ଗୁଜରାଟ ପୋଲ୍: ଆଜି ରାଜ୍ୟର ତିନି ସ୍ଥାନରେ ରାଲି କରିବେ ପିଏମ ମୋଦି

ଆଜି ରାଜ୍ୟର ତିନି ସ୍ଥାନରେ ରାଲି କରିବେ ପିଏମ ମୋଦି । ଆସନ୍ତା ମାସରେ ହେବ ଗୁଜରାଟ ବିଧାନସଭା ନିର୍ବାଚନ।

Published: Monday, November 21, 2022, 10:50 [IST]

ଅହମଦାବାଦ: ଆସନ୍ତା ମାସରେ ହେବାକୁ ଥିବା ଗୁଜରାଟ ବିଧାନସଭା ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ନିର୍ବାଚନ ମଣ୍ଡଳୀରେ ଭାରତୀୟ ଜନତା ପାର୍ଟି (ବିଜେପି) ବିଜୟ ସଂକଳ୍ପ ସମ୍ମିଳନୀର ତିନୋଟି ରାଲିକୁ ସମ୍ବୋଧିତ କରିବେ।

ସୋମବାର ପ୍ରଧାନମନ୍ତ୍ରୀ ମୋଦୀଙ୍କ ପ୍ରଥମ ରାଲି ସୁରେନ୍ଦ୍ରନଗରରେ ପୂର୍ବାହ୍ନ ୧୧ଟାରେ ହେବ, ପରବର୍ତ୍ତୀ ରାଲି ଅପରାହ୍ନ ୧ଟାରେ ଜବୁସରରେ ଏବଂ ତା'ପରେ ଅପରାହ୍ନ ପ୍ରାୟ ୩ଟା ସମୟରେ ନବସାରୀରେ ହେବ। ଆସନ୍ତା ମାସରେ ହେବାକୁ ଥିବା ଗୁଜରାଟ ବିଧାନସଭା ନିର୍ବାଚନ ପୂର୍ବରୁ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ସୋମବାର ରାଜ୍ୟର ଦ୍ୱାରକା, ସୋମନାଥ, ଜୁନାଗଡ ଏବଂ କଚ୍ଛ ଜିଲ୍ଲାରେ ଚାରିଟି ସାଧାରଣ ସଭା କରିବେ।

ସକାଳ ପ୍ରାୟ 11 ଟାରେ, ଶାହା ଦ୍ୱାରକା ଜିଲ୍ଲାର ଖମ୍ଭାଲିଆ ବିଧାନସଭା ନିର୍ବାଚନମଣ୍ଡଳୀରେ ପ୍ରଥମ ବୈଠକକୁ ସମ୍ବୋଧିତ କରିବେ । ତା'ପରେ ଅପରାହ୍ନ ୧ଟାରେ କୋଡିନାରର ସୋମନାଥରେ ସେ ଆଉ ଏକ ରାଲିକୁ ସମ୍ବୋଧିତ କରିବେ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଯିଏ କି ଗୁଜୁରାଟ ନିର୍ବାଚନ ପାଇଁ ବିଜେପିର ଷ୍ଟାର ପ୍ରଚାରକ ମଧ୍ୟ , ସେ ମଧ୍ୟ ମହମଦାଭଡ ବିଧାନସଭା ନିର୍ବାଚନମଣ୍ଡଳୀରେ ଏକ ସାଧାରଣ ସଭାକୁ ସମ୍ବୋଧିତ କରିବେ।

ଶନିବାର ସନ୍ଧ୍ୟାରେ ନିଜ ରାଜ୍ୟରେ ପହଞ୍ଚିଥିବା ପ୍ରଧାନମନ୍ତ୍ରୀ ମୋଦୀ ଭାଲସାଦରେ ଏକ ରୋଡ୍ ସୋ' କରିଥିଲେ ଏବଂ ଲୋକଙ୍କୁ ମଧ୍ୟ ସମ୍ବୋଧିତ କରିଥିଲେ।ଚାରୋଟି ନିର୍ଦ୍ଧାରିତ ଜନସଭା କରିଥିବା ପ୍ରଧାନମନ୍ତ୍ରୀ ରବିବାର ଦିନ ସୋମନାଥରୁ ନିଜର ଅଭିଯାନ ଆରମ୍ଭ କରିଥିଲେ । ପରେ ସେ ଧୋରାଜି, ଅମରେଲି ଏବଂ ବୋଟାଡରେ ମଧ୍ୟ ନିର୍ବାଚନ ରାଲି କରିଥିଲେ। ଧୋରାଜିରେ ସମାବେଶରେ ପ୍ରଧାନମନ୍ତ୍ରୀ ରାହୁଲ ଗାନ୍ଧୀଙ୍କ ଉପରେ ସ୍ପଷ୍ଟ ଆକ୍ଷେପ କରିଥିଲେ ।

ଡିସେମ୍ବର ୧ ଏବଂ ୫ ରେ ଦୁଇଟି ପର୍ଯ୍ୟାୟରେ ୧୮୨ ସଦସ୍ୟ ବିଶିଷ୍ଟ ରାଜ୍ୟ ବିଧାନସଭା ପାଇଁ ନିର୍ବାଚନ ଅନୁଷ୍ଠିତ ହେବ। ଡିସେମ୍ବର ୮ ରେ ଭୋଟ୍ ଗଣନା କରାଯିବ। ଗୁଜରାଟ ନିର୍ବାଚନ ପାଇଁ ଦଳ ତାରକା ପ୍ରଚାରକତାଲିକା ଘୋଷଣା କରିସାରିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2001 ରୁ 2014 ପର୍ଯ୍ୟନ୍ତ ଗୁଜୁରାଟର ଦୀର୍ଘତମ କାର୍ଯ୍ୟକରୁଥିବା ମୁଖ୍ୟମନ୍ତ୍ରୀ ରହିଆସିଛନ୍ତି । ଦୀର୍ଘ ଦିନ ଧରି ରାଜ୍ୟ ବିଜେପିର ଦୁର୍ଗ ହୋଇ ରହିଛି ଏବଂ ଦଳ ଏଥର ମଧ୍ୟ ଏକ ସୁନ୍ଦର ସଂଖ୍ୟାଗରିଷ୍ଠତା ସହିତ କ୍ଷମତାକୁ ଫେରିବା ଉପରେ ଦୃଷ୍ଟି ରଖିଛି।

Published On November 21, 2022