଓ ଏନଡିଆରଏଫ୍ ଟିମ୍ ଦ୍ୱାରା ଉଦ୍ଧାର କାର୍ଯ୍ୟ ଜାରି ରହିଛି । ତେଲେଙ୍ଗାନା ଭୁପାଲପାଲ୍ଲି ଜିଲ୍ଲାର ସ୍ଥିତି ଗମ୍ଭିର । ତେଲେଙ୍ଗାନା ଭୁପାଲପାଲ୍ଲି ଜିଲ୍ଲା ଅଧିନସ୍ଥ ମୋରଞ୍ଚପାଲ୍ଲି ଗାଁର ସ୍ଥିତି ନିୟନ୍ତ୍ରଣ ବାହାରକୁ ପଳାଇଛି । ସମଗ୍ର ଗାଁ ବନ୍ୟା ଜଳରେ ଉବୁଡୁବୁ । ଘର ଛାତ, ଗଛ ଉପରେ ଆଶ୍ରୟ ନେଇଛନ୍ତି ଶହ ଶହ ଲୋକ । ସୋସିଆଲ ମିଡିଆରେ ଭିଡିଓ ସେୟାର କରି ଉଦ୍ଧାର କରିବା ପାଇଁ କଲେ ଅନୁରୋଧ ।

ତେଲେଙ୍ଗାନା ଭୁପାଲପାଲ୍ଲି ଜିଲ୍ଲାର ସ୍ଥିତି ଗମ୍ଭିର । ତେଲେଙ୍ଗାନା ଭୁପାଲପାଲ୍ଲି ଜିଲ୍ଲା ଅଧିନସ୍ଥ ମୋରଞ୍ଚପାଲ୍ଲି ଗାଁରେ ପ୍ରବଳ ବର୍ଷା ଯୋଗୁ ବିଭିନ୍ନ ସ୍ଥାନ ଜଳମଗ୍ନ ହୋଇଛି । କଛି କିଛି ସ୍ଥାନରେ ସ୍ଥିତି ନିୟନ୍ତ୍ରଣ ବାହାରକୁ ଚାଲିଯାଇଛି । ଗାଁ ଲୋକେ ଭିଡିଓ ପୋଷ୍ଟ ଉଦ୍ଧାର କରିବା ପାଇଁ ନିବେଦନ କରିବା ପରେ ପ୍ରଶାସନ ତତ୍ପରତା ପ୍ରକାଶ କରିଛି । ସେନା ଓ ଏନଡିଆରଏଫ୍ ଟିମ୍ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି ।

ସୂଚନା ଅନୁସାରେ, ଏନଡିଆରଏଫ୍ ଦ୍ୱାରା ଅନେତ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିବା ବେଳେ ୨ ଜଣ ବନ୍ୟା ଜଳରେ ଭାସିଯାଇଥିବା ନେଇ ସୂଚନା ରହିଛି । ପ୍ରାୟ ୧୫୦୦ରୁ ଅଧିକ ଲୋକଙ୍କ ଜୀବନ ବପିଦରେ । ସେହିପରି ମୁନ୍ନେରୁ ନଦୀରେ ବନ୍ୟା ଯୋଗୁଁ ୭ ଜଣ ଭାଶି ଯାଉଥିବାବେଳେ ୭ ଜଣଙ୍କୁ ସୁରକ୍ଷିତ ଉଦ୍ଧାର କରିଛି ଏନଡିଆରଏଫ୍ ଟିମ୍ ।

ସେପଟେ ଗୋଦାବରୀ ଜଳସ୍ତର ଦ୍ୱିତୀୟ ବିପଦ ସଙ୍ଗେତ ଟପିବାପରେ ଭଦ୍ରଚଲମରେ ମଧ୍ୟ ସ୍ଥିତି ସୃଷ୍ଟି ହୋଇଛି । ତଳିଆ ଅଞ୍ଚଳରେ ରହୁଥିବା ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି ।