ଏପ୍ରିଲ ମାସ ପାଇଁ କରୋନା ଗାଇଡଲାଇନ ଜାରି କଲେ କେନ୍ଦ୍ର ସରକାର, ଜାଣନ୍ତୁ କ'ଣ ରହିବ ବନ୍ଦ ଏବଂ କ'ଣ ରହିବ ଖୋଲା ?

କରୋନା ମହାମାରୀକୁ ରୋକିବା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଆଜି ନୂଆ ନିର୍ଦ୍ଦେଶାବଳୀ ଜାରି କରିଛି। ଏହା ଅଧୀନରେ, କଣ୍ଟେନମେଣ୍ଟ ଜୋନ୍ ଏବଂ SOPs ବାହାରେ ଥିବା ସମସ୍ତ କାର୍ଯ୍ୟକଳାପକୁ ଅନୁମୋଦନ ଦିଆଯାଇଛି ।

ନୂଆଦିଲ୍ଲୀ: କରୋନା ମହାମାରୀକୁ ରୋକିବା ପାଇଁ କେନ୍ଦ୍ର ଗୃହ ମନ୍ତ୍ରଣାଳୟ ଆଜି ନୂଆ ନିର୍ଦ୍ଦେଶାବଳୀ ଜାରି କରିଛି। ଏହା ଅଧୀନରେ, କଣ୍ଟେନମେଣ୍ଟ ଜୋନ୍ ଏବଂ SOPs ବାହାରେ ଥିବା ସମସ୍ତ କାର୍ଯ୍ୟକଳାପକୁ ଅନୁମୋଦନ ଦିଆଯାଇଛି । ଅର୍ଥାତ୍ ଏୟାର ଟ୍ରାଭେଲ୍, ଯାତ୍ରୀବାହୀ ଟ୍ରେନ୍, ମେଟ୍ରୋ ଟ୍ରେନ୍ ଚଳାଚଳକୁ ଅନୁମୋଦନ ଦିଆଯାଇଛି । ସେହିପରି ସମସ୍ତ ସ୍କୁଲ-କଲେଜ, ହୋଟେଲ-ରେଷ୍ଟୁରାଣ୍ଟ, ସପିଂ ମଲ୍, ମଲ୍ଟିପ୍ଲେକ୍ସ, ଯୋଗ କେନ୍ଦ୍ର ଏବଂ ସଭା ଇତ୍ୟାଦି ଖୋଲା ରହିବ ।

ଏହି ନିର୍ଦ୍ଦେଶାବଳୀ ଏପ୍ରିଲ 1ରୁ ଏପ୍ରିଲ 30 ପର୍ଯ୍ୟନ୍ତ କାର୍ଯ୍ୟକାରୀ ହେବ । ଗୃହ ମନ୍ତ୍ରଣାଳୟ ଦ୍ୱାରାଜାରି କରାଯାଇଥିବା ନିର୍ଦ୍ଦେଶ ଅନୁଯାୟୀ SOP ସମୟ ସମୟରେ ଅପଡେଟ୍ ହେବ ଏବଂ ରାଜ୍ୟ ସରକାରଙ୍କ ଦ୍ବାରା କଡାକଡି ଭାବରେ କାର୍ଯ୍ୟକାରୀ ହେବ। ଟେଷ୍ଟିଂ, ଟ୍ରାକିଂ, ଟ୍ରିଟ୍ ପ୍ରୋଟୋକଲ୍କୁ କଡାକଡି ଲାଗୁ କରିବାକୁ ଗୃହ ମନ୍ତ୍ରଣାଳୟ ସମସ୍ତ ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳକୁ ନିର୍ଦ୍ଦେଶ ଦେଇଛି। ରାଜ୍ୟ ତଥା ରାଜ୍ୟ ମଧ୍ୟରେ ଗତିବିଧି ପାଇଁ କୌଣସି ବିଶେଷ ଅନୁମତି ଅନୁମୋଦନ ଗ୍ରହଣ କରିବାକୁ ପଡିବ ନାହିଁ ।

ସେହିଭଳି କଣ୍ଟେନମେଣ୍ଟ ଜୋନକୁ ସଠିକ ଭାବେ ଚିହ୍ନଟ କରିବାକୁ ସ୍ଥାନୀୟ ପ୍ରଶାସନକୁ ନିର୍ଦ୍ଦେଶ ଦିଆଯାଇଥିବା ବେଳେ ସ୍ଥାନୀୟ ଅଞ୍ଚଳରେ ଜିଲ୍ଲା ପ୍ରଶାସନ କଟକଣା ଲଗାଇ ପାରିବେ ବୋଲି କୁହାଯାଇଛି ।ରାଜ୍ୟ ବାହାରକୁ ଯିବା ଆସିବା ଉପରେ କୌଣସି କଟକଣା ରହିବ ନାହିଁ । ତେବେ ଆରଟିପିସିଆର ଟେଷ୍ଟ ବଢାଇବାକୁ ନିର୍ଦ୍ଦେଶ ଦିଆଯାଇଛି । ଆରଟିପିସିଆର ଟେଷ୍ଟକୁ ୭୦ ପ୍ରତିଶତ ବଢାଇବାକୁ ନିର୍ଦ୍ଦେଶ । ନୂଆ ସଂକ୍ରମିତଙ୍କୁ ଚିହ୍ନଟ ସହ ଟ୍ରାକ କରି ସଙ୍ଗରୋଧରେ ରଖିବାକୁ କୁହାଯାଇଥିବା ବେଳେ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ମଧ୍ୟ ସଙ୍ଗରୋଧରେ ରଖିବାକୁ ନିର୍ଦ୍ଦେଶ ଦିଆଯାଇଛି ।

English summary

Government has issued Corona Guidelines for April