ୟାହିୟା ସିନୱାରଙ୍କ ମୃତ୍ୟୁକୁ ନେଇ ଆମେରିକା କହିଲା, ବିଶ୍ୱ ପାଇଁ ଭଲ ଦିନ...

Joe Biden: ଇସ୍ରାଏଲ୍ ସେନା ଗୁରୁବାର ଦିନ ହମାସର ନୂତନ ମୁଖ୍ୟ ୟାହିୟା ସିନୱାରଙ୍କୁ ହତ୍ୟା କରାଯାଇଛି । ଇସ୍ରାଏଲ ସେନା ପକ୍ଷରୁ ଏନେଇ ସୂଚନା ଜାରି କରାଯାଇଛି । ୟାହିୟାଙ୍କ ମୃତ୍ୟୁ ପରେ ଆମେରିକା ମଧ୍ୟ ଏକ ବିବୃତ୍ତି ଜାରି କରିଛି। ଆମେରିକାର ରାଷ୍ଟ୍ରପତି ଜୋ ବାଇଡେନ ହ୍ୱାଇଟ୍ ହାଉସ ଏକ ବିବୃତ୍ତି ଜାରି କରିଛି । ଯେଉଁଥିରେ କୁହାଯାଇଛି ଯେ, ଆଜି ସକାଳେ ଇସ୍ରାଏଲ ପ୍ରଶାସନ ମୋର ଜାତୀୟ ସୁରକ୍ଷା ଦଳକୁ ଏହି ମିଶନ ବିଷୟରେ ସୂଚନା ଦେଇଛି ଯେ ସେମାନେ ଗାଜାରେ ଏହି ଅପରେସନ କରିଛନ୍ତି ଏବଂ ହାମାସ ନେତା ୟାହିୟା ସିନୱାରଙ୍କୁ କାବୁ କରିଥିଲେ ଏବଂ ତାଙ୍କୁ ଗୁଳି କରି ହତ୍ୟା କରାଯାଇଛି ।

ଇସ୍ରାଏଲ ଗୁରୁବାର ହମାସର ସବୁଠାରୁ ଭୟଭୀତ ନେତା ୟାହିୟା ସିନୱାରଙ୍କ ହତ୍ୟାକୁ ନିଶ୍ଚିତ କରିଛି। ଏହି ପ୍ରସଙ୍ଗରେ, ଇସ୍ରାଏଲ୍ ପ୍ରତିରକ୍ଷା ବାହିନୀ (ଆଇଡିଏଫ୍) ସୂଚନା ଦେଇଛି ଯେ ସେମାନେ ଅକ୍ଟୋବର 16 ରେ ଟ୍ୟାଙ୍କ ସାହାଯ୍ୟରେ ଏକ କୋଠା ଉପରେ ଆକ୍ରମଣ କରାଯାଇଥିଲା ଯେଉଁଥିରେ ତିନି ଜଣଙ୍କର ମୃତ୍ୟୁ ଘଟିଛି । ସେମାନଙ୍କ ମଧ୍ୟରୁ ଜଣେ ଥିଲେ ହମାସ ମୁଖ୍ୟ । ପରିଚୟ ପାଇବା ପାଇଁ ସେମାନେ DNA ର ସାହାଯ୍ୟ ନେଇଥିଲେ।

U.S. President Joe Biden called Prime Minister Benjamin Netanyahu this evening from Air Force One and congratulated him on the elimination of Yahya Sinwar.

— Prime Minister of Israel (@IsraeliPM) October 17, 2024

ହମାସ ନେତାଙ୍କ ମୃତ୍ୟୁ ପରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଇସ୍ରାଏଲ ପ୍ରଧାନମନ୍ତ୍ରୀଙ୍କୁ ସହ କଥା ହୋଇଥିଲେ। ଏଥିପାଇଁ ସେ ଇସ୍ରାଏଲ ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି । ଏହା ବିଷୟରେ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଯେ ଆମେରିକା ରାଷ୍ଟ୍ରପତି ଜୋ ବାଇଡେନ ଜର୍ମାନୀ ଅଭିମୁଖେ ଯାତ୍ରା କରୁଥିବା ସମୟରେ ଇସ୍ରାଏଲ୍ ପ୍ରଧାନମନ୍ତ୍ରୀଙ୍କ ସହ କଥା ହୋଇଥିଲେ ।