ପୋଷା କୁକୁର ଆକ୍ରମଣ ନେଇ ବଢୁଛି ଚିନ୍ତା, ହିଂସ୍ର ହେଉଛି ପିଟ୍ ବୁଲ

ସାରା ଦେଶରେ ପୋଷା କୁକୁର ଆକ୍ରମଣ ଘଟଣା ବଢିବାରେ ଲାଗିଛି । ବିଶେଷ କରି ରାଜଧାନୀ ଦିଲ୍ଲୀରେ ଏହି ମାମଲା ଲୋକଙ୍କ ଚିନ୍ତା ବଢାଇଛି।

ନୂଆଦିଲ୍ଲୀ: ବର୍ତ୍ତମାନ ସାରା ଦେଶରେ ପୋଷା କୁକୁର ଆକ୍ରମଣ ଘଟଣା ବଢିବାରେ ଲାଗିଛି । ବିଶେଷ କରି ରାଜଧାନୀ ଦିଲ୍ଲୀରେ ଏହି ମାମଲା ଲୋକଙ୍କ ଚିନ୍ତା ବଢାଇଛି। ତେବେ ଅଧିକ ସମୟ ଘର ଭିତରେ ବିତାଉଥିବା କାରଣରୁ ଏଭଳି ହିଂସ୍ର ପାଲଟୁଛନ୍ତି କି ପୋଷା କୁକୁର ? ନା ପିଟ୍ ବୁଲ ପ୍ରଜାତିର ସମସ୍ତ କୁକୁର ଏହିଭଳି ହିଂସ୍ର । ଯଦି ଏହି ପ୍ରଜାତିର କୁକୁର ଏତେ ମାରାତ୍ମକ ତେବେ ଏହାକୁ ଘରେ ପୋଷା କରି ଲୋକେ କାହିଁକି ରଖୁଛନ୍ତି , ଯାହା ଦ୍ବାରା ଅନ୍ୟମାନେ ଆକ୍ରମଣର ଶିକାର ପାଲଟୁଛନ୍ତି । ଏହାକୁ ନେଇ ଖୁବ ଚର୍ଚ୍ଚା ହେଉଥିବା ବେଳେ , ଏହା ଲୋକଙ୍କ ପାଇଁ ବଡ ଚିନ୍ତା ପାଲଟିବାରେ ଲାଗିଲାଣି ।

ନିକଟରେ ଗାଜିଆବାଦରେ ଏକ ପିଟବୁଲ କୁକୁର 10 ବର୍ଷର ପିଲାକୁ ଆକ୍ରମଣ କରିଛି । ଫଳରେ ପିଲାଟିର ମୁହଁରେ ଏକା ସାଙ୍ଗରେ 150 ଷ୍ଟିଚ ପଡିଥିବା ସୂଚନା ମିଳିଛି । ସୂଚନା ଅନୁସାରେ, ଗାଜିଆବାଦ ସଞ୍ଜୟନଗରରେ ପିଲାଟି ଖେଳୁଥିବା ବେଳେ କୁକୁରଟି ଆକ୍ରମଣ କରି ଲହୁଲୁହାଣ କରି ଦେଇଛି । ଘଟଣା ପରେ ପରିବାର ଲୋକେ ଏ ଘଟଣା ନେଇ ଥାନାରେ ଅଭିଯୋଗ କରିଛନ୍ତି । ପିଟବୁଲ କୁକୁରର ମାଲିକ ସଞ୍ଜୟ ନଗରର ଲଳିତ ତ୍ୟାଗୀ ବୋଲି ଜଣାଯାଇଛି । ତେବେ ଆକ୍ରମଣର ଶିକାର ହୋଇଥିବା ପିଲାଟି ଏବେ ବି ଡାକ୍ତରଖାନାରେ ଥିବା ବେଳେ ସ୍ୱାସ୍ଥ୍ୟବସ୍ଥାକୁ ନେଇ କୌଣସି ଖବର ମିଳିପାରି ନାହିଁ ।

ଏହାପରେ ଗାଜିଆବାଦର ରାଜନଗର ଏକ ଆପାର୍ଟମେଣ୍ଟ ଲିଫ୍ଟରେ ମଧ୍ୟ ଦେଖିବାକୁ ମିଳିଥିଲା ସମାନ ଘଟଣା । ଛୋଟ ପିଲାଟିଏ ନିଜର ପାଠ ପଢା ସାରି ଲିଫ୍ଟରେ ଫେରୁଥିବା ବେଳେ ମାଲିକାଣୀଙ୍କ ସାଥିରେ ଥିବା ପିଟବୁଲ ଡଗ୍ ପିଲାଟିକୁ ହଠାତ ଆକ୍ରମଣ କରିଥିଲା । ଯନ୍ତ୍ରଣାରେ ପାଟି କରୁଥିବା ବେଳେ କୁକୁରର ମାଲିକାଣୀ ନିଜର ପୋଷା କୁକୁର ନେଇ ସେଠାରୁ ଲୁଚି ପଳାଉଥିଲେ । ହେଲେ ପିଲାଟି ଘଟଣା ବାବଦରେ ଘରେ କହିବା ପରେ ପିଲାର ପିତା ମହିଳାଙ୍କୁ ପଚାରିବା ସହିତ ତାଙ୍କ ନାମରେ ଅଭିଯୋଗ କରିଥିଲେ ।

