ଗ୍ରହକଙ୍କ ପାଇଁ ଖୁସି ଖବର: ପାର୍ବଣ ଋତୁରେ ଶସ୍ତା ହେବ ଡାଲି, ସରକାର ନେଲେ ଏହି ନିଷ୍ପତ୍ତି
Pulses Price: ଡାଲି କଳାବଜାରୀ ଉପରେ ଲଗାମ ଲଗାଇବାକୁ ସରକାରଙ୍କ ବଡ଼ ନିଷ୍ପତ୍ତି । ଷ୍ଟକ୍ ଲିମିଟ୍ ଅବଧି ବୃଦ୍ଧି କଲେ ସରକାର। ଡାଲିର ବଢ଼ୁଥିବା ଦାମର ନିୟନ୍ତ୍ରଣ କରିବା ଦିଗରେ କେନ୍ଦ୍ର ସରକାର ହରଡ଼ ଏବଂ ବିରି ଡାଲିର ଷ୍ଟକ୍ ଲିମିଟ୍ ଅବଧିକୁ ଅକ୍ଟୋବର ୩୦ରୁ ବଢ଼ାଇ ଡିସେମ୍ବର ୩୧ ପର୍ଯ୍ୟନ୍ତ କରିଛନ୍ତି । ସରକାର ଷ୍ଟକ ହୋଲ୍ଡିଂ ୟୁନିଟ୍କୁ ମଧ୍ୟ ଷ୍ଟକ୍ ସୀମାକୁ କମ୍ କରିବା ପାଇଁ ଘୋଷଣା କରିଛନ୍ତି।
ଖାଦ୍ୟ ଏବଂ ଉପଭୋକ୍ତା ବ୍ୟାପାର ମନ୍ତ୍ରଣାଳୟ ଦ୍ବାରା ଜାରି ବିଜ୍ଞପ୍ତି ଅନୁଯାୟୀ, ଡିପୋରେ ହୋଲସେଲର ଏବଂ ବୃହତ ଚେନ୍ ଖୁଚୁରା ବ୍ୟବସାୟୀଙ୍କ ପାଇଁ ଷ୍ଟକ୍ ସୀମା ୨୦୦ ଟନ୍ ରୁ ୫୦ ଟନକୁ ହ୍ରାସ କରାଯାଇଛି ।
ମିଲ୍ ମାଲିକମାନଙ୍କ ପାଇଁ ଷ୍ଟକ୍ ସୀମା ମଧ୍ୟ ଗତ ତିନି ମାସର ଉତ୍ପାଦନ କିମ୍ବା ବାର୍ଷିକ କ୍ଷମତାର ୨୫ ପ୍ରତିଶତରୁ ହ୍ରାସ କରାଯାଇଛି, ଯାହା ଅଧିକ, ଗତ ଏକ ମାସର ଉତ୍ପାଦନ କିମ୍ବା ବାର୍ଷିକ କ୍ଷମତାର ୧୦ ପ୍ରତିଶତକୁ, ଯାହା ଅଧିକ ।
ଏହା ପୂର୍ବରୁ ୨୦୨୩ ଜାନୁଆରୀ ୨ରେ ପ୍ରଥମେ ହରଡ଼ ଡାଲି ଏବଂ ବିରି ଡାଲିର ଜମାଖୋରୀ, ଦାମ୍ ଉରେ ଗୁଜବ ରୋକିବା ପାଇଁ ଏବଂ ଉପଭୋକ୍ତାଙ୍କ ପାଇଁ ଉଚିତ୍ ମୂଲ୍ୟରେ ଡାଲି ଉପଲବ୍ଧ କରାଇବା ପାଇଁ ଷ୍ଟକ୍ ଲିମିଟ୍ ଲଗାଇବାକୁ ନିଷ୍ପତ୍ତି ନିଆଯାଇତିଲା। ଖାଉଟି ବିଭାଗ ପୋର୍ଟାଲ ମାଧ୍ୟରେ ଷ୍ଟକ୍ ଉପରେ ତୀକ୍ଷ୍ମ ନଜର ରଖିଛନ୍ତି ।
ହୋଲସେଲରଙ୍କ ପାଇଁ ପ୍ରଯୁଜ୍ୟ ଷ୍ଟକ୍ ସୀମା ପୃଥକ ଭାବରେ ୫୦ ଟନ୍ ହେବ । ଖୁଚୁରା ବ୍ୟବସାୟୀମାନଙ୍କ ପାଇଁ ପାଞ୍ଚ ଟନ୍। ପ୍ରତ୍ୟେକ ଖୁଚୁରା ଆଉଟଲେଟରେ ପାଞ୍ଚ ଟନ୍ ଏବଂ ବଡ଼ ଶୃଙ୍ଖଳା ଖୁଚୁରା ବ୍ୟବସାୟୀମାନଙ୍କ ପାଇଁ ଡିପୋରେ ୫୦ ଟନ୍ । ମିଲ୍ ମାଲିକମାନଙ୍କ ପାଇଁ ଉତ୍ପାଦନର ଶେଷ ଏକ ମାସ କିମ୍ବା ବାର୍ଷିକ ସ୍ଥାପିତ କ୍ଷମତାର ୧୦ ପ୍ରତିଶତ, ଯାହା ଅଧିକ। ଅବଶ୍ୟ, ଆମଦାନୀକାରୀଙ୍କୁ କଷ୍ଟମ୍ସ କ୍ଲିୟରାନ୍ସ ତାରିଖ ଠାରୁ ୩୦ ଦିନରୁ ଅଧିକ ଆମଦାନୀ ହୋଇଥିବା ଷ୍ଟକ୍ ରଖିବାକୁ ଅନୁମତି ନାହିଁ।
Click it and Unblock the Notifications
Sign in with Google