ଗଣେଶ ଚତୁର୍ଥୀ: ପ୍ରସିଦ୍ଧ ଲାଲ ବାଗଚା ରାଜାର ଗଣେଶ ମୂର୍ତ୍ତି ଉନ୍ମୋଚିତ

ଗତ ଦୁଇ ବର୍ଷ ହେବ ମୁମ୍ବାଇରେ ପ୍ରସିଦ୍ଧ ଲାଲ ବାଗଚା ରାଜା ମଣ୍ଡପରେ ଗଣପତିଙ୍କ ପୂଜା ହୋଇନଥିଲା । କୋଭିଡ କଟକଣା ନେଇ ପୂଜା ବନ୍ଦ ରଖାଯାଇଥିଲା । କିନ୍ତୁ ଚଳିତ ବର୍ଷ ବିଘ୍ନ ବିନାଶକ ଶ୍ରଦ୍ଧାଳୁଙ୍କୁ ଦର୍ଶନ ଦେବେ ।

ମୁମ୍ବାଇ: ଗତ ଦୁଇ ବର୍ଷ ହେବ ମୁମ୍ବାଇରେ ପ୍ରସିଦ୍ଧ ଲାଲ ବାଗଚା ରାଜା ମଣ୍ଡପରେ ଗଣପତିଙ୍କ ପୂଜା ହୋଇନଥିଲା । କୋଭିଡ କଟକଣା ନେଇ ପୂଜା ବନ୍ଦ ରଖାଯାଇଥିଲା । କିନ୍ତୁ ଚଳିତ ବର୍ଷ ବିଘ୍ନ ବିନାଶକ ଶ୍ରଦ୍ଧାଳୁଙ୍କୁ ଦର୍ଶନ ଦେବେ । ଏଥର କୋଭିଡ କଟକଣା ନଥିବାରୁ ଦର୍ଶକଙ୍କ ପ୍ରବଳ ଜନସମାଗମ ହେବ ବୋଲି ଆଶା କରାଯାଉଛି । ଗତକାଲି ସଂଧ୍ୟାରେ ଲାଲବାଗଚା ରାଜା ସାର୍ବଜନିକ ଗଣେଶ ଉତ୍ସବ ମଣ୍ଡଳ ପକ୍ଷରୁ ଏହାକୁ ଉନ୍ମୋଚନ କରାଯାଇଛି ।

ଚଳିତ ବର୍ଷ 14 ଫୁଟ ଉଚ୍ଚତାରେ ଗଣେଶ ପ୍ରତିମୂର୍ତ୍ତି ଲାଲ ବାଗଚା ରାଜା ମଣ୍ଡପରେ ଶୋଭା ପାଉଛନ୍ତି । ଦକ୍ଷିଣ ମୁମ୍ବାଇରେ ପ୍ରସିଦ୍ଧ ଲାଲ ବାଗଚା ପେଣ୍ଡାଲରେ ପ୍ରତିବର୍ଷ ଲକ୍ଷାଧିକ ଭକ୍ତଙ୍କ ଭିଡ଼ ଜମିଥାଏ । ହେଲେ ଦୁଇ ବର୍ଷ ହେଲା ପୂଜା ବନ୍ଦ ଥିଲା। ଏଥର ପୂର୍ବ ବର୍ଷ ଭଳି 11 ଦିନ ପୂଜା ପାଇବେ ଗଣପତି ବାପ୍ପା । ଆସନ୍ତାକାଲି ଠାରୁ ପୂଜା ଆରମ୍ଭ ହେବ । ଏନେଇ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି । ପୂଜାକୁ ନେଇ ପିଲା ଠାରୁ ବୁଢା ସମସ୍ତେ ଉତ୍ସାହିତ ଅଛନ୍ତି । ପେଣ୍ଡାଲରେ ବିଭିନ୍ନ ପ୍ରକାର ସାଜସଜ୍ଜା ଲୋକଙ୍କୁ ବେଶୀ ଆକର୍ଷିତ କରୁଛି ।

#WATCH | Maharashtra: The first look of 'Lalbaugcha Raja' unveiled in Mumbai ahead of #GaneshChaturthi pic.twitter.com/NOn454cIHt

— ANI (@ANI) August 29, 2022

କେବଳ ମହାରାଷ୍ଟ୍ର ନୁହେଁ ଦେଶର କୋଣ ଅନୁକୋଣରେ ଚଳିତ ବର୍ଷ ଗଣେଶ ପୂଜା ଅତି ଧୁମଧାମରେ ହେବ ବୋଲି ଆଶା ରହିଛି । ସମସ୍ତ ସ୍ଥାନରେ ପ୍ରାୟ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଛି ।

English summary

Lalbaugcha Raja First Look: he Lalbaugcha Raja Sarvajanik Ganeshotsav Mandal revealed the first look of its 14-foot-tall Ganesh idol.