a pet dog bites a kid in the lift while the pet owner keeps watching even while the pet owner the kid is in pain! where is the moral code here just cos no one is looking?
.
.
p.s: @ghaziabadpolice
Location: Charms Castle, Rajnagar Extension, Ghaziabad
Dtd: 5-Sep-22 | 6:01 PM IST pic.twitter.com/Qyk6jj6u1e

— Akassh Ashok Gupta (@peepoye_) September 6, 2022

ନୋଏଡା ସେକ୍ଟର 75 ରେ ମଧ୍ୟ ଲିଫ୍ଟରେ ଥିବା ଜଣେ ଯୁବକଙ୍କୁ ଆକ୍ରମଣ କରିଛି ଅନ୍ୟ ଜଣଙ୍କ ପୋଷା କୁକୁର । କୁକୁରକୁ ଜଣେ ଯୁବକଙ୍କ ସହିତ ଦେଖିବାକୁ ମିଳିଛି । ହଠାତ ପାଖରେ ଥିବା ଅନ୍ୟ ଜଣେ ଯୁବକଙ୍କୁ ଆକ୍ରମଣ କରିଥିଲା କୁକୁର। ଫଳରେ ଯୁବକ ଜଣକ ତଳେ ପଡିଯାଇଥିଲେ । କିନ୍ତୁ କେହି ତାଙ୍କୁ ସାହାଯ୍ୟ ମଧ୍ୟ କରିନଥିଲେ ।

ତେବେ ଆଜି ମଧ୍ୟ ଏକ ଭିଡିଓ ସୋଶାଲ ମିଡିଆରେ ଭାଇରାଲ ହେଉଥିବା ଦେଖାଯାଉଛି। ଭିଡିଓରେ ଜଣେ ଜୋମାଟୋ ଡେଲିଭେରୀ ବୟ ଲିଫ୍ଟରୁ ବାହାରିବା ବେଳେ ବାହାରେ ଥିବା ଜର୍ମନ ସେଫର୍ଡ କୁକୁରଟି ତାଙ୍କ ପ୍ରାଇଭେଟ ପାର୍ଟକୁ ଆକ୍ରମଣ କରିଥିଲା । ଫଳରେ ଯନ୍ତ୍ରଣା ସହ୍ୟ ନକରିବା ସହିତ ଲହୁ ଲୁହାଣ ହୋଇ ଡେଲିଭେରୀ ବୟ ନିଜକୁ ରକ୍ଷା କରିବା ପାଇଁ ଜାଗା ଛାଡି ପଳାଇଥିଲେ । ଘଟଣାଟି ମୁମ୍ବାଇ ପାନଭେଲର ଏକ ଆପାର୍ଟମେଣ୍ଟର ବୋଲି ଜଣାପଡିଛି । ବର୍ତ୍ତମାନ ଆକ୍ରମଣର ଶିକାର ହୋଇଥିବା ଯୁବକ ଜଣକ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି।

ଏହା ପୂର୍ବରୁ ଉତ୍ତରପ୍ରଦେଶର ଜଣେ ବୃଦ୍ଧା ନିଜର ପୋଷା କୁକୁର ପିଟ୍ ବୁଲର ଆକ୍ରମଣରେ ପ୍ରାଣ ହରାଇଥିଲେ । ଘରେ ବୃଦ୍ଧା ଜଣକ ଏକାକୀ ଥିବା ବେଳେ ତାଙ୍କୁ ଆକ୍ରମଣ କରିଥିଲା କୁକୁରଟି । ଫଳରେ ବୃଦ୍ଧାଙ୍କର ଶରୀର ବିଭିନ୍ନ ସ୍ଥାନରେ ଗଭୀର କ୍ଷତ ହେବା ସହିତ ରକ୍ତସ୍ରାବ ଯୋଗୁଁ ମୃତ୍ୟୁ ହୋଇଥିଲା ।

English summary

Incidents of pet dog attacks are on the rise across the country. The case has raised the concerns of the people, especially in the capital Delhi.