ପ୍ଲେ ଷ୍ଟୋରରୁ ଏହି ୨ ଆପ୍ ହଟାଇଲା ଗୁଗୁଲ୍ , ଜାଣନ୍ତୁ କେଉଁ ଆପକୁ ହଟାଇଛି ଗୁଗୁଲ

ନୂଆଦିଲ୍ଲୀ:ଦେଶରେ ଦିନକୁ ଦିନ ବଢ଼ି ଚାଲିଛି ସାଇବର ଠକେଇ । ଆଉ ଏହି ଠକେଇକୁ ରୋକିବା ପାଇଁ କେନ୍ଦ୍ର ସରକାର ହୁଅନ୍ତୁ ଅବା ରାଜ୍ୟ ସରାକାର ବହୁତ ବଡ଼ ବଡ଼ ପଦକ୍ଷେପ ନେଉଛନ୍ତି । କିନ୍ତୁ ସାଇବର ଠକେଇରେ ଲାଗୁନି ବ୍ରେକ୍ । ଆଉ ବର୍ତ୍ତମାନ ସାଇବର ଠକେଇକୁ ରୋକିବା ପାଇଁ କେନ୍ଦ୍ର ସରକାରଙ୍କ ଦୂରସଂଚାର ବିଭାଗ (ଡଟ୍‌) ପକ୍ଷରୁ ନିର୍ଦ୍ଦେଶ ଦିଆଯିବା ପରେ ଗୁଗୁଲ୍ ଏବଂ ଆପଲ୍ ସେମାନଙ୍କ ଷ୍ଟୋରରୁ ଦୁଇଟି ଆପ୍ ହଟାଇଛନ୍ତି । ଏହି ଆପ୍ ଦୁଇଟି ଭାରତରେ ଇସିମ୍ ସେବା ଯୋଗାଇ ଦେଉଥିଲା ।

ଏଥିସହିତ ସରକାର ଇଣ୍ଟରନେଟ୍ ସେବା ପ୍ରଦାନକାରୀ ଏବଂ ଟେଲିକମ୍ କମ୍ପାନି ଗୁଡ଼ିକୁ ମଧ୍ୟ ଭାରତରେ ଉକ୍ତ ଦୁଇଟି ଆପ୍‌ର ୱେବସାଇଟ୍‌କୁ ବ୍ଲକ୍ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ନିଷିଦ୍ଧ ହୋଇଥିବା ଏହି ଆପ୍ ଦୁଇଟି ହେଲା ଏରାଲୋ ଏବଂ ହୋଲାଫ୍ଲାଏ । ଏହି ୨ଟିି ଆପ୍ ଇସିମ୍ ପ୍ରଦାନ କରିଥାନ୍ତି । ଯାହା ମାଧ୍ୟମରେ ଟେଲିକମ୍ କମ୍ପାନି ଗୁଡ଼ିକ ବିଶ୍ୱର ବିଭିନ୍ନ ଅଞ୍ଚଳରେ ଟେଲିକମ୍ ସେବା ଯୋଗାଇ ଥାନ୍ତି । ଆପଲ୍ ଏବଂ ଗୁଗୁଲ ଏହି ଆପକୁ ହଟାଇବା ନେଇ ବିଦ୍ଧବଦ୍ଧ ଭାବେ କୌଣସି ଘୋଷଣା କରାଯାଇ ନାହିଁ । କିନ୍ତୁ ଡଟ୍ ଠାରୁ ସେମାନେ ଗତ ୪ ତାରିଖରେ ଆପ୍ ହଟାଇବା ପାଇଁ ନିର୍ଦ୍ଦେଶ ପାଇଥିଲେ ।

ସରକାରୀ ଅଧିକାରୀମାନେ ଜାଣି ବାକୁ ପାଇଥିଲେ ଯେ ସାଇବର ଅପରାଧୀମାନେ ଭାରତୀୟଙ୍କୁ ଏହା ଜରିଆରେ ଲୁଟୁଥିଲେ । ଅଣସ୍ୱୀକୃତ ଇସିମ୍ ଜରିଆରେ ଅନ୍ତର୍ଜାତୀୟ ଫୋନ ନମ୍ବରରୁ କଲ୍ କରି ଅପରାଧୀମାନେ କାରନାମା ଚଳାଉଥିଲେ । ତେବେ ଇସିମ୍ ପାଇଁ ଡଟର ଏନଓସି ଆବଶ୍ୟକ ହୋଇଥାଏ । ଇସିମ୍ ସେବା ପ୍ରଦାନକାରୀମାନେ ବିନା ସିମ୍‌ରେ ଭଏସ୍ କଲିଂ ଇଣ୍ଟରନେଟ ସେବା ପ୍ରଦାନ କରିିଥାନ୍ତି ।

ତେବେ ଭାରତରେ ଏବେ ନୋମାଡ ଇସିମ୍ ଏବଂ ଆଲୋସିମ୍ ଭଳି ଇସିମ୍ ସେବାପ୍ରଦାନକାରୀ ସେମାନଙ୍କ ସେବା ଯୋଗାଇ ଦେଉଛନ୍ତି । ଆଉ ଆପ୍ ଷ୍ଟୋର ଗୁଡ଼ିକରେ ଏଗୁଡ଼ିକ ଉପଲବ୍ଧ ହେଉଛି

English summary

ଆଉ ବର୍ତ୍ତମାନ ସାଇବର ଠକେଇକୁ ରୋକିବା ପାଇଁ କେନ୍ଦ୍ର ସରକାରଙ୍କ ଦୂରସଂଚାର ବିଭାଗ (ଡଟ୍‌) ପକ୍ଷରୁ ନିର୍ଦ୍ଦେଶ ଦିଆଯିବା ପରେ ଗୁଗୁଲ୍ ଏବଂ ଆପଲ୍ ସେମାନଙ୍କ ଷ୍ଟୋରରୁ ଦୁଇଟି ଆପ୍ ହଟାଇଛନ୍ତି