ଏହି ରାଜ୍ୟରେ ବ୍ୟାନ୍ ହେଲା କୋବି ମଞ୍ଚୁରିଆନ୍ !
Gobi Manchurian Ban In Goa: କୋବି ମଞ୍ଚୁରିଆନକୁ ନେଇ ସୋସିଆଲ ମିଡିଆରେ ଚହଳ ସୃଷ୍ଟି ହୋଇଛି । କାରଣ ହେଉଛି କୋବିର ଏହି ଆଇଟମ୍ ଉପରେ ଭାରତର ଏକ ରାଜ୍ୟରେ ଲାଗିଛି ବ୍ୟାନ୍ । ତେବେ ଏହା ଅନେକ ଲୋକଙ୍କ ମନ ପସନ୍ଦ ଖାଦ୍ୟ ମଧ୍ୟରୁ ଗୋଟିଏ । ହେଲେ ବର୍ତ୍ତମାନ ଆଉ ମିଳିବ ନାହିଁ ଏହି ଭାରତୀୟ ଡିସ୍ ।
ଏଣିକି ଗୋଆରେ ଆପଣଙ୍କୁ ଆଉ କୋବି ମଞ୍ଚୁରିଆନ ଖାଇବା ପାଇଁ ମିଳିବ ନାହିଁ । ରେଷ୍ଟୁରାଣ୍ଟ, ଫାଷ୍ଟଫୁଡ୍ ଷ୍ଟଲ୍, ଉଠା ଦୋକାନୀ ସବୁଠି ଏହି ଡିସକୁ ବ୍ୟାନ୍ କରାଯାଇଛି । କାରଣ ଗୋଆ ସହରରେ କୋବି ମଞ୍ଚୁରିଆନ୍ ଉପରେ ଲାଗିଛି ପ୍ରତିବନ୍ଧକ । ଏହି ଖବର ପ୍ରକାଶ ପାଇବା ପରେ ସାଧାରଣ ଲୋକଙ୍କ ମଧ୍ୟ ଅସନ୍ତୋଷ ଦେଖାଦେଇଛି । ତେବେ ଟାଇମ୍ସ ଅଫ୍ ଇଣ୍ଡିଆର ରିପୋର୍ଟ ଅନୁଯାୟୀ ଗୋଆର ଏକ ସହର ମାପୁସାରେ ସିନ୍ଥେଟିକ୍ ରଙ୍ଗ ଏବଂ ସ୍ୱଚ୍ଛତା କାରଣରୁ ଏହି ଖାଦ୍ୟକୁ ବାରଣ କରାଯାଇଥିବା ନେଇ ସୂଚନା ରହିଛି ।
ମାପୁସା ମ୍ୟୁନିସିପାଲିଟି ପରିଷଦ ପ୍ରଥମ ନାଗରିକ ସଂସ୍ଥା ନୁହେଁ ଯାହା କୋବି ମଞ୍ଚୁରିଆନକୁ ନିଷିଦ୍ଧ କରିଛି | 2022 ମସିହାରେ ଶ୍ରୀ ଦାମୋଦର ମନ୍ଦିରରେ ଭାସ୍କୋ ସପ୍ତାହ ମେଳାରେ ଖାଦ୍ୟ ଏବଂ ଡ୍ରଗ୍ ଆଡମିନିଷ୍ଟ୍ରେସନ (ଏଫଡିଏ) ଗୋର୍ମୁ ମଞ୍ଚୁରିଆନ ବିକ୍ରୟ କରୁଥିବା ଷ୍ଟଲ ଉପରେ ପ୍ରତିବନ୍ଧକ ଲଗାଇବାକୁ ମର୍ମୁଗାଓ ମ୍ୟୁନିସିପାଲିଟି ପରିଷଦକୁ ନିର୍ଦ୍ଦେଶ ଦେଇଥିଲା।
ରିପୋର୍ଟ ଅନୁସାରେ, ଗତ ମାସରେ ଗୋଆର ମାପୁସା ମହାନଗର ପରିଷଦର ଅଧ୍ୟକ୍ଷ ତାରକା ଆରୋଲକର୍ ବୋଦଗେଶ୍ୱର ମନ୍ଦିରରେ ଆୟୋଜିକ ହୋଇଥିବା ଏକ ଭୋଜିରେ କୋବି ମଞ୍ଚିରିଆନ୍ ଉପରେ ବ୍ୟାନ୍ ଲଗାଇବା ପାଇଁ ପରାମର୍ଶ ଦେଇଥିଲେ ଏବଂ ଯାହାକୁ ମହାନଗର ପରିଷଦର ଅନ୍ୟ ସଦସ୍ୟମାନ ମଧ୍ୟ ଏହି ନିଷ୍ପତ୍ତିକୁ ସମର୍ଥନ ଜଣାଇଥିଲେ । ଯାହା ପରେ ସମସ୍ତ ରେଷ୍ଟୁରାଣ୍ଟ, ଫୁଡ୍ ଷ୍ଟଲ୍ ଓ ଭୋଜିରେ ଏଣିକି ଆଉ କୋବି ମଞ୍ଜୁରିଆନ୍ ମିଳିବ ନାହିଁ ।
ସୂଚନାଥାଉ ଯେ, କୋବି ମଞ୍ଚୁରିଆନକୁ ବ୍ୟାନ୍ କରିବାର ମୁଖ୍ୟ କାରଣ ହେଉଛି ସ୍ୱଚ୍ଛତା ଏବଂ ଏଥିରେ ବ୍ୟବହୃତ ହେଉଥିବା ରସାୟନ ରଙ୍ଗ। ସିନ୍ଥେଟିକ୍ ବା ରସାୟନ ରଙ୍ଗ ବ୍ୟବହାର କରି କୋବିକୁ ଲାଲ ରଙ୍ଗରେ ରଙ୍ଗର କରାଯାଇଥାଏ । ଯାହା ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ। ଖାସ ଏହି କାରଣୁ ଲୋକଙ୍କ ମନ ପସନ୍ଦ ଖାଦ୍ୟ କୋବି ମଞ୍ଚୁରିଆନକୁ ଗୋଆରେ ବ୍ୟାନ୍ କରାଯାଇଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ୧୯୭୦ ଦଶକରେ ପ୍ରଥମ ଥର ମଞ୍ଚିରିଆନ ଡିସ୍ ତିଆରି କରାଯାଇଥିଲା ଚିକେନ୍ ମଞ୍ଚିରିଆନ୍ ପରେ କୋବି ମଞ୍ଚୁରିଆନର ଚାହିଦା ମଧ୍ୟ ଧିରେ ଧିରେ ବଢିବାରେ ଲାଗିଥିଲା ।
Click it and Unblock the Notifications
Sign in with Google