ସାର ଉପଲବ୍ଧତାକୁ ଅଧିକ ସହଜ ଏବଂ ସଶକ୍ତ କରିବା ପାଇଁ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି ;ଶିବରାଜ ସିଂ ଚୌହାନ

ନୂଆଦିଲ୍ଲୀରେ ପୁଷା କୃଷି ବିଜ୍ଞାନ ମେଳାକୁ ଆଜି କୃଷି ଓ କୃଷକ କଲ୍ୟାଣ ମନ୍ତ୍ରୀ ଶିବରାଜ ସିଂ ଚୌହାନ ଉଦ୍‍ଘାଟନ କରିଛନ୍ତି । ସମାରୋହକୁ ସମ୍ବୋଧନ କରି ଶ୍ରୀଚୌହାନ କହିଛନ୍ତି, ସାର ଉପଲବ୍ଧତାକୁ ଅଧିକ ସହଜ ଏବଂ ସଶକ୍ତ କରିବା ପାଇଁ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଛନ୍ତି । ନକଲି କୀଟନାଶକ ବିକ୍ରିକୁ ପ୍ରତିହତ କରିବା ଏବଂ କୃଷକଙ୍କୁ ଋଣ ସୁବିଧା ପ୍ରଦାନକୁ ଅଧିକ ସହଜ କରିବା ଲକ୍ଷ୍ୟ ନେଇ
ସରକାର ପ୍ରୟାସ ଜାରି ରଖିଛନ୍ତି ବୋଲି ସେ କହିଛନ୍ତି ।

ଖୁବ୍‍ ଶୀଘ୍ର ଏଥିପାଇଁ କୃଷକ ପରିଚୟପତ୍ର ପ୍ରଚଳନ କରାଯିବ । ପ୍ରଧାନମନ୍ତ୍ରୀ ଫସଲବୀମା ଯୋଜନା ଅଧୀନରେ ଚାଷୀଙ୍କୁ ପ୍ରାୟ ୧ ଲକ୍ଷ ୯୨ ହଜାର କୋଟି ଟଙ୍କା ପ୍ରଦାନ କରାଯାଇଛି ବୋଲି ସେ କହିଛନ୍ତି । କେନ୍ଦ୍ର ଓ ରାଜ୍ୟ ସମନ୍ୱୟ ମାଧ୍ୟମରେ ଏଭଳି କୃଷିମେଳା ଆୟୋଜନ ଉପରେ ଶ୍ରୀ ଚୌହାନ ଗୁରୁତ୍ୱ ପ୍ରଦାନ କରିଛନ୍ତି । ଏହି ମେଳା ଆସନ୍ତା ଶୁକ୍ରବାର ପର୍ଯ୍ୟନ୍ତ ଜାରି ରହିବ ।