Google Mapsରେ ବଦଳିଲା ଦେଶର ନାମ, ଇଣ୍ତିଆ ବଦଳରେ ଲେଖାଗଲା ଭାରତ !

Published: Monday, October 30, 2023, 10:00 [IST]

Bharat On Google Maps: ନିକଟରେ ଦେଶର ନାମ ଇଣ୍ତିଆରୁ 'ଭାରତ'ରେ ପରିବର୍ତ୍ତନ କରିବାକୁ ସରକାର ସଙ୍କେତ ଦେଇଛନ୍ତି । ଏହାକୁ ନେଇ ରାଜନୀତି ମଧ୍ୟ ଜୋର ଧରିଥିଲା । ତେବେ ବର୍ତ୍ତମାନ ଆନୁଷ୍ଠାନିକ ଭାବେ ଦେଶର ସରକାରୀ ଇଂରାଜୀ ନାମ ଇଣ୍ତିଆରୁ ଭାରତକୁ ପରିବର୍ତ୍ତନ କରାଯାଇ ନାହିଁ।

କିନ୍ତୁ ଗୁଗୁଲ୍ ମ୍ୟାପ୍ ନିଶ୍ଚିତ ଭାବରେ ନୂତନ ନାମ ଗ୍ରହଣ କରିସାରିଛି । ବାସ୍ତବରେ, ଏହାର କାରଣ ହେଉଛି ଯଦି ଆପଣ ଗୁଗୁଲ୍ ମ୍ୟାପ୍ ର ସର୍ଚ୍ଚ ବକ୍ସରେ ଭାରତ ଟାଇପ୍ କରନ୍ତି, ତେବେ ଆପଣଙ୍କୁ 'ଦକ୍ଷିଣ ଏସିଆର ଏକ ଦେଶ' ଲେଖାଯାଇଥିବାର ଦେଖିବା ପାଇଁ ମିଳିବ ଏବା ସହ ତ୍ରିରଙ୍ଗା ପତାକା ମଧ୍ୟ ଦେଖିବାକୁ ମିଳିବ ।

ତେବେ ଆପଣଙ୍କର ଗୁଗୁଲ୍ ମାନଚିତ୍ରର ଭାଷା ହିନ୍ଦୀ କିମ୍ବା ଇଂରାଜୀ ତାହାର କୌଣସି ଫରକ ପଡିବ ନାହିଁ । ଯଦି ଆପଣ ଭାରତକୁ ହିନ୍ଦୀ କିମ୍ବା ଇଂରାଜୀରେ ଲେଖନ୍ତି, ତେବେ ଗୁଗୁଲ ଆପଣଙ୍କୁ ଇଣ୍ତିଆକୁ ହିଁ ଦେଖାଇବ । ଗୁଗୁଲ୍ ମ୍ୟାପ୍ ଉଭୟ ଇଣ୍ତିଆ ଏବଂ ଭାରତକୁ 'ଦକ୍ଷିଣ ଏସିଆର ଏକ ଦେଶ' ଭାବରେ ସ୍ୱୀକୃତି ଦେଇଛି। ତେଣୁ, ଯଦି ଉପଭୋକ୍ତାମାନେ ଗୁଗୁଲ୍ ମାନଚିତ୍ରରେ ଭାରତର ଅଫିସିଆଲ୍ ମାନଚିତ୍ର ଦେଖିବାକୁ ଚାହାଁନ୍ତି, ତେବେ ସେମାନେ ଇଂରାଜୀ ମାନଚିତ୍ର କିମ୍ବା ହିନ୍ଦୀରେ ଗୁଗୁଲ୍ ମ୍ୟାପରେ ଇଣ୍ତିଆ କିମ୍ବା ଭାରତ ଲେଖି ଏହା କରିପାରିବେ।

ଯଦି ଆପଣ ଗୁଗୁଲ୍ ମ୍ୟାପ୍ସର ହିନ୍ଦୀ ସଂସ୍କରଣରେ ଭାରତ ଟାଇପ୍ କରନ୍ତି, ତେବେ ଆପଣ ଭାରତର ମାନଚିତ୍ର ସହିତ ବୋଲ୍ଡରେ ଲେଖାଯାଇଥିବା 'ଭାରତ' ଦେଖିପାରିବେ । ସେହିପରି ଯଦି ଆପଣ ଗୁଗୁଲ୍ ମ୍ୟାପରେ ଇଂରାଜୀରେ ଇଣ୍ତିଆ ଲେଖିବେ, ତେବେ ମଧ୍ୟ ଆପଣ ଦେଶର ମାନଚିତ୍ର ସହିତ ଭାରତକୁ ଲେଖାଯାଇଥିହାର ଦେଖିପାରିବେ । ଏହାର ଅର୍ଥ ଗୁଗୁଲ୍ ମ୍ୟାପ୍ ମଧ୍ୟ ଇଣ୍ତିଆକୁ ଭାରତ ଭାବରେ ଗ୍ରହଣ କରୁଛି । ସରକାର ନାମ ବଦଳାଇବା ପ୍ରକ୍ରିୟାରେ ବ୍ୟସ୍ତ ଥିବାବେଳେ ଗୁଗୁଲ ଏହାର ହୋମୱାର୍କ କରିବା ଆରମ୍ଭ କରି ଦେଇଛି।

ଏଠାରେ ଧ୍ୟାନ ଦେବା କଥା ହେଉଛି କେବଳ ଗୁଗୁଲ ମ୍ୟାପ୍ସରେ ନୁହେଁ, ଟେକ୍ କମ୍ପାନୀର ଅନ୍ୟ ପ୍ଲାଟଫର୍ମରେ ମଧ୍ୟ ଯଦି ଇଣ୍ତିଆ ଏବଂ ଭାରତ ଲେଖାଯାଉଛି, ତେବେ ଫଳାଫଳ ଠିକ୍ ସମାନ ଆସୁଛି । ଯଦି ଉପଭୋକ୍ତାମାନେ ଗୁଗୁଲ୍ ସର୍ଚ୍ଚ, ଗୁଗୁଲ୍ ଟ୍ରାନ୍ସଲେଟର, ଗୁଗୁଲ୍ ନ୍ୟୁଜ୍ ଭଳି ଆପ୍ କୁ ଯାଆନ୍ତି ଏବଂ ଇଣ୍ତିଆ କିମ୍ବା ଭାରତ ଲେଖନ୍ତି, ତେବେ ସେମାନେ ସମାନ ରେଜଲ୍ଟ ପାଇବେ ।

ତେବେ ଏପର୍ଯ୍ୟନ୍ତ ଗୁଗୁଲରୁ ଏନେଇ କୌଣସି ଅଫିସିଆଲ୍ ଷ୍ଟେଟମେଣ୍ଟ ଆସିନାହିଁ। କିନ୍ତୁ ଖୁବ୍ ଶୀଘ୍ର ତାଙ୍କ ପକ୍ଷରୁ ଏକ ବିବୃତ୍ତି ଜାରି କରାଯାଇପାରେ ବୋଲି ଆଶଙ୍କା କରାଯାଉଛି

Published On October 30, 2023