ଚଳିତ ବର୍ଷ ସମସ୍ତ ରେକର୍ଡ ଭାଙ୍ଗିବ ଖରା, ସତର୍କ କରାଇଲେଣି ବିଶେଷଜ୍ଞ
ଧୀରେଧୀରେ ବିଦାୟ ନେଉଛି ଶୀତ ଋତୁ । ଆଉ ଏବେଠୁ ଗ୍ରୀଷ୍ମ ତାହାର ଉପସ୍ଥିତି ଜଣାଇଲାଣି । ଫେବୃଆରୀର ଦ୍ୱିତୀୟ ସପ୍ତାହରେ ଦିଲ୍ଲୀର ତାପମାତ୍ରା ୨୬ ଡିଗ୍ରୀ ସେଲସିଅସ୍ରେ ପହଞ୍ଚିଯାଇଛି ଏବଂ ମାସ ଶେଷ ସୁଦ୍ଧା ଏହା ୩୦ ଡିଗ୍ରୀ ଛୁଇଁପାରେ। ଏଥିରୁ ଅନୁମାନ କରାଯାଉଛି ଯେ ମାର୍ଚ୍ଚ-ଅପ୍ରେଲ୍ ଏବଂ ଜୁନ-ଜୁଲାଇ ମାସରେ ଦେଶର ବହୁ ଅଞ୍ଚଳ ଭୟଙ୍କର ଗରମର ସାମ୍ନା କରିପାରେ।
ପାଣିପାଗ ବିଶେଷଜ୍ଞମାନଙ୍କ ମତରେ, ୨୦୨୪-୨୫ର ରେକର୍ଡଭଙ୍ଗା ଗରମ ପରେ ଏବେ ୨୦୨୬ରେ ମଧ୍ୟ ସାଧାରଣରୁ ଅଧିକ ତାପମାତ୍ରା ରହିବାର ଆଶଙ୍କା ରହିଛି। ଏହି ପ୍ରଭାବ ୨୦୨୮ ପର୍ଯ୍ୟନ୍ତ ଜାରି ରହିପାରେ, ଯାହାର ପ୍ରମୁଖ କାରଣ ପ୍ରଶାନ୍ତ ମହାସାଗରରେ ଏଲ୍ ନିନୋର ସକ୍ରିୟତା ଓ ଜଳବାୟୁ ପରିବର୍ତ୍ତନ।
ଭାରତୀୟ ପାଣିପାଗ ବିଭାଗ (IMD) ଅନୁସାରେ, ଦେଶର ବହୁ ରାଜ୍ୟରେ ଦିନ ଓ ରାତିର ତାପମାତ୍ରା ଦୁହେଁ ବଢ଼ିବା ଆରମ୍ଭ କରିଛି। ଏହି ପରିସ୍ଥିତିରେ ପାଣିପାଗ ବିଜ୍ଞାନୀମାନେ ଅନୁମାନ କରୁଛନ୍ତି ଯେ ୨୦୨୬ ବର୍ଷ ୨୦୨୩,୨୦୨୪ ଓ ୨୦୨୫ ପରି ଅତ୍ୟଧିକ ଗରମ ବର୍ଷ ହୋଇପାରେ। ଏହାର ପଛରେ ଉଚ୍ଚ ସ୍ତରର କାର୍ବନ ଡାଇଅକ୍ସାଇଡ୍ ନିଷ୍କରଣ ଓ ଏଲ୍ ନିନୋର ପୁନଃସକ୍ରିୟତାକୁ ମୁଖ୍ୟ କାରଣ ବୋଲି ଧରାଯାଉଛି।
୨୦୨୭ରେ ଭାଙ୍ଗିପାରେ ଗ୍ଲୋବାଲ୍ ତାପମାତ୍ରା ରେକର୍ଡ
ଆମେରିକା ଓ ଅଷ୍ଟ୍ରେଲିଆର ପାଣିପାଗ ବିଜ୍ଞାନୀମାନଙ୍କ କହିବା ଅନୁସାରେ, ୨୦୨୬ରେ ଆରମ୍ଭ ହେବାକୁ ଯାଉଥିବା ଏଲ୍ ନିନୋ ୨୦୨୭ ପର୍ଯ୍ୟନ୍ତ ଅଧିକ ଶକ୍ତିଶାଳୀ ହୋଇପାରେ। ଏହାର ପରିଣାମ ସ୍ୱରୂପ ୨୨୨୭ରେ ବିଶ୍ୱ ତାପମାତ୍ରା ଐତିହାସିକ ଉଚ୍ଚତାରେ ପହଞ୍ଚିବା ସମ୍ଭାବନା ରହିଛି। ଭାରତରେ ଏହାର ପ୍ରଭାବରେ ଲମ୍ବା ସମୟ ଧରି ଗରମ ରହିବା ସହ ଜଙ୍ଗଲ ଅଗ୍ନିକାଣ୍ଡର ଆଶଙ୍କା ବଢ଼ିପାରେ।
ଭାରତର ପାଣିପାଗ ଉପରେ ଏଲ୍ ନିନୋର ପ୍ରଭାବ
