ଗୋଆ ନାଇଟ୍ କ୍ଲବ୍ ଅଗ୍ନିକାଣ୍ଡ ;ଦିଲ୍ଲୀ ଆସିଲେ ଲୁଥ୍ରା ବ୍ରଦର୍ସ, ଗିରଫ କଲା ପୁଲିସ

ଗୋଆ ନାଇଟ୍ କ୍ଲବ୍ ଅଗ୍ନିକାଣ୍ଡ ଅଭିଯୁକ୍ତ ଲୁଥରା ବ୍ରଦର୍ସ ମଙ୍ଗଳବାର ଦିଲ୍ଲୀ ଏୟାରପୋର୍ଟରେ ପହଁଞ୍ଚିଛନ୍ତି। ସେଠାରୁ ଗୋଆ ପୁଲିସ ତାଙ୍କୁ ଗିରଫ କରିଛି। ପୁଲିସ ତାଙ୍କୁ ଗିରଫ କରିବା ପରେ ଦୁଇ ଭାଇଙ୍କୁ ଦ୍ବାରକାର ଏକ ହସ୍ପିଟାଲରେ ମେଡିକାଲ ଟେଷ୍ଟ କରିବ। ଆଜି ପୁଲିସ ଦୁଇ ଭାଇଙ୍କୁ କୋର୍ଟରେ ହାଜର କରି ଟ୍ରାଞ୍ଜିଟ୍ ରିମାଣ୍ଡ ଦାବି କରିବ। ଫଳରେ ଘଟଣା ସମ୍ପର୍କିତ ତଦନ୍ତ କରିପାରିବ।

୬ ଡିସେମ୍ବରରେ ନାଇଟ୍ କ୍ଲବରେ ନିଆଁ ଲାଗି ୨୫ ଜଣଙ୍କର ମୃତ୍ୟୁ ପରେ ଏହି ଦୁଇଜଣ ଥାଇଲାଣ୍ଡ ପଳାଇ ଯାଇଥିଲେ। ଗୌରବ ଲୁଥ୍ରା ଓ ସୌରଭ ଲୁଥ୍ରା ଉତ୍ତର ଗୋଆର ଅରପୋରା ସ୍ଥିତ 'ବର୍ଚ ବାୟ ରୋମିଓ ଲେନ୍' ନାଇଟ କ୍ଲବର ସହ ମାଲିକ୍ ଅଛନ୍ତି। ନିଆଁ ଲାଗିବାର ଘଟଣାର ତୁରନ୍ତ ପରେ ସେ ଥାଇଲାଣ୍ଡର ଫୁକେଟ୍ ଚାଲିଯାଇଥିଲେ। ତାଙ୍କ ବିରୋଧରେ 'ଇଣ୍ଟରପୋଲ'ର 'ବ୍ଳୁ କର୍ଣ୍ଣର ନୋଟିସ୍' ଜାରି କରାଯାଇଥିଲା।

ଭାରତୀୟ ଦୂତାବାସର ହସ୍ତକ୍ଷେପ ପରେ ଥାଇଲାଣ୍ଡର ଅଧିକାରୀ ୧୧ ଡିସେମ୍ବରରେ ଫୁକେଟରୁ ଲୁଥ୍ରା ବ୍ରଦର୍ସଙ୍କୁ କଷ୍ଟଡିରେ ନେଇଥିଲେ। ଭାରତୀୟ ମିଶନ୍ ଏହି ମାମଲାରେ ଥାଇଲାଣ୍ଡ ସରକାରଙ୍କ ଲଗାତାର ସମ୍ପର୍କରେ ଅଛନ୍ତି। ଥାଇଲାଣ୍ଡରୁ ଭାରତ ପହଁଞ୍ଚିଥିବା ଲୁଥରା ବ୍ରଦର୍ସଙ୍କୁ ଗୋଆ ପୁଲିସ ଆରେଷ୍ଟ କରିଛି।

ଲୁଥ୍ରା ବ୍ରଦର୍ସଙ୍କୁ ଥାଇଲାଣ୍ଡରୁ ବାହାରିବା ପୂର୍ବରୁ ବ୍ୟାଙ୍କକ ବିମାନ ବନ୍ଦରରେ ଦେଖିବାକୁ ମିଳିଥିଲା। ସେ ଭାରତ ପହଁଞ୍ଚିବା ପରେ ତାଙ୍କୁ ଭାରତୀୟ ଅଧିକାରୀଙ୍କୁ ଦିଆଯାଇଥିଲା। ଯାହାଫଳରେ ମାମଲାରେ ଆଗକୁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ପାରେ। ଗୋଆ ପୁଲିସ ନିଆଁ ଲାଗିବାର ଏହି ଘଟଣା ସମ୍ପର୍କରେ ପୂର୍ବରୁ ୫ ମ୍ୟାନେଜର ଓ କର୍ମଚାରୀଙ୍କୁ ଗିରଫ କରି ସାରିଛି।

ଏବେ ଦୁହିଁଙ୍କୁ ମେଡିକାଲ ଯାଞ୍ଚ ପାଇଁ ଅଣାଯିବ ଓ ପଟିୟାଲା ହାଉସ କୋର୍ଟରେ ହାଜର କରାଯାଇଛି। କୋର୍ଟ ଦୁଇ ଅଭିଯୁକ୍ତଙ୍କୁ ୨୪ ଘଣ୍ଟାର ଟ୍ରାଞ୍ଜିଟ୍ ରିମାଣ୍ଡ ମଗାଯିବ। ଅଧିକାରୀମାନେ ସ୍ପଷ୍ଟ କରିଛନ୍ତି ଗୋଆ ପୁଲିସ ଥାଇଲାଣ୍ଡ ଯାଇନଥିଲା। ଲୁଥ୍ରା ବ୍ରଦର୍ସଙ୍କ କଷ୍ଟଡି କେବଳ ଦିଲ୍ଲୀରେ ହିଁ ନିଆଯିବ। ଯୋଜନା ଅନୁସାରେ, ଟ୍ରାଞ୍ଜିଟ୍ ରିମାଣ୍ଡ ମିଳିବା ପରେ ଦୁଇ ଭାଇଙ୍କୁ ଆଜି ବିଳମ୍ବିତ ରାତିରେ ଗୋଆ ନିଆଯିବ। ଗୋଆ ପହଁଞ୍ଚିବା ମାତ୍ରେ ତାଙ୍କୁ ସିଧା ଅଞ୍ଜୁନା ପୁଲିସ ଷ୍ଟେସନକୁ ଅଣାଯିବ। ଯେଉଁଠି ତାଙ୍କୁ ଏହି ମାମଲାରେ ଆଗକୁ ପଚରା ଉଚରା କରାଯିବ।