ହମାସ-ଇସ୍ରାଏଲ ଯୁଦ୍ଧ: ଭୟଙ୍କର ହେଉଛି ଯୁଦ୍ଧ , ୨୪ ଘଣ୍ଟାରେ ଗଲା ୨୦୦ ଜୀବନ
ଆତଙ୍କବାଦୀ ସଂଗଠନ ହମାସ ବିରୋଧରେ ଇସ୍ରାଏଲ ସେନାର କାର୍ଯ୍ୟାନୁଷ୍ଠାନ ତୀବ୍ର ହୋଇଛି । ଗତ 24 ଘଣ୍ଟା ମଧ୍ୟରେ 200 ଲୋକଙ୍କ ମୃତ୍ୟୁ ଖବର ସାମ୍ନାକୁ ଆସିଛି । ଏୟାର ଷ୍ଟ୍ରାଇକ ସହିତ ଗାଜା ଷ୍ଟ୍ରିପର ଖାନ ୟୁନୁସରେ ହମାସ ଟନେଲ ଉପରେ ଆର୍ଟିଲିରି ସେଲ ମଧ୍ୟ ଗୁଳି ଚଳାଇଛି ।
ଚାଲିଥିବା ଏହି ଯୁଦ୍ଧରେ ଏପର୍ଯ୍ୟନ୍ତ 21 ହଜାରରୁ ଅଧିକ ଲୋକଙ୍କର ମୃତ୍ୟୁ ଘଟିଛି । ଇସ୍ରାଏଲ ସେନା (ଆଇଡିଏଫ୍) ହମାସ ଆତଙ୍କବାଦୀ ବେଶକୁ ଧ୍ୱଂସ କରିବା ପାଇଁ ଆକ୍ରମଣକୁ ଜୋରଦାର କରିଛି । ଏକ ରିପୋର୍ଟ ଅନୁଯାୟୀ, ଗତ 24 ଘଣ୍ଟା ମଧ୍ୟରେ ଗାଜା ଷ୍ଟ୍ରିପର ଖାନ ୟୁନିସରେ ହମାସ ଟନେଲ ଉପରେ ହୋଇଥିବା ବିସ୍ଫୋରଣରେ 200 ଜଣଙ୍କର ମୃତ୍ୟୁ ଘଟିଛି । ଦକ୍ଷିଣ ସହରରେ କ୍ରମାଗତ ଭାବରେ ଅଗ୍ରଗତି କରୁଥିବା ଇସ୍ରାଏଲ୍ ଡିଫେନ୍ସ ଫୋର୍ସ (IDF ) ହମାସ ଟନେଲ ଉପରେ ଏୟାର ଷ୍ଟ୍ରାଇକ୍ କରିଥିଲେ । ଏହା ସହିତ ତୋପ ସହ ଗୁଳି ମଧ୍ୟ ଚଳାଇଥିଲା ।
ଗାଜା ଷ୍ଟ୍ରିପ୍ରେ ଇସ୍ରାଏଲ୍ ସେନାର କାର୍ଯ୍ୟକଳାପ ସମ୍ପର୍କରେ ସ୍ଥାନୀୟ ବାସିନ୍ଦା କହିଛନ୍ତି ଯେ ଶୁକ୍ରବାର ରାତିରେ ଗାଜା ଷ୍ଟ୍ରିପରେ ଖାନ ୟୁନିସ୍ ଉପରେ ଇସ୍ରାଏଲ୍ ଟ୍ୟାଙ୍କଗୁଡ଼ିକ ପ୍ରବଳ ଗୁଳି ଚଳାଇଥିଲା । 24 ଘଣ୍ଟା ମଧ୍ୟରେ ଇସ୍ରାଏଲ୍ ଅଭିଯାନରେ ପ୍ରାୟ 200 ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମେଡିକାଲ ଏବଂ ପାଲେଷ୍ଟାଇନ ସାମ୍ବାଦିକଙ୍କ ଅନୁଯାୟୀ, ଆଇଡିଏଫ ବିମାନ ମଧ୍ୟ ଘାଜାର ନ୍ୟୁସିରାଟ କ୍ୟାମ୍ପ ଉପରେ ଅନେକ ଏୟାର ଷ୍ଟ୍ରାଇକ କରିଥିଲା ।
Click it and Unblock the Notifications
Sign in with Google