ଜ୍ଞାନବ୍ୟାପୀ ମାମଲା: କାର୍ବନ ଡେଟିଂ ଯାଞ୍ଚ କୁ ନେଇ 11 ରେ ପରବର୍ତ୍ତୀ ଶୁଣାଣି

ମାମଲାର ପରବର୍ତ୍ତୀ ଶୁଣାଣି ଆସନ୍ତା 11 ତାରିଖରେହେବ ବୋଲି କୋର୍ଟ କହିଛନ୍ତି ।

ଲକ୍ଷ୍ନୌ: ବାରାଣାସୀର ଜ୍ଞାନବ୍ୟାପୀ ମସଜିଦ ବିବାଦ ମାମଲା । ମସଜିଦ ସର୍ଭେ ସମୟରେ ମିଳିଥିବା ଶିବଲିଙ୍ଗର କାର୍ବନ ଡେଟିଂ ଯାଞ୍ଚକୁ ନେଇ ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ଏହାକୁ ସ୍ଥଗିତ ରଖିଥିଲେ । ତେବେ ଏହି ମାମଲାର ପରବର୍ତ୍ତୀ ଶୁଣାଣି ଆସନ୍ତା 11 ତାରିଖରେ ହେବ ବୋଲି କୋର୍ଟ କହିଛନ୍ତି। ଶିବଲିଙ୍ଗର କାର୍ବନ ଡେଟିଂ ତଥା ଆଧୁନିକ ଉପାୟରେ ଯାଞ୍ଚ କରିବା ଲାଗି 4 ମହିଳା ଆବେଦନକାରୀ କୋର୍ଟରେ ଆବେଦନ କରିଥିଲେ ।

କାର୍ବନ ଡେଟିଂ କରିବା ଦ୍ବାରା ଉକ୍ତ ସ୍ଥାନର କୌଣସି କ୍ଷତି ହେବା ନେଇ କୋର୍ଟ ଆବେଦନକାରୀଙ୍କୁ କହିଥିଲେ । ଏହାପରେ ସେମାନେ ଆଧୁନିକ ଉପାୟରେ କାର୍ବନ ଡେଟିଂ ପାଇଁ କହିଥିଲେ । ମୁସଲିମ ପ୍ରତିପକ୍ଷ ଶିବଲିଙ୍ଗର କାର୍ବନ ଡେଟିଂ ପାଇଁ ବିରୋଧ କରିଛନ୍ତି । ଚଳିତ ବର୍ଷ ମେ ମାସରେ ଜ୍ଞାନବ୍ୟାପୀ ମସଜିଦରେ ଏକ ସର୍ଭେ କରାଯାଇଥିଲା । ମସଜିଦରେ ଏକ ଶିବଲିଙ୍ଗ ମିଳିଥିଲା । ହିନ୍ଦୁ ପକ୍ଷ ଏହାକୁ ଶିବଲିଙ୍ଗ କହୁଥିବା ବେଳେ ଏହାକୁ ୱାଟର ଫାଉଣ୍ଟେନ୍‌ ବୋଲି କହିଥିଲା ମୁସଲିମ ପକ୍ଷ । ତେବେ କାର୍ବନ ଡେଟିଂ ହେଲେ ଏହା କେତେ ପ୍ରାଚୀନ ସେ ସମ୍ପର୍କରେ ତଥ୍ୟ ମିଳିପାରିବ । କାର୍ବନ ଡେଟିଂ ପଦ୍ଧତିକୁ ବହୁଳ ଭାବରେ ବ୍ୟବହାର କରାଯାଏ । କେଉଁ ଚଟାଣ କେତେ ପୁରୁଣା ତାହା ସମ୍ପର୍କରେ ଜାଣିବା ଲାଗି କାର୍ବନ ଡେଟିଂ ପଦ୍ଧତିର ବ୍ୟବହାର ହୋଇଥାଏ ।

ମେ 20 ରେ ସୁପ୍ରିମ୍ କୋର୍ଟ ଜ୍ଞାନବ୍ୟାପୀ ମସଜିଦରେ ପୂଜା ସମ୍ବନ୍ଧୀୟ ମାମଲାକୁ ସିଭିଲ୍ ଜଜ୍ ରୁ ବାରଣାସୀର ଜିଲ୍ଲା ବିଚାରପତିଙ୍କ ନିକଟକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଥିଲେ। ଏହା ପୂର୍ବରୁ ବାରାଣାସୀ ଅଦାଲତ ଜ୍ଞାନବ୍ୟାପୀ ମସଜିଦ ପରିସରରେ ପୂଜା ଅଧିକାର ମାଗିଥିବା ହିନ୍ଦୁ ଭକ୍ତଙ୍କ ଦ୍ୱାରା ଦାଖଲ ହୋଇଥିବା ମକଦ୍ଦମା ବଜାୟ ରଖିବାକୁ ଚ୍ୟାଲେଞ୍ଜ କରି ଅଞ୍ଜୁମାନ ଇସଲାମିଆ ମସଜିଦ କମିଟିର ଏକ ଆବେଦନକୁ ଖାରଜ କରିଦେଇଥିଲେ।

English summary

The Varanasi district court judge on Friday adjourned the hearing on a petition filed by a section of the Hindu side seeking carbon dating of the disputed structure that has been cited as a fountain by the Muslim side and as an ancient ‘Shivling’ by the Hindu side. The case will now be heard on October 11.