ପର୍ଯ୍ୟଟକଙ୍କ ପାଇଁ ଖୁସି ଖବର; ମାଆ ହେଲା ଆଶା, କୁନୋରେ ୩୫ରେ ପହଁଚିଲା ଚିତା ସଂଖ୍ୟା

Published: Sunday, February 8, 2026, 8:05 [IST]

ପର୍ଯ୍ୟଟକଙ୍କ ପାଇଁ ଖୁସି ଖବର । ଏବେ ଦେଖିବାକୁ ମିଳିବ ଅଧିକରୁ ଅଧିକ ଚିତା । ଭାରତର ଉଦ୍ୟମକୁ ମଧ୍ୟ ସଫଳତା । କାରଣମଧ୍ୟପ୍ରଦେଶର କୁନୋ ନ୍ୟାସନାଲ୍ ପାର୍କରୁ ଏକ ଖୁସି ଖବର ସାମ୍ନାକୁ ଆସିଛି । ନାମ୍ବିଆରୁ ଆସିଥିବା ଚିତା ଆଶା ଦ୍ୱିତୀୟ ଥର ଲାଗି ମା' ହୋଇଛି ।

ସେ ୫ଟି ଶାବକ ଜନ୍ମ ଦେଇଛି । ଆଶା ଏବଂ ତାର ସମସ୍ତ ଶାବକ ସୁସ୍ଥ ଅଛନ୍ତି । ଡାକ୍ତରଙ୍କ ଏକ ଟିମ୍ ସେମାନଙ୍କ ସ୍ୱାସ୍ଥ୍ୟାବସ୍ଥାର ନିରୀକ୍ଷଣ କରୁଛନ୍ତି । କେନ୍ଦ୍ର ପରିବେଶ ମନ୍ତ୍ରୀ ଭୂପେନ୍ଦ୍ର ଯାଦବ ସୋସିଆଲ୍ ମିଡିଆରେ ଏ ସଂପର୍କରେ ସୂଚନା ଦେଇଛନ୍ତି । ସେ ଲେଖିଛନ୍ତି ଯେ, ଦେଶର ଚିତା ସଂରକ୍ଷଣ ଯାତ୍ରା ଲାଗି ଏହା ଏକ ମହତ୍ତ୍ୱପୂର୍ଣ୍ଣ ସଫଳତା । ନାମ୍ବିଆରୁ ଆସିଥିବା ଚିତା ଆଶା ଆଜି କୁନୋ ନ୍ୟାସନାଲ୍ ପାର୍କରେ ୫ଟି ଶାବକ ଜନ୍ମ ଦେଇଛି । ଏଥି ସହ ଭାରତରେ ଜନ୍ମିତ ଚିତା ଶାବକଙ୍କ ସଂଖ୍ୟା ୨୪ରେ ପହଞ୍ଚିଛି ।

ସେହିପରି କୁନୋରେ ମୋଟ ଚିତା ସଂଖ୍ୟା ୩୫ ହୋଇଛି । ମୁଖ୍ୟମନ୍ତ୍ରୀ ମୋହନ ଯାଦବ ମଧ୍ୟ ସୋସିଆଲ୍ ମିଡିଆରେ ଏ ସଂପର୍କରେ ପୋଷ୍ଟ କରି ଖୁସି ପ୍ରକାଶ କରିଛନ୍ତି । ଆଶା ଓ ତାର ଶାବକମାନଙ୍କର ଏକ ଭିଡିଓ ସେ ପୋଷ୍ଟ କରିଥିବାବେଳେ ତାହା ଭାଇରାଲ୍ ହେଉଛି ।

Published On February 8, 2026