ହାଥରସ ଦଳାଚକଟା ଘଟଣା: ୨୪ ଜଣ ଗିରଫ

Hathras Stampede: ଉତ୍ତରପ୍ରଦେଶର ହାଥରସ ଦଳାଚକଟା ଘଟଣାରେ ପୋଲିସ ୨୪ ଜଣଙ୍କୁ ଗିରଫ କରିଛି ଯେଉଁଥିରେ ୨୦ ଜଣ ସେବାୟତ ଥିବା ନେଇ ସୂଚନା ରହିଛି । ସମସ୍ତଙ୍କୁ ପଚରାଉଚରା କରାଯାଉଛି । ଏହା ସହିତ ଅନ୍ୟ ଅଭିଯୁକ୍ତଙ୍କୁ ଗିରଫ କରିବା ପାଇଁ ଉଦ୍ୟମ ଜାରି ରହିଛି । ଏହି ଘଟଣାର ତଦନ୍ତ ପାଇଁ ୫ଟି ପୋଲିସ ଟିମ୍ ଗଠନ କରାଯାଇଛି। ଏହା ସହିତ ୧୦୦ରୁ ଅଧିକ ଲୋକଙ୍କର CDR ଗୁଡ଼ିକୁ ଯାଞ୍ଚ କରାଯାଉଛି ।

ହାଥରସ ଦୁର୍ଘଟଣାରେ ପୋଲିସ ଇଭେଣ୍ଟର ଆୟୋଜକ ଦେବ ପ୍ରକାଶ ମଧୁରକୁ ମୁଖ୍ୟ ଅଭିଯୁକ୍ତ ବୋଲି ଘୋଷଣା କରିଛି । ନଅଟି ଜିଲ୍ଲାରେ ଅଭିଯୁକ୍ତଙ୍କ ସନ୍ଧାନରେ ପୋଲିସ ଟିମ୍ ବିଭିନ୍ନ ସ୍ଥାନରେ ଚଢାଉ କରୁଛି । ଏହି ସମୟରେ ସିଏମ ଯୋଗୀ ଆଦିତ୍ୟନାଥ ଏହି ଘଟଣାର ନ୍ୟାୟିକ ତଦନ୍ତ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ଅବସରପ୍ରାପ୍ତ ଆହ୍ଲାବାଦ ହାଇକୋର୍ଟର ବିଚାରପତି ବ୍ରିଜେଶ ଶ୍ରୀବାସ୍ତବଙ୍କ ଅଧ୍ୟକ୍ଷତାରେ ଏକ ତିନି ଜଣିଆ ଦଳ ଗଠନ କରାଯାଇଛି।