ମାର୍ଚ୍ଚ ଓ ଅପ୍ରେଲ୍ ୨୦୨୬ ମଧ୍ୟରେ ଦକ୍ଷିଣ ଓ ପୂର୍ବୋତ୍ତର ଭାରତରେ ତାପମାତ୍ରା ସାଧାରଣ ରହିପାରେ। ଏହି ସମୟରେ ବିଜୁଳି ଓ ବର୍ଷା ସହ ହେଉଥିବା ବର୍ଷା ଗରମରୁ କିଛି ସମୟ ପାଇଁ ଆଶ୍ଵସ୍ତି ଦେଇପାରେ। କିନ୍ତୁ ମେ ଓ ଜୁନ୍ ମଧ୍ୟରେ ଉତ୍ତର ଓ ପଶ୍ଚିମ ଭାରତରେ ଲୁ ଚାଲିବାର ଆଶଙ୍କା ରହିଛି ଏବଂ ବର୍ଷାର ସମ୍ଭାବନା କମ୍ ରହିବ।
ଦୁର୍ବଳ ଲା ନିନା ଶେଷ ଦିଗକୁ
ବର୍ତ୍ତମାନ ପ୍ରଶାନ୍ତ ମହାସାଗରରେ ଲା ନିନା ପରିସ୍ଥିତି ଦୁର୍ବଳ ପଡ଼ୁଛି। ପାଣିପାଗ ବିଜ୍ଞାନୀମାନଙ୍କ କହିବା ଅନୁସାରେ, ଗ୍ରୀଷ୍ମ ଆରମ୍ଭ ସହିତ ଏଲ୍ ନିନୋ ବିକାଶ ଆରମ୍ଭ କରିବ ଏବଂ ତାହାର ପ୍ରଭାବ ଭାରତୀୟ ଉପମହାଦ୍ୱୀପର ତାପମାତ୍ରା ଓ ମୌସୁମୀ ଉପରେ ପଡ଼ିପାରେ।
ଓଡ଼ିଶାରେ କେମିତି ରହିବ ପାଣିପାଗ?
ଆମେରିକାର କଲମ୍ବିଆ ବିଶ୍ୱବିଦ୍ୟାଳୟର ପାଣିପାଗ ବିଭାଗ ଅନୁଯାୟୀ, ମାର୍ଚ୍ଚ, ଏପ୍ରିଲ ଏବଂ ମେ ମାସରେ ତାପମାତ୍ରା ସ୍ୱାଭାବିକ ଠାରୁ ଅଧିକ ହୋଇପାରେ, କିନ୍ତୁ ଏହା ୨୦୨୪ ଏବଂ ୨୦୨୩ ପରି ତୀବ୍ର ହେବ ନାହିଁ। ଭାରତରେ ଗ୍ରୀଷ୍ମ ଋତୁ ଓଡ଼ିଶା ରାଜ୍ୟରୁ ଆରମ୍ଭ ହୁଏ ଏବଂ ଗତ କିଛି ବର୍ଷ ଧରି ଦେଖାଯାଇଛି ଯେ ଓଡ଼ିଶାରେ ଗ୍ରୀଷ୍ମ ଋତୁ ଫେବୃଆରୀରେ ଆରମ୍ଭ ହୁଏ, କିନ୍ତୁ ଏଥର ତାହା ହେବ ନାହିଁ। କାରଣ ଏଲ୍ ନିନୋର ପ୍ରଭାବ ଜୁନ୍ ଏବଂ ଜୁଲାଇ ପର୍ଯ୍ୟନ୍ତ ରହିବାର ସମ୍ଭାବନା ରହିଛି, ତେଣୁ ମୌସୁମୀ ବର୍ଷା ଅନିୟମିତ ହେବ।
ଉତ୍ତର-ପଶ୍ଚିମ ପବନ ଯୋଗୁଁ ମଝିରେ ମଝିରେ ବର୍ଷା ହେବା ସହିତ ଓଡ଼ିଶାରେ ଏକ ମୃଦୁ ଗ୍ରୀଷ୍ମ ପ୍ରବାହ ଅନୁଭୂତ ହେବ, କିନ୍ତୁ ସ୍ଥାନୀୟ ପାଗ ପରିସ୍ଥିତି ଗରମକୁ ବୃଦ୍ଧି କରିବ। ବର୍ଦ୍ଧିତ ସହରୀକରଣ ଏବଂ ଯାନବାହନ ପ୍ରଦୂଷଣ ଯୋଗୁଁ ଓଡ଼ିଶାର ଗ୍ରୀଷ୍ମ ପ୍ରବାହ ପୂର୍ବ ବର୍ଷ ତୁଳନାରେ ଅସ୍ୱାଭାବିକ ଭାବରେ ଅଧିକ ରହିବ।
Click it and Unblock the Notifications
Sign in with Google