ସରକାରୀ କର୍ମଚାରୀଙ୍କୁ ଦିୱାଲୀ ଭେଟି ଦେଲେ କେନ୍ଦ୍ର ସରକାର, ଏତିକି ପ୍ରତିଶତ ବଢ଼ିଲା ଡିଏ

କୋଟି କୋଟି କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଏକ ଖୁସି ଖବର । ଦିୱାଲୀ ପୂର୍ବରୁ କେନ୍ଦ୍ରୀୟ କର୍ମଚାରୀଙ୍କ ପାଇଁ ଡିଏ ବୃଦ୍ଧି କରିବାକୁ ମୋଦୀ ସରକାର ଘୋଷଣା କରିଛନ୍ତି। ମୋଦୀ କ୍ୟାବିନେଟ୍ ଆଜି ବୁଧବାର ଦିନ ହୋଇଥିବା ବୈଠକରେ ମହଙ୍ଗା ଭତ୍ତା (ଡିଏ) ଏବଂ ମହଙ୍ଗା ରିଲିଫ୍ (ଡିଆର୍‌) ରେ ୩ ପ୍ରତିଶତ ବୃଦ୍ଧିକୁ ଆନୁଷ୍ଠାନିକ ଭାବେ ଅନୁମୋଦନ କରିଛି। ଏହି ୩ ପ୍ରତିଶତ ବୃଦ୍ଧି ପରେ, କର୍ମଚାରୀଙ୍କ ଦ୍ୱାରା ପ୍ରାପ୍ତ ଡିଏ ବର୍ତ୍ତମାନ ୫୩ ପ୍ରତିଶତକୁ ବୃଦ୍ଧି ପାଇଛି । ଏହି ବୃଦ୍ଧି ୧ କୋଟିରୁ ଅଧିକ କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କୁ ଉପକୃତ ହେବେ ।

ଏଥର ସରକାରୀ କର୍ମଚାରୀ ଏବଂ ପେନଶନଭୋଗୀମାନେ ସେମାନଙ୍କର ଅକ୍ଟୋବର ବେତନରେ ଏକ ବୃହତ ବୃଦ୍ଧି ପାଇବେ କାରଣ ୨୦୨୪ ଜୁଲାଇ ୧ରୁ ପିଛିଲା ଭାବେ ଲାଗୁ ହେବ। ସୂଚନାଯୋଗ୍ୟ, କେନ୍ଦ୍ର ସରକାର ପ୍ରତିବର୍ଷ ଜାନୁଆରୀ ଏବଂ ଜୁଲାଇରେ କର୍ମଚାରୀଙ୍କ ମହଙ୍ଗା ଭତ୍ତା (ଡିଏ) ବୃଦ୍ଧି କରନ୍ତି। ଏହି ବର୍ଷ ଅର୍ଥାତ୍ ୨୦୨୪ ଜାନୁଆରୀରେ ଡିଏ ୪% ବୃଦ୍ଧି ପାଇଥିଲାବେଳେ ଜୁଲାଇ ପାଇଁ ଡିଏ ବୃଦ୍ଧି କରିବାର ନିଷ୍ପତ୍ତି ଆଜି ଅନୁଷ୍ଠିତ ବୈଠକରେ ନିଆଯାଇଛି। ଯାହାକି ୩% ବୃଦ୍ଧି ହୋଇଛି ।

ଆମେ ଆପଣଙ୍କୁ କହିବୁ ଯେ କେନ୍ଦ୍ର ସରକାରୀ କର୍ମଚାରୀଙ୍କୁ ମହଙ୍ଗା ଭତ୍ତା ପ୍ରଦାନ କରୁଥିବାବେଳେ ପେନ୍‌ସନ୍‌ଭୋଗୀଙ୍କୁ ଡ଼ିଆର ଦିଆଯାଉଛି। ସାଧାରଣତ ,, ଜାନୁଆରୀ ଏବଂ ଜୁଲାଇରେ ବର୍ଷକୁ ଦୁଇଥର ଡିଏ ଏବଂ ଡିଆର ବୃଦ୍ଧି କରାଯାଏ । ବର୍ତ୍ତମାନ ଏକ କୋଟିରୁ ଅଧିକ କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କୁ ୫୦ ପ୍ରତିଶତ ମହଙ୍ଗା ଭତ୍ତା ମିଳୁଛି। ମାର୍ଚ୍ଚ ମାସରେ ସରକାର ଡିଏ କୁ ୪% ବୃଦ୍ଧି କରିବାକୁ ଘୋଷଣା କରିଥିଲେ। ୨୦୦୬ ରେ, କେନ୍ଦ୍ର କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ଡ଼ିଏ ଏବଂ ଡିଆର୍ ଗଣନା କରିବାର ସୂତ୍ରକୁ କେନ୍ଦ୍ର ସରକାର ସଂଶୋଧନ କରିଥିଲେ । ସେପ୍େଟମ୍ବର ୩୦ ରେ, କେନ୍ଦ୍ର ସରକାରୀ କର୍ମଚାରୀ ଏବଂ ଶ୍ରମିକ କନଫେଡେରେସନ୍ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି ଡିଏ / ଡିଆର ବୃଦ୍ଧି ଘୋଷଣା ବିଳମ୍ବରେ ଚିନ୍ତା ପ୍ରକଟ କରିଥିଲେ।