ମୋଦି ସରନେମ୍ ବିବାଦ ମାମଲା: ରାହୁଲ ଗାନ୍ଧିଙ୍କ ଆବେଦନ ଶୁଣାଣିରୁ ଓହରିଗଲେ ବିଚାରପତି
ଗୁଜୁରାଟ: ଗୁଜୁରାଟ ହାଇକୋର୍ଟର ବିଚାରପତି ଜଷ୍ଟିସ ଗୀତା ଗୋପୀ ରାହୁଲ ଗାନ୍ଧୀଙ୍କ ଆବେଦନ ଶୁଣାଣିରୁ ଓହରି ଯାଇଛନ୍ତି । ରାହୁଲ ଗାନ୍ଧୀ ନିଜ ଦୋଷୀ ସାବ୍ୟସ୍ତ ହେବା ଏବଂ ଦୁଇ ବର୍ଷ ପାଇଁ ଦଣ୍ଡ ସ୍ଥଗିତ ରଖିବାକୁ ହାଇକୋର୍ଟର ଦ୍ୱାରସ୍ଥ ହୋଇଥିଲେ । ଅପରାଧିକ ମାନହାନୀ ମାମଲାରେ ଗୁଜରାଟର ତଳ କୋର୍ଟ ରାହୁଲ ଗାନ୍ଧିଙ୍କୁ ଦଣ୍ଡାଦେଶ ଶୁଣାଇଥିଲେ ।
ଅପରାଧିକ ମାନହାନୀ ମାମଲାରେ ଦୋଷୀ ସାବ୍ୟସ୍ତ ହୋଇ ଲୋକସଭା ସଦସ୍ୟ ପଦ ହରାଇଥିବା କଂଗ୍ରେସ ସାଂସଦ ରାହୁଲ ଗାନ୍ଧିଙ୍କ ବିରୋଧରେ ଗୁଜୁରାଟକ ତଳ କୋର୍ଟ ଦେଇଥିବା ରାୟକୁ ସେ ହାଇକୋର୍ଟରେ ଚ୍ୟାଲେଞ୍ଜ କରିଥିଲେ । ଯାହା ପରେ ଜଷ୍ଟିସ ଗୋପୀଙ୍କ ଖଣ୍ତପଠରେ ଶୁଣାଣି ପାଇଁ ଏହାକୁ ଧାର୍ଯ୍ୟ କରାଯାଇଥିଲା ।
ହେଲେ ଜଷ୍ଟିସ୍ ଗୋପୀ ଏହାର ଶୁଣାଣି କରିବା ପାଇଁ ଚାହୁଁ ନାହାଁନ୍ତି ବୋଲି କହିଛନ୍ତି । ହେଲେ ନିଜ ନିଷ୍ପତ୍ତି ପଛର କାରଣ ସମ୍ପର୍କରେ ସେ କିଛି କହି ନାହାନ୍ତି । ଜଷ୍ଟିସ ଗୋପୀଙ୍କ ଏହି ନିଷ୍ପତ୍ତି ପରେ ବର୍ତ୍ତମାନ ଏହି ମାମଲା ହାଇକୋର୍ଟର ଅନ୍ୟ ଜଣେ ବିଚାରପତିଙ୍କୁ ହସ୍ତାନ୍ତର କରାଯିବ ।
ସୂଚନାଥାଉ ଯେ, ଗତକାଲି ମୋଦି ସରନେମ୍ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ରାହୁଲ ଦଣ୍ଡାଦେଶକୁ ସ୍ଥଗିତ ରଖିବା ଦାବି ନେଇ ଗୁଜୁରାଟ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଏହା ପୂର୍ବରୁ ନିମ୍ନ ଅଦାଲତର ରାୟକୁ ଚ୍ୟାଲେଞ୍ଜ କରି ରାହୁଲ ସେସନ୍ କୋର୍ଟ ଯାଇଥିଲେ । କିନ୍ତୁ ସେଠାରେ ତାଙ୍କୁ ଆଶ୍ୱସ୍ତି ମିଳି ନଥିଲା ।
Gujarat High Court judge Justice Gita Gopi has recused from hearing the appeal filed by Congress leader Rahul Gandhi, who has sought to suspend the conviction and two years jail term imposed on him for his "all thieves have Modi surname" remark.
Gandhi's appeal will now be… pic.twitter.com/ttJlYPWgHb
— Bar & Bench (@barandbench) April 26, 2023
ବର୍ତ୍ତମାନ ନିମ୍ନ ଅଦାଲତର ନିଷ୍ପତ୍ତି ବିରୋଧରେ ରାହୁଲ ଗୁଜୁରାଟ ହାଇକୋର୍ଟରେ ପହଞ୍ଚିଛନ୍ତି । ଅଧିବେଶନ କୋର୍ଟରେ ରାହୁଲଙ୍କ ଆବେଦନକୁ ଅପ୍ରେଲ ୨୦ ରେ ଖାରଜ କରାଯାଇଥିଲା
ସୂଚନାଥାଉ ଯେ, ମାର୍ଚ୍ଚ ୨୩ରେ, ରାହୁଲ ଗାନ୍ଧୀଙ୍କୁ ମୋଦି ସରନେମ୍ ମାନହାନି ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା । 2019 ଲୋକସଭା ନିର୍ବାଚନ ପୂର୍ବରୁ ଦେଇଥିବା ମନ୍ତବ୍ୟ ଯୋଗୁଁ ତାଙ୍କୁ ଦୁଇ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା । ଏହାପରେ ରାହୁଲ ଗାନ୍ଧୀ ସଂସଦର ସଦସ୍ୟତା ପଦ ହରାଇଥିଲେ ।
Click it and Unblock the Notifications
Sign in with Google