ବିଦେଶରୁ ଭାରତ ପାଇଁ ଆସିଲା ଖୁସି ଖବର, ଦେଶର ଅଭିବୃଦ୍ଧି ହାର ଆକଳନକୁ ବୃଦ୍ଧି କଲା ଏଡିବି

ଦିଲ୍ଲୀ:ଡିସେମ୍ବର ୨୦୨୩ ଏସିଆନ୍ ଡେଭଲପମେଣ୍ଟ ଆଉଟଲୁକ୍ ଅନୁଯାୟୀ, ଆର୍ଥିକ ବର୍ଷ ୨୦୨୩-୨୪ ର ଦ୍ୱିତୀୟ ତ୍ରୟ ମାସିକରେ ଜିଡିପି ଅଭିବୃଦ୍ଧି ଆଶା କରାଯାଉଥିବା ଠାରୁ ୭.୬ ପ୍ରତିଶତ ଅଧିକ ହୋଇଛି, ପ୍ରଥମାର୍ଦ୍ଧରେ (ଏପ୍ରିଲ୍‌-ସେପ୍େଟମ୍ବର) ୭.୭ ପ୍ରତିଶତ ଅଭିବୃଦ୍ଧି ଘଟିଛି ।

ଏଡିବି ତାହା ରିପୋର୍ଟରେ କହିଛି , ଅର୍ଥନୈତିକ ତଥ୍ୟ ସୂଚାଇ ଦେଉଛି ଯେ ଉତ୍ପାଦନ, ଖଣି, ନିର୍ମାଣ ଏବଂ ୟୁଟିଲିଟି ସମେତ ଶିଳ୍ପ କ୍ଷେତ୍ରରେ ଦୁଇ ଅଙ୍କ ବିଶିଷ୍ଟ ଅଭିବୃଦ୍ଧି ଘଟିଛି । ବୁଧବାର ପ୍ରକାଶିତ ଏହି ଦୃଷ୍ଟିକୋଣ ଅନୁଯାୟୀ, "ମୋଟାମୋଟି ଭାବେ, ୨୦୨୦-୨୪ ଆର୍ôଥକ ବର୍ଷ ଅପେକ୍ଷା କୃଷି କ୍ଷେତ୍ରରେ ସାମାନ୍ୟ ଧୀର ଗତିରେ ବୃଦ୍ଧି ପାଇବ ବୋଲି ଆଶା କରାଯାଉଛି ।

ଗତ ସପ୍ତାହରେ, ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ୨୦୨୩-୨୪ ଆର୍ôଥକ ବର୍ଷ ପାଇଁ ଅଭିବୃଦ୍ଧି ପୂର୍ବାନୁମାନକୁ ୬.୫ ପ୍ରତିଶତରୁ ସାତ ପ୍ରତିଶତକୁ ବୃଦ୍ଧି କରିଥିଲା । ସେପ୍େଟମ୍ବରରେ ଏସୀୟାନ ଡେଲପମେଣ୍ଟ ଆଉଟଲୁକ୍ ୨୦୨୩-୨୪ ଆର୍ôଥକ ବର୍ଷ ପାଇଁ ଜିଡିପି ଅଭିବୃଦ୍ଧି ୬.୩ ପ୍ରତିଶତ ହେବ ବୋଲି ପୂର୍ବାନୁମାନ କରିଥିଲା । ଆସନ୍ତା ଆର୍ôଥକ ବର୍ଷ ୨୦୨୪-୨୫ ପାିଁ ବିଭିନ୍ନ ଏଜେନ୍ସି ଦେଶର ଅଭିବୃଦ୍ଧି ପୂର୍ବାନୁମାନକୁ ୬.୭ ପ୍ରତିଶତରେ ଅପରିବର୍ତ୍ତିତ ରଖିଛି ।

ନଭେମ୍ବରରେ ହୋଲସେଲ ଏବଂ ଖୁଚୁରା ମୁଦ୍ରାସ୍ଫୀତି ସଂଖ୍ୟାରେ ବୃଦ୍ଧି ଘଟିଛି । ସିପିଆଇ ଭିତ୍ତିକ ଖୁଚୁରା ମୁଦ୍ରାସ୍ଫୀତି ହାର ଏଥର ୫.୫ ପ୍ରତିଶତ ଥିଲା । ଏଥି ସହିତ ଗୁରୁବାର ପ୍ରକାଶିତ ତଥ୍ୟ ଅନୁଯାୟୀ ହୋଲସେଲ ମୁଦ୍ରାସ୍ଫୀତି ହାର ୭ ମାସ ପରେ ୦ ରୁ ୦.୨୬ ପ୍ରତିଶତକୁ ବୃଦ୍ଧି ପାଇଛି । ଏହା ପଛରେ ଗୋଟିଏ କାରଣ ହେଉଛି ଖାଦ୍ୟ ସାମଗ୍ରୀର ଅଧିକ ମୂଲ୍ୟ ବୃଦ୍ଧି । ମୁଦ୍ରା ନୀତି ଘୋଷଣା କରିବାବେଳେ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ଆଶଙ୍କା କରିଥିଲେ ଯେ ନଭେମ୍ବର-ଡିସେମ୍ବରରେ ମୁଦ୍ରାସ୍ଫୀତି ସାମାନ୍ୟ ବୃଦ୍ଧି ପାଇପାରେ ।

English summary

Good news came to India from abroadଦ୍ୱିତୀୟ ତ୍ରୟମାସିକ ପାଇଁ ଆଶା କରାଯାଉଥିବା ତଥ୍ୟ ଅପେକ୍ଷା ଏସିଆନ ଡେଭଲପମେଣ୍ଟ ବ୍ୟାଙ୍କ (ଏଡିବି) ଚଳିତ ଆର୍ôଥକ ବର୍ଷ ପାଇଁ ଭାରତର ଅଭିବୃଦ୍ଧି ପୂର୍ବାନୁମାନକୁ ୬.୩ ପ୍ରତିଶତରୁ ୬.୭ ପ୍ରତିଶତକୁ ବୃଦ୍ଧି କରିଛି ।